تجمع حوامل ليبيا

[تمر حنة]

السلام عليكم ورحمة الله وبركاته

آيــــــــــة الحمد لله على سلامة اسولة وربي يبعد عليها كل شر ويحفظها لك وتشوفيها عروسة وتشوفي صغارها وصغار صغارها وصغار صغار صغارها ههههههههههه شن رايك برنامجك طويل ربي يطول عمرك ويفرح قلبك بما تتمني

[تمر حنة]

يقيـــــن شنو صار معاك ان شاء الله طمناتك الدكتورة؟؟؟
اسأل الله العظيم رب العرش العظيم ان يرزقك وليد حلو تقي وذكي

[تمر حنة]

ام وســـــــــــونة لالا والله ما فيه اتصال جاني وما رديتش تعرفي انا اصلا مايطلعوليش ارقام لما حد يتصل بيا من ليبيا يطلعلي الرقم
603+ يعني مانعرفش المتصل وانا نرد ديما ههههههههه ما نصدق حد يتفكرني نفتح عليه حتى لو كانت رنة لكن المدة هذي الاتصالات ماتصلحش والخلل منكم
حقك عليا يا غالية

[تمر حنة]

ام قصـــــــــــــي كيف حالك وحال عويلتك ان شاء الله تمام

[تمر حنة]

عيــــــــــــون ربي يسهل عليكم وتكون سفرة حلوة وممتعة ومليئة بالاحداث السعيدة
وربي يحفظكم من كل سوء

[تمر حنة]

متفائلـــــــــــــــــة حبيبتي ولا يهمك العاطـــــــــي حــــــــــي الشهر هذا ان شاء الله ياااااااااااارب تكوني حامل وماتشوفي الدورة الا بعد 9 شهور من غير شر
حتى انا صارلي الموقف لما درت التلقيح المدة الماضية تأخرت عليا لكن انا ربي يسامحني مش من النوع المتفائل لذلك ما انصدمتش لما نزلت لاني مادرتش في دماغي اني بنحمل مع انه الامور كانت ماشية تمام والدكتور كان متفائل بشكل واستغرب لما قلتله جتني الدورة
ربي يعوضنا كلنا ويرزقنا من حيث لا نحتسب

[تمر حنة]

ميمــــــونة ربي ينولك ما تتمني ويفرح قليبك ويعوضك بمن يعرف قدرك
ومبارك ما شريتوا للكسوة ما شاء الله يقيـــــــــن قايماتك مع انها حامل ربي يحفظها لكن واقفة معاك وقفة مش عادية حتى من الرشاد تلقط وتجيب سألتها عالخاص قلتلها علاش جايبة لميمونة صندوق رشاد قالتلي لانها طيوبة والقطة تاكل عشاها وانا بصراحة خايفة عليها من حماواتها وسلفاتها لانهم من بنغازي والشرقاويات صاعبات لذلك لما بيرفعولك الكسوة لحوشك يقين بترميلك صندوق الرشاد تحت السرير على الاحتياط وان شاء الله ما تحتاجيشي ياحنة ويطلعوا حماواتك طيبات كيف ما تتمني

[تمر حنة]

إيييييييييه من بكري واني ندوي زي العزوز الثرثارة وما حدش دخل وينكم
من قبل ماشاء الله يابال اليوم جمعة!

[تمر حنة]

لـيبيــــــا قلبـــــــــي ماعاش اللي يزعلك والف لاباس على نوزة بعيد السوء عليها واحنا مش لايمين عليك حبيبتي عارفين ضروفك ربي يحفظك
وعيد زواج سعيد وربي يخليكم لبعض ويديم عليكم المحبة والاستقرار والتفاهم ويحفظكم من كل مكروه وربي يكمل فرحتكم ويفك اسر شيبانيك اللهم آمين

[تمر حنة]

رغـــــــــــودة ايوة انا صبراتية وتشرفت بمعرفتك
وكيف حال وليدك بعد التطعيمة ان شاء الله افضل توا