【ツ】أحلى تجمع لأحلى حوامل التوائم 【ツ】 ‏الجزء الثالث

روعة ن · 04-30-2011, 11:55 PM

الف مبروك ام دحوم عشومة مهاوي الفراشة الجميلة كوين وكل اللي ولدو انا من زمان ما دخلت عشان مشاغل كتيرة والاولاد الله يحفظهم اخذين الوقت كله

اول غرام · 05-01-2011, 12:02 AM

فوفو
سلامتك ماتشوفين شر ياعمري
وش سبب الاستفراغ عندك؟!

احلى توينز
ماشاء الله ماشاء الله
اغراضك مرره حلوه يتهنون فيهم يارب بنوتاتك
عجبني هذا كتير كتير من وين ماخذتنه ..؟

الفراشه الجميله
انا بعد وضعي زيكم .. وبنتي كل يومين لها وضع مره راسها تحت ومره فوق ..بس ربي ماكتب الا تنزل مقعديه
يعني اتوقع تتغير الاوضاع..باذن الله ..
مثل ماقالت النرجسيه ..لاحبو ولاسجود .. كنت اقرى سورة مريم ويس والزلزله والرقيه الشرعيه وتغيرت اوضاعهم سبحان الله ..بس مثل ماقلت..كل وحده والي مكتوب لها ..

الورده النرجسيه
الله يعينك يارب ..دوام بالليل ودوام بالنهار
انا الحمدلله بخير ربي يسلمك ..
وعيالي متعبيني شوي ..صايره اوقاتهم مع بعض اغلب شي
الله يعين وييسرها ..
اخبار بنوتاتك الحلوات ...؟

ام دحوم
هلا وغلا ..
الحمدلله يسرلك الولاده .. شكل بو دحوم مدلعك وانتي تدللين عليه ..!!!
وش اخبارك مع البنوته..؟.
بنوته بعد 3 اولاد ماشاء الله تبارك الله
اكيد ماكله الجووووو ولها وضع خاص ودلع خاص
هاه وش سميتيها ..؟ الجازي..؟

اول غرام · 05-01-2011, 12:22 AM

هيونه يامزيونه
البواسير .. وماادراكي مالبواسير
انا جتني قبل الحمل ومرره تعبت منها ..
وجتني وانا حامل بالتوينز .. ومت من التعب ايضا ..
ووصفتلي الدكتوره تحاميل نيوهيلار ومررره ممتازه يعني يومين بالكثير الا انتي صحتك زي البومب ..
انصحك اذا انتي بالبدايه لاتتهاوونين وعالجيها بسرعه ...
التحاميل تؤخذ مرتين باليوم ..

بالنسبه لزوجك .. مافهمت الموضوع ..
وش السبب الرئيسي لسفرته لاهله ..
يبي يودي دجاج ولا عشان يخليك تاخذين راحتك مع اهلك ..؟
ع العموم .. يقدر يستقبلهم ويضيفهم بنفس اليوم الي بيجي فيه ..
ويتوكل على الله ويروح ..

*يارب فرجك* · 05-01-2011, 12:38 AM

السلام عليكم خواتي
والف مبروووووووووك للي وللدوا ومبروك ماجاكم
ويسهل لبقيه الكروشات ويفرح نظرتهم بمواليدهم وهم باتم صحه وعافيه

الفراشة الجميلة · 05-01-2011, 12:59 AM

الحمد لله على السلامة ام دحوم للمره الثانيه
روعه كيفك وكيف عيالك ان شاء كويسين
مها كيف حالك وكيف اطفالك
بنات وش تعطون عيالكم حليب طبعا انا والده في الحكومي ماكتبوا لي اسم حليب للاطفال يقولون رضعيهم طبيعي بس انا من مدح البنات لحليب نوفلاك شريته لهم وعطيتهمياها طبعا مع الطبيعي
واللحين محتاره مدري متى اطهرهم اللحين والا اصبر لما يكملون شهر لانه الحمد لله سرتهم طاحت قلت ودي اطهرهم اللحين وارتاح دائم انهم صغار والي من اهل الرياض تقولي ايش افضل دكتور للتطهير وقد سمعتوا عن دكتور صبحي عزام كثير يمدحونه

ام منووو · 05-01-2011, 01:45 AM

صباح الخير
كيفكم ياكروشات انا الحمد لله دخلت السابع والله يعين ثقل وتعب ودوام وتحجر من كثر الجلوس على الكرسي
الله يتمم علينا يارب

رضاك ربي · 05-01-2011, 05:21 AM

صــــــــــــــــــــــــباح الورد كروشات اتمنى الجميع يكون بخير وعافية

maha8181 · 05-01-2011, 05:28 AM

اكشن ولادتي

اذكركم اخر مره رحت فيها للدكتوره كان الاربعاء بتاريخ 20 ابريل وقالتلي ان المشيمه ماتعطي غذاء وان الاوزان ثابته من اسبوعين وعطتني موعد السبت اذا الوضع نفسه لازم تولدني بعمليه قيصريه

وانا رجعت البيت والحمد الله عدا الاربعا على خير والخميس رحت لبيت اهلي وتغدينا وعادي
ويوم جا المغرب بدا معاي الم يروح ويرجع وشد من تحت رهييب طلعت من بيت اهلي الساعه 12 بالليل وقلت لهم بروح البيت وبنطر للسبت للموعد وبستحمل الالم
مر علي زوجي وطلعنا وبس شاف وجهي قال على طووول للمستشفى ورحت سوولي تخطيط وقالولي عندك طلق خفيف بس الرحم مفتوح 1 سم ولازم نحطك تحت الملاحظه
ورقدوني وعلى التخطيط وقالولي البيبيات كوسيسن الحمدالله وجا الجمعه وكانت جمعه الالم وجات دكتورتي نادوها من البيت وقالتلي الافضل ان تسويلي العميله السبت لان الحاله مستقره وعلشان يكون دكاترة العنايه المركزه حقت الاطفال يكونون موجودين
وعدت الجمعه وهم يعطوني مسكنات للالم
وظليت مواصله ادعي واصلي وطول الفجر
لين صارت الساعه 8 وجو لبسوني لبس العمليات واخذوني وقالي دكتور التخدير تبين بنج كامل او نصفي قلتله لا نصفي
وصراحه الوضع كان مرعب شوي لانك تشوفين كل اجواء العمليه طبعا في حاجز ما اشوف الدكاتره ايش يسوون بس احساس يخوف بس افضل من البنج الكامل اكيييد ومع هذا انصحكم بالبنج النصفي
المهت عطوني ابرة الظهر وماتعور بس قاللي لازم تصيرين حييل مرتاحه علشان فقرات الظهر تكون مفتوحه ومايصيرلك مشاكل

المهم ما ابغى اطول عليكم دخلوني الساعه 8 الصباح وطلع وليدي الساعه ثمان و 32 دقيقه وسمعت صوته وبعدها قعدت انادي على بنيتي وطلعت الساعه ثمان 33 دقيقه
والولد وزنه كيلوين و100 والبنت 1915
وانا كنت في 36 اسبوع و3 ايام والحمد الله رب العالمين
و بعدها حطوني في الافاقه و قعدت ارجف ارجف من البرد وعطوني ابره منومه على الساعه 9 ونص
ونمت والحمدالله رب العالمين الى الساعه 2 الظهرفي غرفتي بالمستشفى طبعا
والحمد الله بس حطوهم تحت الملاحظه وكنت اروح لهم لمدة 3 ايام ويوم الاربعاء الصباح تاريخ 27 ابريل طلعت من المستشفى وطلعوا معاي
الحمدالله والشكر لك يارب على جميع نعمك
وربي يسهل عليكم يا احلى صحبه ويمتعكم بساعة السلامه واهم شي ارتاحوا وناموا واجد وتغذوا زين علشانكم وعلشان البيبيات

اللهم رب أوزعني أن اشكر نعمتك علي وعلى ولدي

وان اعمل صالحا ترضاه وأصلحلي في ذريتي وأعذني

وذريتي من الشيطان الرجيم وشياطين الانس والجن يارب العالمين

رضاك ربي · 05-01-2011, 05:36 AM

حبيبتي مها حمدلله ربنا جمعنا فيكي وانتي بصحة وعافية وسعادة وربي يبارك لك بما وهبك

قطرة ندى* · 05-01-2011, 07:27 AM

غروووم لازم تهيأين نفسك للأربعين وتصيرين عروس
يكفي فترة الحمل اللي تخلي الوحدة فينا ربي لك الحمد
وانا حساوية وعايشة بين نخيل الحسا>> آمري تبين تمر ولا رطب
احلى توينز تجهيزاتك مرة حلوة ربي يخلي لك البنوتات وتلبسينهم اياهم
وهم بصحة وسلامة
ام دحوم الحمدلله على سلامتك مرةثانية والله يعينك البنت بعد الأولاد
تشيب الراس >>>>اسأل مجرب هههههه
همس منورة شخبارك مع الوحام
فوفو الحمدلله على سلامتك بس شو سبب الترجيع
روعة شخبارك وشخبار عيالك
اليااااااااااااااااااااااااه نورتينا بوجودك والله يعطيك العافية عالمجهود

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
▪ ≡ ツ】 ● 需 قمة السخافه 需 ● 【ツ≡ ▪	كاتمة الاحزان	المـنـتـدى الـعـام	12	03-04-2013 09:08 PM
••• 【♥】اعرفـ شخصـيـتكـ الكرتونيهـ مـنـ اجوبـــتــك【♥】•••	زوجي كل حياتي	ملتقى عضوات حوامل	41	08-27-2012 03:49 AM
【♥】【♥】【♥】حملة : أنا حامل بأذن الله ^,^【♥】【♥】【♥】	حبة السكر	منتدى علاج العقم و تأخر الحمل	136	05-29-2012 03:17 PM
【ツ】 اللقاء الأول .. ترى كيف سيكون شكله 【ツ】	لغة صمتي	إستفسارات حوامل من الشهر الرابع إلى الشهر السادس	22	05-27-2012 03:25 AM
••• 【♥】حلا اتعب وانا اقول كشخه بالصور【♥】•••	زوجي كل حياتي	قسم التغذية	19	04-19-2011 09:44 PM