دردشة بنات العراق, دردشة حوامل العراق , تجمع بنات العراق

[شمس العراق]

هعهههع حلوه هاي نص نص
الله يخليلجياها يارب ويفرج بالي بطنج ويقومج بالسلامه
اني بنتي الاخيره هم جان كاتل نفسه علي ولد وجنا وكتها هم مشاكل وضيقه خلق الله لا يعيد هذيج الايام
وبيوم اللي رحت سويت سونار كالت بنيه طلعت الطريق كله خايفه اكوله
ومن خابر كال ها كلت له بنيه سد التلفون بوجهي وضل فتره الحمل كلها زعلان وميحجي وياي حتي بولادتي ماحضر للمستشفي
ولحد ما بنتي صار عمرها 6 اشهر صار يتقرب الها وهسا عنده ملوكه روحه من الدنيا وميقبل احد يكيسها
يكول لي هاي الخير والبركه بس خلص هسا اتمنا اللي جاي ولد
اني هم اكول له ان شاءالله بس انت ادعي خلي ايمانك بالله قوي

[المغتربه المتفائله]

هلووووووبنات شلونكم
ان شاء الله بخير
اهلا واسهلا بيج شموسه منوره حبي الله يخليلج بناتج ويرزقج الولد الصالح ياررب
ام نورهانه /زنوبه /فوفو/نورا/فرح /مي /قمر /ام ايهومي ان شاء الله مانسيت احد شلونكم حبايب ان شاء الله بخير

[المغتربه المتفائله]

والله موضوع البنات والولد موضوع متعب ومجتمعنه منا لميه سنه مراح يخلص من هاي المشكله تفريق البنت على الولد
البارحه احجي وي زوجي اكوله شتحب ولد لوبنيه يكول اني حته ما اريد اعرف شنو منا لحد موعد الولاده
ههههههه ضحكت كتله بس اني ما اصبر اريد اعرف شنو يكول اني اتمنه يصير عندي 4ولد وبنيه وحده
كتله ليش متحب البنات يكول لا اني احبه واتخبل على البنيه بس من كد ماراح احبه واتعلق بيه وراح لحد ما اموت شايل همه
كتله اذا تفكيرك هيجي اني وياك لان صحيح البنيه تصير حمل على ابوهه ويبقى طول العمر باله يمه مومثل الولد يشيل مسؤليه نفسه
تصدكين زوجه عمي ما شاء الله عده 6ولد الموجودين و3ماتو وعقدت بعد اخر واحد وقبل فتره تسأل الدكتوره تكله ممكن افتح
العقد تريد تجيب بنيه ههههههه الدكتوره كلته ميصير لان تشوف عمي يحب البنات
واخته لمرت عمي عده ماشاء الله 5بنات ولا ولد عده هاي كله ارزاق مكتوبه من رب العالمين واحنه ماعدنه شي غيرالدعاء

[فوفو العراقية]

حبيبتي شموسة ان شاء الله حمل سليم
الوحام اني بدة عندي بالاسبوع 7 او 8 من الحمل
بس مو شرط
اكو نساء ميصير عدهم وحام
لاتخافين حبي

انتي اشكد عليج هسة؟
وليش ماحاطة شريط الحمل؟

[**نورا**]

صباح الليل عله عيون حبيباتي شلونكم اخباركم اموركم يارب مرتاحات
اني اليوم فريت عجه ومجه عله كولة بيباتنه ههههههههههههههه
رحت سوك ورحت سوبر ماركت ومريت عله بيت عمتي كلش تعبت واول مره احس الطفل ضاغط عله المثانه وينغز من جوه من امشي واتحرك بس مو هوايه بلكي الله اجيب واخلص

[فوفو العراقية]

حبيبتي شموسة
اني زوجي عكس زوجج لان جان يتمنة يجي
بنت وكلش ضاج من عرف ولد جاي هسه ولما حجيت وياه
حمد ربه عالنعمة وهسه هوة الي يحضر اله غراضه
يمعوده اهم شي الصحة
ربي يتمم عالجميع

[o فرح عمريo]

مساااااااااااااااء الخير حبايب قلبي
شخبار الكل مشتاااااااااااااااقه موووووووت
اني ببيت اهلي صار يومين وهسه دااحجي من بيت اهلي
كلت شويه اروح اغير الجو
وعلى اساس اروح للكاظم اليوم بس مارهمت السالفه
وان شاء الله خيرها بغيرها
بس رحت للسوك واشتريت سوالف حلووه
وباجر ارجع لأن رجلي رح ينتحر هههههههههههه

انتو شخباركم جميعا ان شاء الله تمام

شموسه حاتي الف هلا بيج نورتي التجمع وربي يرزقج الولد الصالح ان شاء الله ويفرح قلوبكم
اني فرح عمري 23 سنه من ديالى متزوجه من سنه واسابيع وماعندي اطفال عند اسقاط قبل فتره اسم الله عليج وعلى كل البناات

فاديه-زنوووبه-ام ايهومي-ام هيمن- ميوووشه-ساره بغداد-ساره المغتربه-نورا-ام نورهاانه-مروه

قموره وايوته مختفين ان شاء الله المانع خير
وتحياتي الكم وحده وحده

[ام نورهانه]

هلو نورا اي حبي امشي هوايه بلكت ربي يسهلها عليج وان شاء الله ساعة سهلة

وج فوفو شو مرديتي عليه عااااااااااااااااا

[فوفو العراقية]

نعم حبي ام نورهان؟
سكتي جبت ايفون ابل 4,16 كيكا
ومليت من برامجة ماحبيته ابد مع انه اخر اصدر
وجنت اقرة بي الكاتبي انتو ونسيت حبي شنو كاتبتلي؟
هسة اروح اقرة

[ام نورهانه]

اني عندي كالكسي ولا استعمله بس من اروح الاهلي لان يضوج كلش كلش