دردشة بنات فلسطين, دردشة حوامل فلسطين, تجمع بنات فلسطين

جارة القمر · 01-18-2013, 05:18 PM

يسعد مساااااااكم

بينك+دودو::

الله يسلمكم ياااااااااااارب .......والله امبارح ما بتمناه لحد بجد الحمد لله على صحة اولادنا السليمة والله يكون بعون اللي اولادهم عندهم امراض ............

......

شو السيره وين البنااااااااااات وخاصة احساس عمدة الدردشة هوووووووون !!!!

حيفا+غموض+لولو+نبض+هبوش+حواء+ام عمر====يلا تعو .........

لولو الفلسطينية · 01-18-2013, 05:48 PM

مسا الخير صبايا
ان شاء الله تكونو كلكم بخير
بنات بدي اسألكم الزعل بيأثر شي على البيبي ؟؟؟؟؟؟؟؟
عمي الله يسامحه صارله تلات ايام مكشر و ما بحكي لا معايه و لا مع زوجي و كل ما نسأله ليش زعلان يا بضل ساكت او بحكي رموز و احنا كل دقيقة بنفكر شو عملنا فيه و امبارح قلنا خلص لازم نحكي معه و نشوف شو القصة طلعنا و حكينا معه و برضو نفس الشي و انا لما حكينا معه صرت اعيط بس على الخفيف و بعدين نادت علينا مرت عمي و حكتلنا شو القصة و الله وكيلكو طلع سبب اتفه من التفاهة و صارو يحكو معانا بطريقة كأننا عاملين جريمة و انا مرة وحدة انفجرت و ما قدرت اتحكم في حالي و صوت عياطي عبا البيت كله من دون ما احس و زوجي يا حرام حزنت عليه ضمني و مسكني و صار يحكيلهم هلأ بصير فيها شي من تحت روسكم و حكالي يللا نروح و اجت مرت عمي و راضتنا و رجعتنا و عملت شاي قال و انا مش قادرة اسكت و لا قادرة اوقف عياط و خفت كتيير كتيير على البيبي و طلعت برة و صرت اقرأ قران على بطني بس و الله هلأ طول الوقت و انا حاطة ايدي على بطني و بفكر الله يستر
يا رب ما يكون صار شي مش منيح يا رب , ادعولي صبايا الله يخليكم كتير خايفة
الله يسامحهم
المهم انتو شو اخباركو و شو عاملين ؟
جارة بعين الله دكتور حمار شو بك تعملي حسبنا الله عليه
بينك سلامتها رهوف الله يخليلك اياها
كل الصبايا يسعد مساكم
طولت عليكم

جارة القمر · 01-18-2013, 07:21 PM

لولو:::

لا ما تخافي الزعل المستمر والحالة النفسية الصعبة المستمرة بضر البيبي .......
واصلا الحامل بتكون حساسة بزيادة ....وبتنكد بسرعه .........
لولو انتي اللي بدك تسافري عند اهلك بالسعودية ولا انا خربشت مع وحده تانية...!!!

Heba T · 01-18-2013, 07:27 PM

جارة ..
الله يعينك ع مبارح ، الحمدلله انو ابنك بخير احسن من اي اشي

لولو الفلسطينية ..
الزعل الكتيير بأثر ع الحامل و خاصة لو كنت من النوع اللي لما بتعيطي بتضغطي ع حالك و ع بطنك ،، ديري بالك ع حالك واهم اشي صحتك و الجنين ،، سيبي كل اشي يمشي بدون ما تفكري .

Heba T · 01-18-2013, 09:01 PM

شو وينكم يا بنات مشغولين؟!

مها .. وينك يا ولية اليوم ما بينتي بالمرة

لولو الفلسطينية · 01-18-2013, 11:34 PM

يسعد مساكم صبايا
جارة لا خربشتي مش انا يلي بدي اسافر , انا اهلي عندي الحمد لله
هبا اه و الله ضغطت على حالي و على بطني و خفت كتير و ان شاء الله بكرة او بعده بروح على الدكتور و بتطمن يا رب
الله يسعدكم

~{{ DoDo }}~ · 01-18-2013, 11:51 PM

يسعد مساكم جميعا كيفكم ؟

لولو ما تقلقي ووكلي امورك لربنا
انا قبل شهر صار معي نفس الشي
صارت مشكلة وقعدت ابكي بصوت عالي وضغطت ع حالي
وحتى بطني وجعني كتيرر بس عدت ع خير الحمدلله
متل ما قالت جارة الزعل المستمر هو الي بياثر
الله يحميكي انتي والبيبي

لولو الفلسطينية · 01-18-2013, 11:57 PM

اهلين دودو
هههه شكلك زي حالاتي سهرانة و زهقانة
الله يسمع منك يا عسل ان شاء الله ما يأثر
انتي شو اخبارك ؟

~{{ DoDo }}~ · 01-18-2013, 11:59 PM

اهلا لولو
والله كنت طالعة مع زوجي وروحنا
وهيني قاعدة هلا
ماشي حالي ضهري صار من اقلها شي يوجعني
وخواصري اي حركة بعملها بيوجعوني
شكلي ماخدة برد
الله يهونها يارب
انتي شو عاملة ؟ عم تاخدي الكالسيوم والفيتامين وتاكلي منيح ؟

Heba T · 01-19-2013, 12:00 AM

اخيرا لاقيت حدا فات الدردشة

لولو ديري بالك ع حالك ،، اول حمل صارلي هيك و سرت اعيط و ضغطت حالي بس الله يبعد عنك الشر نزل ،
ما علينا الله يتمملك ع خير شو تغديتي اليوم؟

دودو .. منورانا ,, شو طبختي اليوم؟

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة بنات مصر , دردشة حوامل مصر , تجمع بنات مصر	سماسم	إستفسارات حوامل من الشهر السابع إلى الشهر التاسع	15243	06-15-2013 02:43 AM
دردشة بنات مصر , دردشة حوامل مصر , تجمع بنات مصر	سماسم	إستفسارات حوامل من الشهر السابع إلى الشهر التاسع	32704	01-02-2012 10:16 PM
دردشة حوامل اهل فلسطين الغاليات ^_^	* ام لؤي *	إستفسارات حوامل من الشهر السابع إلى الشهر التاسع	2433	01-02-2012 09:14 PM
دردشة حوامل أهل جدة - دردشة بنات جدة - تجمع حوامل مدينة جدة	LOOLOO	إستفسارات حوامل من الشهر السابع إلى الشهر التاسع	6422	01-02-2012 07:40 PM
بنات فلسطين الغاليه..كيف تعيشون؟؟	دلع	منتدى الحياة الأسرية والزوجية	18	07-17-2010 05:18 AM