دردشة بنات فلسطين, دردشة حوامل فلسطين, تجمع بنات فلسطين

[حواء مثالية]

مساكم فلل وجمعتكم مباركة
اليوم نفلت كل البيت وغسلت من شوي خلصت ترتيب

[عسولة فلسطين]

يسعد مساكم يا كسلانين
حوااااااااااء يعطيك الف عافية بس ما ترهقي حالك كتير حرام عشان البيبي ديري بالك ع حالك

بنات انا اليوم كتير مبسوطة مش عارفة ليش هههههههه
المهم وأنا بقرأ بالفيس وبأتصفح لقيت هالدعاء قلت أقوللكم اياه لتحصنوا ولادكم كتير منيح

الرقية الشرعية للأطفال
لاحظنا ان كثير من الأمهات لاتعرف طرق التحصين الصحيحه ، فبعض الامهات تقرا المعوذات الثلاث مرة واحده وتعتبر هكذا حصنت اطفالها والبعض الاخر يقول استودعتكم الله
لذالك كتبت هذا الموضوع لكي افيدكم بطرق التحصين الصحيحه:
تضع يدها على رأس الطفل ثم

... 1- تقرأ سورة الفاتحه
2- و آية الكرسي
3- و أخر ايتين من سورة البقره
آَمَنَ الرَّسُولُ بِمَا أُنْزِلَ إِلَيْهِ مِنْ رَبِّهِ وَالْمُؤْمِنُونَ كُلٌّ آَمَنَ بِاللَّهِ وَمَلَائِكَتِهِ وَكُتُبِهِ وَرُسُلِهِ لَا نُفَرِّقُ بَيْنَ أَحَدٍ مِنْ رُسُلِهِ وَقَالُوا سَمِعْنَا وَأَطَعْنَا غُفْرَانَكَ رَبَّنَا وَإِلَيْكَ الْمَصِيرُ (٢٨٥) لَا يُكَلِّفُ اللَّهُ نَفْسًا إِلَّا وُسْعَهَا لَهَا مَا كَسَبَتْ وَعَلَيْهَا مَا اكْتَسَبَتْ رَبَّنَا لَا تُؤَاخِذْنَا إِنْ نَسِينَا أَوْ أَخْطَأْنَا رَبَّنَا وَلَا تَحْمِلْ عَلَيْنَا إِصْرًا كَمَا حَمَلْتَهُ عَلَى الَّذِينَ مِنْ قَبْلِنَا رَبَّنَا وَلَا تُحَمِّلْنَا مَا لَا طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَا أَنْتَ مَوْلَانَا فَانْصُرْنَا عَلَى الْقَوْمِ الْكَافِرِينَ (٢٨٦)

4- و سورة الاخلاص 3مرات
5- و سورة الفلق 3مرات
6- و سورة الناس 3مرات

ثم تقول بسم الله 3مرات

و تقول اعيذك بعزة الله وقدرته من شر ماتجد وتحاذر 7مرات
ثم تقول (بسم الله الذي لايضر مع اسمه شيئ في الارض ولافي السماء وهو السميع العليم)

و تقول ( استودعتك الله الذي لاتضيع ودائعه)

ثم تمسح على راس الطفل وجسمه
وهكذا ترتاح الام من العين والامراض ومن العدوى من الاطفال وكل شي مقدر ومكتوب (قل لن يصيبنا الاماكتب الله لنا)
(ولا يرد القدر إلا الدعااااء)

[حواء مثالية]

تسلمي عسولة الله يسعدك كنت اعمل على راحتي

يمكن كرا اروح ند اهلي واذا قل ابو الشباب راح انام عندهم احكو يا رب يقبل

[مسك السنين]

وين الشعب؟؟؟؟؟؟؟؟؟

[beboo]

صباح الخير ياحلوين

كيفكم وكيف صبحتم ان شاء الله بخير

مين صاحى بكير

[لولو الفلسطينية]

صباحو صبايا
صارلي كم يوم ما دخلت , يوم التلاتاء عندي اخر امتحان و ساق الله ما قدمته و ارتحت اقرفت حالي
شو اخباركم ؟؟ ان شاء الله بخير
بنات كيف التلج عندكم
عندنا لسا الارض ملياااااانة تلج و امبارج بالليل نادو بالجوامع ممنوع الناس يطلعو من بيوتهم الا للضرورة القصوى لأنهل التلج تجمد و صار جليد زي القزاز و الله بخوف , الله يسترها مع الكل
ام عمرو سلامتهم سنانك , ييييي و الله انا عذاب ههههه ما بنام و لازم اذا نمت اصحى في نص الليل و بضل اصيح زي المجنونة , الله يعينك وجعهم صرااااع , و الله انا حتى القرنفل و الاامول بطلو يجيبو نتيجة كلو على الفاضي بس مفكرة اخر الاسبوع هاد اروح على دكتور الاسنان و اعملهم بس المشكلة انو لازمني بنج لسحب العصب , بس و الله الدطتور حكالي من الرابع لاخر السادس مسموح للحامل تعمل اي شي حتى بنج الاسنان و خلعهم و كلشي بس من السابع للتاسع مش مسموح عشان هيك انا مفكرة اروح بس محتارة , اصلا هو حكالي بس تدخلي في الرابع و لو يوم واحد روحي اعمليهم بس انا بضل ااجل الموضوع و هيني كمان 10 ايام بالضبط بدخل الخامس و ربنا يهونها علينا و يجيبلنا يلي فيه الخير
مسك سلامته وليد , الله يحفضة و احساس الف سلامة على زياد ههههه انا امي بتضل تحكيلي هلأ نامي و اشبعي نوم كمان شوية ما رح تنامي ابدا ههههه
ام عزمي يا ترى وين هي اجت على بالي بس صارلنا ومااااان ما شفناها , ان شاء الله خير
كل الصبايا الموجودين و الغايبين يسعد صباحكم وين ما كنتو
يللا انا رايحة بس جيت اتطمن عليكم و اشوف اخر اخباركم و اروح اكمل دراسة و ان شاء الله الحق اختم المادة ياااا رب
سلام صبايا

[احساس أنثى]

بيبو ومسك يسعد صباحكم ولله فهلا الشعب مختفي !!

لولو ربي يوفقك يارب بدراستك

[em3omar]

بنات صباح الخير
بدي أسألكم سؤال محيرني
حدا منكم أخد إبرة الضهر بالولادة ؟
او حدا بينصحني آخدها
في ناس بيحكولي ساعدتنا كتير وفي ناس بيحكو بتعمل وجع بالرجلين مع المدة انا محتارة كتير ومش عارفة آخدها ولا لا

[احساس أنثى]

والله ياام عمر ماعندي فكره لاني ماجربتها

ربي يخفف عنك ويقومك بالسلامه

[احساس أنثى]

وين البنااااات ماحد مبين ؟!

بنات غزه كيف الكهربا عندكم ؟ مااجتنا ساعه ع بعضها وغسيلي مكوووم ؟!

وكمان سؤال لبنات غزه مين بتعرف الدكتور من دار قزعاط وين بالضبط حكولي عند السرايا لكن وين بالزبط مين بيعرف ؟ او حتى تليفونو؟!
بدي اخد زياد عليه عشان الفتاق !!!