تجمع حوامل سوريا-دردشة ورود سوريا-دردشة الغاليات

silla · 03-09-2012, 03:53 AM

شو ما تفكر بالولادة الله يهونها

والله انا من هلئ عم فكر فيها كيف ماصير بالسابع وقتها قررررررررررررررررررربت ههههههه

الله يهونها علينا الهي
وربي يفرجها ع اهلنا يسوريا ياااااااااااااااارب دخيلك فرجك ونصرك العاجل

سرووءة · 03-09-2012, 10:18 AM

صباح الخير بنات
اشتقتلكم كتيييير
وبالي عندكم
يمكن نسيتوني
بس انا كنت تعبانة
اجاني كريب قوي والتهاب عحلقي وصدري
وصوتي كلو راح
تعبت كتير لان مافيني اخد ادوية لان حامل
هاد غير تعب الحمل يلي زاد كتير انا هلأ باخر الشهر التامن
كتير تعبانة وبس بدي اولد
انتو شواخباركن كلكن
سيلا عبورة جوري رنومة هايدي ام عائشة نادو
هدولة
انشالله ماكون نسيت حدا
طمنوني عنكن

اليوم الجمعة لاتنسو سوريا من دعائكم
الله يفرجها عن قريب ويهلك النظام

رنووومة · 03-09-2012, 02:40 PM

سروؤة حبيبتي اشتقنالك وانشغل بالنا عليكي حتى اني تركتلك رسائل على المسنجر الحمد لله انك طمنتينا والله يعافيكي يا رب هو الثامن كله تعب الله يكملها معك ويقويكي يا رب شو نازلة للشام ولا امك حتطلع لعندك وكل البنات سألوا عليكي

الله يفرجها على سوريا يا رب

سرووءة · 03-09-2012, 03:47 PM

اهلا رنومة
اي ماكنت قادرة ادخل النت من تعبي
مالي حيل ارفع راسي
انا ماني نازلة عالشام الوضع كلمانو على اسوء
وقدمت طلب استقدام لامي يعني قدمنالها تطلع زيارة
وانشالله تظبط يارب
خايفة كتير مايقبلوها
بدهن كم يوم ليردو خبر اذا انقبلت او لا
انتي شلونك مبروك دخولك التاسع
انا عحساب الدورة باقيلي تقريبا شي 8 ايام وبفوت
عنجد تعبانة كتير وماتوقعت اتعب هيك اخر التامن
هاد غير نفسيتي الزفت صايرة بس بدي ابكي عشي سخيف
والنوم يلي بشهي ماشالله
وكل شي
الله يسرا يارب انا بلشت مل الله يعين كل وحدة حامل
انتي كيف حملك وكيف بناتك
ولسا مابين معك شو جنسو
شكلك راح تولدي وماعرفتي
وايمت عينولك الولادة

عبير اسماعيل · 03-09-2012, 05:19 PM

اهلين سروءة الحمد لله ع السلامه
سلامتك ان شاء الله ‏
والله يهونها عليكي وتقومي بخير وسلامه

silla · 03-09-2012, 05:35 PM

اخيرا اتطمنا عليكي سروءة
الحمد لله ع سلامتك يلا ان شالله كلو اجر وثواب لكا كيف بدنا انشالله ندخل الجنة ... الله يهونها عليكي وعالكل يارب
وطولي بالك ولووو والله كلياتنا نفسيتنا اضرب من بعض بدون حمل النفسية مدمرة

تعو اسمعو انا كل ماحدا يوصيني بالبيبي عم ببكي !!!
انو معقول انا مادير بالي عليه ؟؟ معقول عم يوصوني بقطعة من روحي وقلبي ؟
تقولي حاطينو عندي امانة من جوزي وجر ...
ماعم تاكلي كويس بدو يجي ضعيف ماعم تديري بالك ع حالك ما ما ما ايييييييييييي وبعدين
وببكي لحالي وما بحسس حدا
يلعن ديب العالم ازا بتحس ولا بتقدر

سرووءة · 03-09-2012, 05:37 PM

اهلا عبورة
الله يسلمك
انتي كيفك وكيف البيبي والحمل صرتي بنص السابع ولالسا
الله يعينك يارب
التامن حسيتو ركد بسرعة بكرا مابتحسي في
بس بكرا حاسة ان التاسع حيطول كتييير هههه
يلا هانت راح الكتير ضل القليل
الله يعين يلي لساتن باول الطريق
خخخخ راح خوفن

عبير اسماعيل · 03-09-2012, 05:56 PM

يخليلي ياكي سرووءة ‏
والله صايبني تقل مع انو مونافشه الحمد لله
وديقاااااان نفس خصوصي بالليل عم حس دقات قلبي عم تركد ركيد
وبسمع نبض قلبي عم يدق بسرعه بادنيي وقت بحط راسي ع المخده
‏
وشهيتي للأكل زفت مابعرف يمكن لأني عم فكر كتير بوضع البلد الله يفرجها
البوبو منيح الحمد لله احيانا آدمي وشطور وحركاتو ناعمه واحيانا فجأه بتجيني
لبطه أأأأأأأأخ بحس رجلو ح تطلع من خاصرتي ‏

الله يعين يارب

عبير اسماعيل · 03-09-2012, 05:59 PM

سرووءة كيف بتكون حركات الجنين بالسابع
بسيطة،‏ متكررة،‏ بتتمركز بقرنه معينه ‏،‏ قويه ‏،‏ يعني كل شي
ازا في مجال.....

سرووءة · 03-09-2012, 06:30 PM

عبورة انا متلك بالسابع كنت مبسوطة اني مونافشة ةضليتني لهيك لدخلت بالتامن
وانا. مقول الخمدلله مانفشت
بس اخر التامن او بنصو فجاة لاقيت بطني كبر
يعني ماكتير كبر
بس حسيتو فرق فجأة
هيك قالولي فجأة بتلاقي حالك بطنك كبر
وصراحة بلشت انزعج منو
يعني مابدي يكبر اكتر من هيك
وبخصوص الحركات من السابع وطالع
بصير بس ركل وترفيس
لان الجنين كبر موقادر يتحرك داخل الرحم لان حجمو كبير وبكون ضابب عبضو
بس بكرا بس يقلب راسو لتحت راح تتعزبي
بتصيري بتحسي رجلي فايتة بضلاع صدرك
غير الضغط تحت
وعفكرة حتلاحظي بالتامن
ان بطنك كتير عم يحجر وفجأة بتلاقي بطنك تكور من جهة وفاضي من جهة
احيانا بكون قاعدة فجاة بحس شي حرك بطلع عبطني بلاقي عاليمين نابئ لفوق واليسار مافي شي
هههههه ومخل مو متكور بكون قاسي
اي بئا اذا صابك هيك لاتقولي ليش
لان طبيعي اخر اشهر
بس اكتر شي مزعج لما بيتكور براس المعدة ياويلي
بتحسي موقادرة تتنفسي من الضغط
وانت قالتلك شي الدكتورة ان الجنين قلب راسو لتحت ولالسا
والحركات بكرا بتلاقيا مرة كتيرة ورا بعض ولما لا
وبتصيري اذا كشفتي عن بطنك هو وميحرك بتلاقي بطنك عم يتحرك خخخخ
منظر بجنن انا زوجي يفجر عيونو هههههه
حتا احيانا كون قاعدة مع حدا وفجأة التياب يلي لابستن يصيرو يتحركة عن البطن
قوم استحي وحط ايدي مشان ماحدا ينتبه ههههه
بس وقت النوم راح تنزعجي كتير من الحركة
انا كنت مااقدر نام واحيانا فيق عالحركة طبعا الدكتورة قلتلي اذا حرك انتي ونايمة وفقتي عم يحرك بكون الجنين جوعان لازم قوم اكل وعنجد بس اكل شي توقف حركة
وبالنسبة لدقات القلب انا صرت حس النبض بكتفي عم يحرك يعني العرق ميحرك بقوة وواضح حتازوجي لاحظ من بعيد ان كتفي ميحرك من النبض ومزعج وقت النوم صرت حط ايدي مشان مااسمع
سبحان الله اديش سمعت عن الحمل ةاعراضو بس مومتل يلي جربتو
لعيت كتير ما
شوبدك تسالي انا جاهزة واحب ماعقلبي

الله يسرلك*

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة حوامل أهل جدة - دردشة بنات جدة - تجمع حوامل مدينة جدة	سماسم	إستفسارات حوامل من الشهر السابع إلى الشهر التاسع	2601	06-07-2013 07:34 PM
تجمع حوامل سوريا-دردشة ورود سوريا-دردشة الغاليات	jorri sham	إستفسارات حوامل من الشهر السابع إلى الشهر التاسع	791	07-07-2012 04:03 AM
دردشة حوامل أهل جدة - دردشة بنات جدة - تجمع حوامل مدينة جدة	LOOLOO	إستفسارات حوامل من الشهر السابع إلى الشهر التاسع	6422	01-02-2012 07:40 PM
دردشة حوامل أهل قطر - دردشة بنات قطر - تجمع حوامل قطر	اميره نفسى	إستفسارات حوامل من الشهر السابع إلى الشهر التاسع	248	01-01-2012 03:49 PM
دردشة حوامل مصر - دردشة بنات مصر - تجمع حوامل مصر ‏	دودى اشرف	إستفسارات حوامل من الشهر السابع إلى الشهر التاسع	23892	08-22-2011 07:42 PM