دردشة حوامل أهل القصيم - دردشة بنات القصيم - تجمع حوامل القصيم

[؛بيلسان؛]

مستشفى الملك سعود لازم تروحين عن طريق الطوارئ والا تفتحين ملف وطبعا ما يفتح ملف الا اللي من عنيزه بس روحي عن طريق الطواري وقت الولاده بس والثامن تكون المتابعه كل اسبوعين

بنات انا بسالكم من جربت قلب راس المولود لتحت بالحبيب لان انا راس البيبي فوق وعطوني موعد بعد اسبوعين علشان يقلبون راسه لتحت ويحطون بي طلق صناعي على طول علشان ينزل واولد طبيعي بس انا خايفه ومتردده مع اني باخذ ابرة الظهر علشان ياخذون راحتهم بي ودي اسال احد جرب او لا

[روحي فدوة له]

تسلمين بيلساااان وجزاك الله كل خير

والله ماعندي خبره عن قلب راس الجنين ولا ساعدتك يالغلا وان شاء الله يتعدل يارب

[ام رموسه]

مساء الخير كررررررررروشات

[اشتياق]

ام رموسه مشكوره ياعسل عـ الافاده

ام احلى اثنين هلابك ياليت تزورينا
وتفيدينا بخبرتك

روحي فدوة له اللي اعرفه انو اذا جاتك الولاده تدخلين عن طريق
الطوارئ في اي مستشفى حكومي يستقبلونك عادي
بالنسبه للمتابعه في الثامن ماقدر افيدك توني بالخامس وبكريه

الله يسهل علي وعليكم

[روحي فدوة له]

المشاركة الأصلية كتبت بواسطة اشتياق

ام رموسه مشكوره ياعسل عـ الافاده

ام احلى اثنين هلابك ياليت تزورينا
وتفيدينا بخبرتك

روحي فدوة له اللي اعرفه انو اذا جاتك الولاده تدخلين عن طريق
الطوارئ في اي مستشفى حكومي يستقبلونك عادي
بالنسبه للمتابعه في الثامن ماقدر افيدك توني بالخامس وبكريه

الله يسهل علي وعليكم

مشكووووره يالغلا وماقصرتي والله يسهل ع الجميع ياااارب

[ام ميتو]

السلام عليكم يابنات القصيم فديكم
اتمنى تقبلوني عضوه جديده معاكم --انا حامل بالشهر الخامس وبكريه وموعد ولادتي ان شالله 10 محرم من السنه الجديده
عندي استفسار واتمنى الاقي عندكم جواب
من فيكم جرب ابرة الظهر بمستشفى سليمان الحبيب ببريده ياريت الي جربت تعطيني معلومات عنها وعن الطبيب الي عطاها اياها ارجوووووووووووووكم تراني ميييييته من الخوف
يندحونها كثير بس ماسمعت احد جربها ببريده ---الله يجزاها خير الي ترد علي
ودمتم برعاية الله

[ام رموسه]

ياهلا بالكروشاااات
ام ميتو والله ماقدر افيديك عن الابره انا بكرية

[ام ميتو]

مشكوره ام رموسه يكفي انك رديتي
الا انتي بأي شهر علشان نتواعد نولد سوا؟ههههههههههههههههه

[ام رموسه]

هلا ام ميتو انا بنص الثامن بالاسبوع 31 انت باي شهر

[ردينة]

السلام عليكم ورحمة الله وبركاته

مساءالخير لاحلي كروشات كيفكم وكيف الثقل وياكم ان شاءالله اموركم تمام وكيفكم مع الاجازة وبارك الله لكن في ما بقي من شعبان وبلغكن رمضان وانتن باحسن حال وجعلني الله واياكن من المقبولة اعمالهن واعانناعلي قيامه وصيامه يارب..

ام رموسه كيفك وكيف الثقل وياك انا بنص الثامن الاسبوع الرابع والثلاثون الله يسهل علي وعليك وجميع الاخوات متي موعد ولادتك ؟

ام ارين كيفك وكيف البنوتة اسال الله العلي القدير ان يشفيكي من كل شر طمنينا عنك يالغلا..

الوان كيفك خيتو وكيف عيالك هابشري ولدتي اولسه الله يسهل عليك يارب.

ام روولا ..طيور الجنة ..ام احلي اثنين.. ملكة..مهرجه..ام كادي..اشتياق ..روحي فدوة له..وباقي الاخوات كيفكم جميعا .