ديوانية البحرين - دردشة حوامل البحرين - البحرينيات

[أحلام أم]

سلام على أهل السلام
فلونه
أهم شي إنتين بخير حبيبتي ،وإن نسينه نسأل عنش أني أدخل أكتب كم كلمة وأرجع لهنوووي وتدرين من كتاباتي حبي مايسكت ربي يحفظه ويهديه
وصدق خيوو مادري ويش فيهم بعض اليهال تعشق أماكن وتهدأ عليها وتكره أماكن وماتسكت من الصياح فيها ربي يحفظ علاويكم وهنونننه
شمس
إجازة العطلة الصيفية إبتدأت وبنسكر أبواب المدارس للعام الدراسي القادم بإذن الله مع تمنياتنا بالنجاح للجميع
حزينه وأم السادة
عليكم بألف عافية وننتظر الصور يؤؤؤؤؤؤؤؤؤؤؤ تعزمون ناس وناس على كلا ربي يسعدكم ويجمعنه في الخيرات <<<<مشكل تركضين لين أحد عزمش خخخخخخخخخ
طفطف
شوقتيني ليوم المولد عن جد خلنه نجتمع يوم الميلاد على الأقل الدرازيات هههههههههههههههههههه والباقي حياكم بعد على فكرة ليلة مولد الإمام علي ذكرى زواج أمي وأبويي

[اروي يقيني]

ياويلييييييييييييييييييييييي على العيش

مال ماتم عاد اهم شي


مشكوره خيو لا والله مازعلت بس انقهرت والله في كل مكان منرزين لينا الله يلعنهم

ماجورييين جماعه



المهم جايتنكم وياي عزومه حق يوم الخميس الا تبي تجي حياها الله

برجه في دوار 12

واللي بتجي تخبرني

[Roze]

حلاوتكم يفلونه وطفطف قطاوه تنافتون
هااع صلو ع النبي يالقارئين ليقولون حسدناهم
اييي احلام ام اشوفها سيطرت ع الجناح وماسحه مخه مساااح يبي يسوي لها اي شي
وازيدش من الشعر بيت ريلي يقولي لما قلت له بالسالفه اقول لما خبروه انها ولدت بالعمليه تسند على الطوف وقام يناهق من الصياح ههههههههه غربل الله العراقيات ال من هالنمونه لااااااشه

لاتحسسوني بالذنب على الرضاعه الطبيعه بروحي متاثره من السالفه لانه حاولت مره وياها وعقب ماانكسر ظهري وشلتها ردت قامت تصيح والايادي في البوز حليبي مامنه فايده مايشبعها عفر مياهه بس هههههههههه

الا وين بتتيمعون درازيات خبرونه اذا يناسبنه
لكن استحي اصغركم اني ههههههههه

[Roze]

اروي يقيني هاع ماطلعت من الاربعين وبسيمي ماترهم البرجه
شوفي باقي البنات
ان شاءالله تستانسوووون

[اروي يقيني]

ههههههههههههه ويلي عليش

ماعليه نسوي لش مره ثانيه

بس ان شاءلله تعتدل اوضاعنا

[اروي يقيني]

اي نسيت العرض بعد مال البرجه

الا ماعندها احد يجيبها وبيتهم في م حمد لو محرق لو في ديرتنه عراد تتصل وبجيها

يالله من بيجي

[أحلام أم]

روز
حسبي الله على هدامات البيوت الله ياخذ الحق إيه والله لحست مخه وتيتموا أولاده في وجوده
هو طبعه جدية يناهق من الصياح من يصير شي في أولاده أو حتى مرته الأولية
أشوفكم على خير

[حبيبة حسوني]

مساء الخير
شخباركم ؟مبرررروك عليكم احلام ام وشموس وام خليل الاجازه :p
اني احاتي الاجازه بعد مالت المدارس هههههههههههه مادري ليش تصدقون استانس لين خصلو :)افففففففف تبعانه حدي اتامي اليوم طعمانها تصدقون من 8 اني هناك ماخلصنا الا عشر
وطبعا سويت ليي فلم عالسريع يوم يضربونا برا يابعد روحي هالورده لو زين اني يرضبوني بدالها الو مره سويت روحي قويه واني الي جودت رجايلها هالمره قلت لابوها يجي ويايي يجود رجولها وهم مجودنها واني اصيح هههههههههه حتى الي ضربتها ابرا شافتني اصيح تقوليي لو ما ضربتها البرا سيده وهي تحركت جان تدخل فيها بسم الله على بتي خلف جبدي هههههههههه وصايره كلش ماتحمل اي احد يحمل بتي تخيلو هالاسبوع حمواتي عاطين بتي بت حميي تجودها على حضنها بدون ماحتي يجودنها بيدهم وهي عمرها تقريبا 4 سنوات ويش تتوقعون مني سيده قمت واخدتها قلت ليهم لا لا تحطونها جدي وهم كانه ماعجبهم الحجي يقولون عادي تعرف تجودها اي صح لو وحده من ولادهم مارضو ورجلي هزاني يقول ليي احرجتين الجاهله وهو خزاني وهزاني قدامهم :( الله يعيني

[اروي يقيني]

بنات ضرووووووووووووووسي بموت

عادي اشرب بروفين

[أحلام أم]

أروي يقيني
من صدقش تشربين بروفين مليون% لا لا لا لا لا تشربين خطير في الحمل كلش ولا تغامرين بأي دوى تحملي
كل الأدوية موزينه في الحمل إلا بإستشارة دكتورة حوامل وبعد تشربنها للضرورة كلش ماعليش شر
حبيبة حسوني
ماعليها شر فطومة وعندش حق تتحملين بها ،بس حاولي تضبطين خوفش عليها قدام حمواتش ترى مايرضوون هالأزواج على أهلهم
مثلا روحي قعدي صوب الجاهله وهي تحملها ولا تغفل عن عيونش ،لا سمح الله صادها شي بسيط ماحد بينفعش منهم ربي يحفظها لش من كل شر
ياارب ماتتألم من أثر الأبر ولاتسخن

إسمعوا ولدي أقوله إقعد صوب أخوك شوي ولاتتحرك من تحته ،إلا يقولي مانه جيفه أنا جليس أطفال ههههههههههههههههههههههههه من وينه له هالحجي بعد
تصبحون على خير ربي يهدي هنووووي الليلة