دردشة بنات فلسطين, دردشة حوامل فلسطين, تجمع بنات فلسطين

[لولو الفلسطينية]

صبا الورد على الورد
شو عاملين اليوم و شو الاخبار ؟
ام جودي الله يسلمك يا عسل بالنسبة لاسم البنوتة جوزي جابب يسميها الكساندرا هههه صحيح الاسم طويل شوية بس هو مدقر على هاد الاسم لأنه اسم جدته هيك و جدته ام امه روسية زي ما بتعرفو * و ان شاء الله خير
عيون المها الله يشعدلي اياكي * الحمد لله خلصت امتحانات بس المشكلة مش عارفة اقرر بالنسبة للفصل الجاي هاد لنزل كم مادة لاني رح اكون ثقيلة هههه و الامتحانات الفاينال بشهر 6 يعني بكون في اخر التاسع الله يستر
دودو لا تشكيلي ولا اشكيلك ههههه انا بالليل ما بنام ساعتين على بعض مش عارفة شو القصة الله يهونها علينا
لولو التانية الله يعينك و يهونها عليكي و علينا و يتمم للجميع بخير ان شاء الله
احساس منورة يا بطة انا صاحية قبل الشحادة و بنتها
مسك و جارة و حيفا و غموض و ام عمرو و انبثاقة و بينك و و لولو حواء و كل الصبايا الموجودين و الي مش موجودين شو الاخبار ؟؟
بنات انا اخيرا دخلت الخامس عقبال ماادخل التاسع امنا و كل الحوامل و نرتاح و يكون كلشي تمام و عقبال ما نفرح فيكم صبايا

[لولو الفلسطينية]

دودو يسعد صباحك هههههه و الله و الله كانك بتحكي عني و الله بنام على 11 الا ربع و بصحى على 12 الا ربع و هكدا هههه و لما اصحى بكون مفكرة الساعة رح تكون 4 او 5 الفجر هههه بس بتفاجأ انو ما الي ساعة نايمة

[~{{ DoDo }}~]

لولو
صباح الورد
اه والله انا نفس الحكي كتير مرهقة وتعبانة
الله يهونها يااااااااااارب
مبروك دخولك الخامس انا فعليا بكرا بفوته
بس شريط التوقيع سابق شوي
وموعد الدكتور تاجل للسبت لانه الخميس اجازة المولد النبوي
كل عام وانتم بخير جميييييييعا

[لولو الفلسطينية]

دودو ان شاء الله بتدخليه على خير و عقبال ما ندخا التاسع و نولد بنفس اليوم هههه
الشريط اه بكون سابق بكم يوم لانه بحسب بالاسابيع بس الدكتور حكالي احسب كل 23 بدخل شهر و انتي بعديه بيوم على طول
المولد النبوي الخميس اه بس في جامعات هون رح يعطلو السبت بدل الخميس لأنه الخميس اصلا عطلة * و كل عام و انمتو بألف خير ان شاء الله

[~{{ DoDo }}~]

وانتي بالف بخير ياااارب
احنا لانه عنا الجمعة والسبت بالامارات عطلة
عطونا اياه الخميس
وانا الدكتورةرقالتلي كمان كل 24 من كل شهر بفوت بشهر جديد
انشالله نولد انا وانتي بنفس اليوم هههههههه الله يسهلها ياااااااارب

[احساس أنثى]

يسعدلي اياهم النشيطات

دودو انتي شو يلي بقلق منامك حركة البيبي ولا طبيعتك بتحبي السهر ولا شو ؟!

لولو مبارك دخولك الخامس يالله هانت ربي يتمملك ع خير

[لولو الفلسطينية]

تسلمي احساس يسعد صباحك
انا ماما بتحكيليمن الشهر الخامس و طالع الايام بتعدي بسرعة
ان شاء الله

[~{{ DoDo }}~]

احساس
صباح الخير يا حلو
لا والله مش من حركته
انا من اول الحمل هيك بس كنت احسن
يعني عالقليلة كان ممكن انام 4 ساعات متواصل
واصحى من وجع رجليا
هلا مش كل يوم بيوجعوني رجليا بس كاني مزبطة منبه
بكون نعسانة كتير بنام عال 12 متلا ، بتلاقيني بالزبط الساعة 1 صاحية بدون سبب
وانه ارجع انام بعدها مستحييييييييل بضل اتقلب يمين وشمال واتقلب واتقلب ويييييييي
لبعد الفجر والله يادوب لل 7 لما اصحي زوجي ممكن ارجع انام ساعة او تنين ومش متواصل بالمرة
وهاي قصتي وحدوتي :(((

[مسك السنين]

اللي مابتنام بالحمل بتشد شعرها بعد الولادة

هههههههه اسئل مجرب ولا تسئل طبيب

[احساس أنثى]

دودو طيب اسألي دكتورتك عن وجع الرجلين يمكن تلاقيلك حل حرام تضلي هيك
سهر هلقيت وسهر بعد الولاده