°•.¸.•°°•.¸.•°ملتقى الحوامل الرابطات عنق الرحم°•.¸.•°°•.¸.•°

[ام تالا ولانا]

عيدكم مبارك للجميع
والله يقر عيوننا بشوفت اجنتنا يارب
يعوضنا

[كراميلا]

سوسو يحق لك الخوف

انا بداية الشهور مرة اخاف اطلع بالذات تعرفي شوراعنا والزحمة وللان اخاف بس مرة اطفش ودي اغير جو في نفس الوقت اتراجع
احيانا اقول بطلع احيانا اقول هانت ليش اطلع انتظر بعد

بما انك بالخبر ابي استغلك خخخخخخ

تدلين محل البستاني وين للشوكلاته ومحل التمرية وين اذكر شفته في السوكيت بس مادري بالضبط وين

[سوسو2008]

اهلين كراميلا بالنسبة لمحل البستاني والله كني شفته بشارع الببسي هناك فيه كم محل شوكلاته اتوقع موجود هناك
اما التمرية انا اكيدة هو مكانه قبال مستشفي سعد

[جنان الورد]

كيفكم حبايبي عساكم طيبين

سوسو
ايييه اسالي اي سؤال تبغي تعرفينه
بعد الربط طبيعي تجي لنا كلنا التهابات واني قالت لي دكتورتي ان كل شهر لازم اسوي تحليل بول ومسحة مهبليه عشان ادا كان في التهابات يشوفوا نوع الالتهابات وبالنسبه لنوع للادويه يعتمد على نوع الالتهابات ولحد الحين استخدمت من الحبوب حق الالتهابات 4 انواع وزي ماقلت لك يعتمد على نوع الاللتهاب وغير بعد مرة وصفوا لي مطهر احطة بماي واتنقع فيهومرة غسول وصفوا لي
تحاميل جاينو دكتارين ولامرة وصفوها لي اما كريم دلاسين وصفوها واستفدت عليها عدل
الالتهابات الهبليه اي تتكرر عندي اكيد وتصير مادة شفافة ثقيله بس انتي ماعليك من كلام الدكتور روحي مستشفى ثاني واطلبي تحليل بول وسويه اهم شي صحتك

امراة الفرح
اي ماعليك من كلام دكتورك ههههههه ادا حسيتي منتي مرتاحة روحي دكتور ثاني وسوي تحليل بول
اني شهر اسوي تحليل عند دكتوري والشهر اللي بعدة اروح دكتور ثاني واسوي تحليل واحيانا اروح المستوصف واطلب تحليل

[كراميلا]

المشاركة الأصلية كتبت بواسطة سوسو2008

اهلين كراميلا بالنسبة لمحل البستاني والله كني شفته بشارع الببسي هناك فيه كم محل شوكلاته اتوقع موجود هناك
اما التمرية انا اكيدة هو مكانه قبال مستشفي سعد

ايوه قالوا لي بشارع البيبسي بس مادل الشارع

قبال سعد في محلات كثيرة مأنتبهت انه من ضمنهم كاني شفته في شارع السوكيت

[سوسو2008]

المشاركة الأصلية كتبت بواسطة كراميلا

ايوه قالوا لي بشارع البيبسي بس مادل الشارع

قبال سعد في محلات كثيرة مأنتبهت انه من ضمنهم كاني شفته في شارع السوكيت

شوفي شارع الببسي اللي فيه فندق النمران كانك رايحة الكورنيش تلاقي على يدك اليمين الفندق وفيه محلات شوكلاته كثير وعلى يدك اليسار فيه مفروشات المطلق ومحلات فساتين سهره هاذا شارع الببسي تلاقي البساتيني على يدك اليمين اما حلا التمرية فتح جديد قبال مستشفى سعد انا شفته هناك ومحل التمريه اللي بسويكت شفته بس ما اقدرر احددلك فين بالظبط*

[سوسو2008]

جنون تسلميلي ياقمر الله يتمملم على خير ويقومك بصحة وسلامة انتي والبيبي الله يجزاكي كل خير

[سوسو2008]

حابه اسألكم ياحوامل ياحلووين انا الحين بالظبط على حساب دورتي 19 اسبوع و4 ايام وما احس بحركة البيبي احيانا احس بمثل الغازات بس ما ادري اقول يمكن من المعده ولما انام على جنبي اليسار احس في شي شاد علي واغير للجهة اليمين احس في شي شاد علي يمكن عشان دبدوبه شوي ما احس انتم كيف كنتم تحسوا بحركة البيبي في مثل هذا الوقت اعذروني اختكم خوافة درجة اولى

[شاكيه لله]

كيفكم بنات وحشتوني مووت كل عام وانتو بخير
طمنوني عنكم

[كراميلا]

المشاركة الأصلية كتبت بواسطة سوسو2008

حابه اسألكم ياحوامل ياحلووين انا الحين بالظبط على حساب دورتي 19 اسبوع و4 ايام وما احس بحركة البيبي احيانا احس بمثل الغازات بس ما ادري اقول يمكن من المعده ولما انام على جنبي اليسار احس في شي شاد علي واغير للجهة اليمين احس في شي شاد علي يمكن عشان دبدوبه شوي ما احس انتم كيف كنتم تحسوا بحركة البيبي في مثل هذا الوقت اعذروني اختكم خوافة درجة اولى

لا تخافي اذا دبه شوي مثلي مايكون واضح انا ماحسيت بها الا بالسادس عدل وبالخامس مثل الغازات

وبالسابع اوضح بس مو منتظمة كل يوم على حسب المزاج كانت نفسيتي تتعب مرة اذا ماحسيت فيها
بس مع الوقت عرفت ان مو لازم كل يوم خاصة في وقتك توا. الناس