دردشة بنات العراق, دردشة حوامل العراق , تجمع بنات العراق

[شمس العراق]

دا اسال ولا عبالك حابله وجايبه قبل
بي سبحان الله احس كانه اول حمل ما اعرف ليش
وهل صحيح ان الحامل اللي يصير عندها وجع ظهر اول اشهر يعني عندها ولد واللي تصير عندها اوجاع اسفل البطن عندها بنيه

[شمس العراق]

كتبت رد و راح

[White angel]

صبااااح الخيييير
شلوونكم
اخباركم
اليوم كلش ملتهيه ب العرس
الساعه 6
وفوفو واكفة لج ب المرصاد ع السحكاااات الا مااسحك خخخخخخ شلونج كبد اخبارج
ام ايهومي شلونج حب وشموسه شلونج عيني نورا اخبارج مجبتي فرووحه الج وحشه ميوووشه عيوني هنياالج اريد ارووح التركيا خخخخخخخخ ربي يرجعج بسلامه


شمووسه حبي اني تزوجت ووراها بسنتين ونص صرت حامل
ومصار عندي ابد لا وحام وتقيئ ولا اي شي بلعكس يمكن ارتاحيت اكثر من قبل لاااصير حامل
وحتى تعجبت رحت للدكتوره كالت انتي وحده من النساء المحضوضات الي متجيهم هذا التعب طبعا وبنوتي طلعت يممممه تخنبل ع امها هههههههه بس صدك وزنها طبيعي 100% وسليمه والحمد الله ف ماكو هذا الحجي مال الوحام يعني حمل سليم والخ

وبلنسبه للاوجاع مالها علاقه حبي
اني تصير عندي من الجهتين
وعلى فكره هوايه يكولون البنيه تصير بطنها عريضه واني بطني مدعبله يعني زوجة اخويه حامل وبيها ولد واني بنيه بس احنه نفس البطن يعني هاي كلها بيد الله حبي خليها ع الله وشوفي الله اذا رايد يهدي الكم الولد يهدي ومحد يعارضه ومرايد نفس الشي حبي

الله يرزقج بما تشائين حبي

[ام نورهانه]

هلووووووو حبايب شلونكم كلايب كبوووود معااااااااااااااااليك
اخباااااااااااركم


وج فوفو قريت حجيج شوي ارتاحيت لج اني صارلها اكثر من يومين حركتها خفيـــــــــــــــــــــــــفه كلش وكلش قالقتني ومرات اكول لان بطني صغيرة وهي كبرانه يمكن مدتكدر تتحرك لج خايفه هسه دا اكوله الزوجي منا السبوع اذا ضلت هيج اروح اسوي سونار اطمئن عليها لج هسه حركتها هيج خفيفه وعبالك بالكوه تتحرك مااعرف شلون اوصفلج ومثلج كاعده تجيني الام الدورة بس مد اخذلها شي اكول عادي لان بالاشهر الاخيرة

فماادري انتي شتكولين عادي لو لازم نجيك

[ام نورهانه]

اكلج فوفو اشو التيكر مالتج واكف شنو السالفة لا بنياتنه يومين مو اربعة جيكي

[شمس العراق]

هلو وايت حبيبتي الله يجبر بخاطرج ويقومج بالسلامه ريحتيني هواي بكلامج
الحمدلله انا راضيه وكلشي اللي يجي من الله حيا الله
بس المشكله عندي زوجي كلشسش هواي ينق براسي ويريد ولد عبالك الموضوع بيدي

والله كل شوي يسال ها شتكولين ولد لو بنيه خبلني والله العظيم

من كثر التفكير صرت مثل المجنونه احسب ايام اللي صار بيها حمل و ا راقب تغيرات جسمي
خو الاحلام سكتي وخليها علي الله صرت اكره النوم من كثر الاحلام

حتي نوبات جان يكول لي اذا ممتاكده ايام الحمل الولد شوكت لا تحملين
اوف والله عايشه علي اعصابي يا اختي من ورا هل الرجال وتفكيره بالولد
يا رب اجعل مافي رحمي ذكر صالح تام الخلقه والخلق وعوض صبري خير يا ارحم الراحمين
اسفه طولت عليج بس اخذني الحجي من كثر ما مخنوكه من الموضوع

[White angel]

حبيبتي شمووسه
للاسف اكو هوااايه امثال زوجج
بس اعتذر اذا هيج احجي هذا اعتبره اني الي ماعنده ايمان ولايؤمن بالله هيج يحجي
لان لو عنده ايمان بالله جان كال هذا بيد الله
سبحان الله الله شنو ينطي عبده يصيح اريد غير شي
ومن ينطي غير شي يكول لو جنت ع الي اني عليه احسن لي
لج عيني هو يعني يرتاح من الله لاسامح الله يرزقه ولد ممعافه لاسامح الله او ولد باجر عكبه يتمنى لو باقي ع البنات احسن له
ماادري اني هذا اعتبره تخلف من وره زوجج
لان كلشي بيد رب العالمين وبيده هو
اني زوجي بعائلتهم ماكو بنيه واني كالو لي بالسونار بنيه
يكولي والله العظيم مااتمنى السونار يغلط لاني امووت ب البنات
هماتين عكس رجلج بس هو لو يرزقه الله بولد مراح يضوج لان هديه من رب العلمين لازم يتقبلها
كولي الزوجج اتقي الله يارجال واذا هيج ذابح نفسه ع الولد خل يروح يتاكد من الجينات لان مرات الجينات تحكم انو يصير عنده بنات والعكس هو الصحيح
حبيبتي انتي الله يرزقكم شنو ماتتمنون وربي قهرتيني وضوجتيني لان للاسف بمجتمعنا بيه ناس يردون الولد ومن يرزقهم ولد يكولون نريد البنات
الله يصبرج ياقلبي

[شمس العراق]

والله اعرف كلامج صحيح ميه بالميه واني الحمدلله مومنه برب العالمين واحمدلله علي نعمه الانجاب
لان غيري يتمنا اي شي بس المهم طفل
بس شسوي بعد كل واحد وعقليته ونصيبه
هو يعرف ان خلفت الولد والبنت من الرجال مو من المره بس بعد ......

[ام نورهانه]

هلو حبايب زنوبه وشموسه
شموسه اكثر العراقين هيج وحتى العرب باعي اني زوجي مكنت متوقعته عند هيج تفكير لان هو كان بس يتمنى اصير حامل لان بصراحه اني كنت قافله على موضوع الحمل لان ممرتاحة ذيج الراحة ولا مستقره ولا مخلصه دراستي فظل يلح اخير شي وصلها للطلاق والزواج يعني لو احبل لو يزوج المهم صرت حامل واني بالنسبه الي اموت على البنات المهم
مره كنت بعدني 3 او اربع اشهر حامل كنت احجي وياه وكتله اني حاسه بيه بنوته واضحك فرحانه وماشوف الا كلب خلقته ويكولي اي مهدلي مهدلي من هسه اني صفنت كتله شمهدلك ليش شبيهم البنات كال مابيهم شي كتله يعني متفرح بيها اذا بنيه تدرين شجاوبني يكولي لا وليش افرح اني تخبلت وتعاركت وياه كتله احنه ممتفقين على ولد وبنيه وشيجي من الله نعمه بس على حجايتك هاي اذا ميطلع الي ببطني بي شي لا سامح الله واتعاقب اني وياك من وره حجايتك هاي هو تخبل بحيث كنت كل مااروح سونار مااكوله وهو يوميه سويتي سونار اكوله لا اخاف ليطلع بي شي ويعابيني ربي واني ادري الحمد لله مابي شي لان سويت سونار ملون واطمنيت المهم هو جرني من ايدي وكال امشي خل نتأكد والله من رحنه لا سأل على جنس ولا شي بس كله لابو السونار اتأكدلي بي شي وظل يسأل قلبه ايده رجله راسه صدره خبله لابو السونار ونسه الجنس فهو اخير شي ابو السونار كاله متريد تعرف شراح يجيك كله شيجي انعم الله المهم مابي شي
وكله بنوته عادي كيف بس كالي شكد تجيبين بنات تجيبين بكدهم ولد هههههههههههههههههههههههههههه

[ام نورهانه]

ادري طولت السالفه عليكم بس ذكرتوني بيها هههههههههههههه