دردشة حوامل أهل القصيم - دردشة بنات القصيم - تجمع حوامل القصيم

محبة الجنان · 08-07-2011, 01:50 PM

هلابك اختي سكر زماني
أنا دخله التاسع من أسبوعين
والله يسهل علي وعليك
لسى ما قررت وين أولد
بس الأغلب في مستشفى الولادة والأطفال
لأنه احتمال عملية وما ابي أغامر
مع أن زوجي مصر على مستشفى الوفاء أو الحبيب
بس أنا مو مطمنه للخاص
لوكانت ولادتي طبيعية كنت ابي اختار الوفاء
كثير من البنات مدحوه
لكن قدر الله وماشاء فعل
لاتنسيني من دعواتك

بنت عز · 08-07-2011, 01:56 PM

السلام عليكم ورحمة الله اسعد الله مسآآكم ومبارك عليكم الشهر بنات القصصيم
انا عندي صديقه ومن القصيم وحول الولادهـ ومحتاره في أي مستشفى تولد عندكم هي تقول القصيم الوطني كثير يمدحونه وخدمات حلووهـ فوشرايكم الله يجزيكم خيرر ؟ هل تنصحونها فيه انتظر الردود

محبة الجنان · 08-07-2011, 02:08 PM

الله يسهل عليها يالغلا
والولادة تساهيل من رب العالمين
الله يسهل عليها
أعرف وحدة ولدت زوجة أخوها بالقصيم الوطني وتمدحه
مشكلة القصيم الوطني تحسي مابه أحد
هو مستشفى كبير لكن الكادر الطبي قليل
ولاحظت المراجعين موب كثيرين
والحبيب حلو وفيه زحمه عليه بس كثير ما مدحوه لي
الوفاء بعنيزة كثير مدحوه
خليها تستخير ووتوكل على الله
وربي راح يكتب لها الخير

سـكر زمـاني · 08-07-2011, 08:02 PM

هلابك محبةالجنان..امـــين الله يسهل علينا..
انــا ابولد بالوفـــا ان شــاء الله..لاني والده عندهــم ولادتي الاولى بس كانت قبل 5 سنوات
بس محتاره خايفه انه تغيرت معاملتهم لاني اراجع عندهــم وربي زحــمه مــاتتوقعينه ...
مستشفى الولاده شين مــره كثير ما يمدحــونه
طيب ليش انتي مقررين لك عمليه؟

ماضي الذكرى · 08-07-2011, 08:51 PM

يابنات القصيم محتاجة وقفتكم
سؤال للحوامل في الشهر الأول:
هل نبض السرة يدل على عدم وجود الحمل وعدم النبض يدل على الحمل
لأني أنا استخدمت كلوميد لمدة 3 أشهر وبالشهر الثلاث استخدمت ابرتين تفجيرة قوتها 5000
ونبض السرة عندي قوي
وقريت بالنت نبض السرة يدل ع عدم وجود حمل هل هذا صحيح تكفون ريحووووووووني,,
وهل صحيح ابرتين التفجير تنزل أكثر من بويضة؟؟
لأن الدكتورة ماحكت عن عدد البويضات أبد وأكتفت بكلمة حلو كل شي تمااام
وانا كمان ماسألتها؟؟
ريحوووووووووني أنتظر ردكم ع أحر من الجمر.

محبة الجنان · 08-07-2011, 08:52 PM

اقتباس:

المشاركة الأصلية كتبت بواسطة سـكر زمـاني

هلابك محبةالجنان..امـــين الله يسهل علينا..
انــا ابولد بالوفـــا ان شــاء الله..لاني والده عندهــم ولادتي الاولى بس كانت قبل 5 سنوات
بس محتاره خايفه انه تغيرت معاملتهم لاني اراجع عندهــم وربي زحــمه مــاتتوقعينه ...
مستشفى الولاده شين مــره كثير ما يمدحــونه
طيب ليش انتي مقررين لك عمليه؟

هلابك أكثر سكر زماني
الوفاء كثير مدحوه واذكر وحدة
والده فيه من كم شهر تمدحه
توكلي على الله
والله يسهل عليك الولادة
مستشفى الولادة أدري أنه شين ومايمدحونه لكن
أخاف من الخاص لوكانت عملية لاسمح الله
فالحكومي أضمن

أنا الجنين عندى مقعدي
راسه لسى فوق وعندى موعد الأسبوع الجاي بالمستشفى
ربي يسهل
الدكتورة اللي بالخاص
قالت لو ماتعدل ونزل راسه لتحت لازم عملية
وأملي في الله كبير
دعواتك

سـكر زمـاني · 08-07-2011, 09:04 PM

الله يسهــل عليك يامحبه الجنان ويارب ينزل رأسه وتولدين طبيعي..
الوفا فيه دكتوره حوريه باكستانيه تعامله حــلو مره هي الي ولدتني قبل مع اني تعســرت ولادتي وجلست يومين عندهم الحمدلله على كل حـال ..طيب ليش ماتروحين عند ه وتسألينها اذا تحتاجين عمليه واتوقـع انه تسوي عمليات احــسن لك من ناحيه النظافه والمعامله..وانتي استخيري قبل كل شي وربي ييسر لك ولي..

محبة الجنان · 08-08-2011, 11:05 PM

اقتباس:

المشاركة الأصلية كتبت بواسطة ماضي الذكرى

يابنات القصيم محتاجة وقفتكم
سؤال للحوامل في الشهر الأول:
هل نبض السرة يدل على عدم وجود الحمل وعدم النبض يدل على الحمل
لأني أنا استخدمت كلوميد لمدة 3 أشهر وبالشهر الثلاث استخدمت ابرتين تفجيرة قوتها 5000
ونبض السرة عندي قوي
وقريت بالنت نبض السرة يدل ع عدم وجود حمل هل هذا صحيح تكفون ريحووووووووني,,
وهل صحيح ابرتين التفجير تنزل أكثر من بويضة؟؟
لأن الدكتورة ماحكت عن عدد البويضات أبد وأكتفت بكلمة حلو كل شي تمااام
وانا كمان ماسألتها؟؟
ريحوووووووووني أنتظر ردكم ع أحر من الجمر.

الله يسهل أمرك ويرزقك بالحمل السليم التام عاجلا غير أجل
ويقر عينك بشوفته
والله ماعندى خبر
لكن أظن تحليل الدم هو أسرع شيء يأكد لك الحمل
الله يرزقك يارب ويرزق كل محرومة

محبة الجنان · 08-08-2011, 11:10 PM

اقتباس:

المشاركة الأصلية كتبت بواسطة سـكر زمـاني

الله يسهــل عليك يامحبه الجنان ويارب ينزل رأسه وتولدين طبيعي..
الوفا فيه دكتوره حوريه باكستانيه تعامله حــلو مره هي الي ولدتني قبل مع اني تعســرت ولادتي وجلست يومين عندهم الحمدلله على كل حـال ..طيب ليش ماتروحين عند ه وتسألينها اذا تحتاجين عمليه واتوقـع انه تسوي عمليات احــسن لك من ناحيه النظافه والمعامله..وانتي استخيري قبل كل شي وربي ييسر لك ولي..

الله يجزاك خير سكر زماني
على الدعوة
والله أفكر اروح للوفاء وأشوف
بس فيه وحده خوفتني من عملياتهم
سوت عملية عندهم وصار معاها نزيف
ويالله قدروا يسيطرون عليه
طيب يالغلا ماتدرين عندهم بنك دم أولا
يعني للضرورة لاسمح الله
لو احتاجت المريضة لدم لاقدر الله

سـكر زمـاني · 08-08-2011, 11:26 PM

والله مــا ادري اذا عندهــم بنك دم ...بس اذا تبين رقمــهم تتصلين عليهم وتسألينهم ؟
وان شــاءالله ما تحتاجين بنك دم ولا عمليه .....تسهل.ونولد طبيعي بأذن الله