تجمع الكروشات اللي ولادتهن في رمضان 1433ه

[الرشا]

سلام حبايبي .... كيف نوناتكم .. ووحامكم


يابنات انا تنزل مني قطع بيضاء مو طبيعيه مدري شسالفه
ووجع بظهررري ذبحني موووت ....
اشك انها التهابات بحاول اروح للدكتورة العصر ...

[Haif]

مساء الخير كلكم

ام حماده
الف مبروك النجاح
والحمد لله انك تطمنتي على النونو الله يحفظه

نسومه
ماتشوفين شر حبيبتي عاد التهاب الاذن مووت الله يعينك

الرشا
اكيد التهابات عالجيها اول باول علشان ماتزيد

نور
كيفك وكيف النونو و الله انا ادخل قد مااقدر

اربعا جميل للكل يارب واجازه سعيده
*

[ام لمور]

سلام كروشات كيفكم
مبروووك النجاح يام حماده
اعذروني على الانقطاع تعرفون زيارات
واجاااااازه سعيده للكل ....

[نسمة دفا]

مساء الورد



الحمدلله اليوم أحسن شوي..استخدمت طب عربي لأذني

زيت زيتون بالحلتيت ومدري إيش ...جبته من وحدة خبيرة تعالج طب عربي

ريحته مو حلوة ابداً..بس الحمدلله..ارتحت عليه...

رشو ..هذي التهابات..

لاتهمليها...

أم حمادة..أهدي لولدك..الأغنية حقت سلام للنونو ...ماشاء الله عليه مبسوط..


قلبي معكم..وأبشركم أمس نزلت السوق واشتريت أول غيار كامل للبيبي

مستعجلة ههههههه

تدرون ليش ...من بداية الشهر السابع بيصير الجو نااااااااار ومانقدر نخرج براحتنا وعلى االتاسع رمضان ومافي وقت وياسلاام على كروشاتنا اللي تتناطط قبلنا في المحلات فديت كرشتي وكروشاتكم


وقريبا ببدأ شغل في بيتي ..

حاجة ثانية ..اني أنا ماأحب ألبس البيبي نص كم ..أبداً حتى لو صيف,,(المكيفات دايم مفتوحة) ..وفي الصيف ما ألاقي كم طويل إلا قليل

فقلت من الحين أبدأ آخذ لبس قطني خفيف بشرط يكون كم طويل

بقضي على مهلي أحسن..

وأمس قلت لأولادي أني حامل,,ماصدقوا,,,يقولون لي كذابة خخخخخخخخ

انصدموا من الفرحة ..ربي يحفظهم ويحميهم

.....

ونزلت الأسامي على طول ..واحد يبغى ولد وواحد يبغى بنت

أمس قالولي إذا ولد نبغى وسام..وإذا بنت ياكثر الأسامي الحلوة..

.....

[الرشا]

هلا بنسومه ... شلونك والحمدلله على سلامتك
مو بدري على مقاضي البيبي .....مستعجله بقوة

الحين انا بالمستوصف انتظر دوري ومن الطفش جلست ادور على وايرليس ومن حظي موجود وبدون باسورد
قلت ادخل واسلم عليكم واشوف اخباركم ..

[نسمة دفا]

مبروووووووك النجاح أم حمادة

ومبروووووك النجاح أم عبد الرحمن "سامحيني على التأخير"

وهذي حفلة صغيرونة مني لكم

[نسمة دفا]

رشو ..ربي يطمنك على الغالي ..

لأ ..أنا بالنسبة لي مو مستعجلة عادي ..بكل أطفالي أحب أتقضى من بدري

بعد أقل من شهر ببدأ شغل في بيتي وتصليح وتوسيع ..يعني الشغل ياخذ وقت ..لأن زوجي مايحب السرعة في الشغل..فتح شقتين على بعض وشغل

وعلى مايخلص شغل أكون قربت على السابع ولاتنسي أني ما أقدر أطلع بها الفترة كثير لأني يادوب ألحق شغل وترتيب وتنظيف ورا العمال(ماعندي شغالة)..وأنا ماأحب أطلع بكرررشتي إذا كبرت للسوق

وبالذات في الحر
..تعذيب..

وفي رمضان خير شر ما أحب أطلع السوق

عشان كذا بابدأ شوي شوي أشتري..لاتلوووووموني

هههههههههههههههههههههه

[نسمة دفا]

رشا ليش توقيعك واقف..؟؟؟

أنتي قبلي بيوم واحد بس..

لازم يكون 10 أسابيع و6 أيام

[الرشا]

مراحب ياغاليات
دوبني طلعت من عند الدكتورة وشفت حبيييييييب امه فديته ينطط
وربي كاني اول مره احمل ياحبي له يارب تخليه وتحفظه وتحفظ لكم نوناتكم

نسومه تخيلي قالت لي انه باقي يومين واخلص الاسبوع الثامن اي اخلص شهرين وابدا بالثالث
لان الحمل صار عندي متاخر
وقالت على حسب السونار ان موعد ولادتي 20 _ 8 ان شالله
يعني كم هجري اتوقع 2_ 10
معقووووله »»»»»»»» سولف مع حالها

وسوت لي مسحه طبيه وبانتظار النتيجه

متابعين الحدث اول بااول

[(( أم يارا ))]

مساء الورد ..
اخباركم كروشات ..؟
الرشا اسم الله على ولدك يدنن الله يحفظه اول ماشفته ع بالي ولد بنت خالي اسمه عزوز يشبه له مررره سبحان الله .. الرشا يمكن التهابات انا تنزل مني افرازات وقالت الدكتوره طبيعيه اذا مالها رائحه .. وطلع عندي التهاب في البول وصديد (( الله يكرمك )) ..
ام حماده .. الف الف مبروك النجاح وعقبال التخرج .. والله يثبت حملك وحمل الكل ويرزق كل محرومه ..
ام سينا هيفا نسمة دفا نور العيون ام عبد الرحمن امل ام لمور اخباركم طمنونا عنكم ..؟
جوريته وينك طمنينا عليك وان شاء الله تسمعين نبض الجنين وربي يطمنك عليه يارب ..
كروشات انا بكريه وما اعرف كيف تكون بداية حركة الجنين .. انا اليوم حسيت زي ضربات القلب في رحمي خفيفه وماطولت وكمان احساسها غريب .. وكمان اولى حسيت بنفس الحركه .. هل فعلا هي حركة الجنين والا .. ماشاء الله ما اتوقعت احس فيها .. ع فكره شريط الحمل مأخرني 4 مدري 5 ايام لاني بالسونار متقدمه ع الشريط .. *