دردشة حوامل أهل مكة المكرمة - دردشة بنات مكة المكرمة - تجمع حوامل مكة المكرمة

[كوكو الحلوه]

مساء الخير كروشات كيفكم ان شاء الله بخير والبيبي ان شاء الله بصحه وعافيه

[Compassionate Heart]

بنات مادري ليش احس انو كروزه ولدت الله اعلم ربي يكتب ولادتها قربت ساعه مباركه يارب ماشاءالله كثير الا هيولدو اللهم زيد وبارك و نحنا نقعد نشيل همهم يالله عاد اخواتنا اذا ما نشيل هم بعض نشيل هم مين يعني ربي يسعدكم يارب

[غنووجه]

كمان انتي يا نانا تروحيلو ع كدا شكلو لزيز جوعتوني مع اني ما قيد اكلت اكل هندي انشاء الله اروحو واجرب

[Compassionate Heart]

كوكو الحلوه
مساء النور بخير ربي يجعلك دوم بخير انتي اخبارك

[Nana.1985]

رحيمة اصلن الوضعية الي تكونو فيها متقابلين مررا غلط لانو بيضغط ع البيبي
جربو اي طريقة تانية بس دي نوو .. حتى انا اتعب كتير اصلن احس اني انكتم لمن يضغط على بطني.. الله يسهل ياارب

[غنووجه]

اهلين كوكو مساء النور كيفك وكيف الكروشه معاكي

[Nana.1985]

لا ماقد جربتو بصراحة بس سمعت اكتلا من مرة انو لزيز
ونا فيا عرق هندي وباكستاني عشان كدا متحمسة برضو خخخخ

[لينـــــا]

السلام عليكم
كيف حـــــال الكروشااات ؟؟
صحيح مااكتب كثير بس متابعه اموركم وربي يسهل عليناا وعليكم

انا يابنااات مرررررررره تعبااانه الحمدلله على كل حاااال
جاتني ولادة مبكره وانا لسه ماخلصت الثامن الاسبوع اللي فات وتنومت في حراااء اسبوع
والدكتوره تهاني المطرفي كانت مشرفه على حالتي ومع المثبتااات والعلاجات خف الوجع بس قالت لي الرحم مفتوح عندك 4 سم يعني لازم راحه تااااااااااااامه الى ماخلص الثامن وادخل كم يوم في التاسع عشاان وزن البيبيات مرره ضعيف ..
واحد كيلوا 400 والثاني كيلوا 500
وحراام يجلسوا في الحضاانه اصلا مااطيقهاااا
دعواتكم بس انه ربي يتمم لي على خيررررر
ودي اطلبكم طلب ابغى ارقاام شغالات حبشيااات ولا تكرونيات يناموون
الله يسعدهااا اللي تساعدني ويكتب لها الساعه المباركه وضروري ابغاه لانه وضعي الصحي مرره سيء

[غنووجه]

يالله دوقي وقوليلنا كيف وكمان جمك مافي احلا من كدا

[Nana.1985]

لاااا تخيلي تولد قبلي؟؟ خياننننة انا سابقتها باسبوعين >>> مرررا سباق هوا هههه
لا هيا لسا دوبها تاني اسبوع في التاسع وبكريه