دردشة بنات المدينه المنوره - تجمع حوامل بنات المدينه

[غرااام]

إليان وربي انك ضحكتيني تبداي بالتريقه ولمن بدات انا واتريقت ماقدرتي تستحملي
الصباح كنتي تقولي روح رياضيه ....والموضوع للنقاش ....ودحين خلاص لانوا ماعجبك الكلام
انا مااحب استخدم الاسلوب الي استخدمته معاكي بالتريقه ...لكن للاسف انتي اجبرتيني
ايش الي نفسيات فلبينيات ...احترمي الناس ونقاشهم عشان يقدروا يحترموكي
واذامو عاجبك ترى احنا بنات البلد يا حلوه ....ولمن قلت قفلوا الموضوع لاني كنت متوقعه حصول اكتر من كيدا
تعرفين نفسيات حريم .....وكل وحده إلا تقنع التانيه بكلامها واذا احد عاملها بنفس الاسلوب ماعجبها ....ترى كلنا مثل بعض
وانا مااقنع احد انوا لازم يروح المواساة واعتقد لو قراتي ردودي للبنات راح تتاكدي اني ذكرت الاستخاره قبل كل شي لانوا نفس الشي الي اعمله دايم في اي امر من الامور
والكلام مو بس كلام جرايد اعتقد اني ذكرت وجود حريم غيري جربوا مستشفى الولاده ولو اقولك ايش صار معاهم بيشيب راسك من الي راح تسمعينه ....لكن صعب اتكلم في خصوصيات الحريم بدون اذن منهم لانها تعتبر من خصوصياتهم ومن الستر على المسلمين مو اكتر

[دانة الدنيا،،،]

غرام هدي هدي يا قلبي
وانتي مو داخل قلبي علشان تحكمي علي
اولاً وللمعلومية انا بكرية ولو فرضاً ولا قدر الله سمعت عن تجربه مو كويسه بأي مستشفى بأطرحها لكن ما راح اظلم كل اللي بالمستشفى ومن هالحكي واجلس اقنع الناس انها تروح المشفى العلاني
يعني اذ انتي نيتك قاعده تقنعي الناس تروح للخاص انا عكسك

دانة الدنيا الله يهديكي لمن يحولونك مو عشان الامكانيات بس عشان المسؤلية ماتكون على عاتقهم .............

ومستشفيات مثل كذا شو نسميهااااااا؟!!!!!!!!!!!!!

عن الاخطاء الطبيه موجوده بكل مكان لكن اهمال يوصل لهل المستوى وربي كاااااااارثه ...كانواااا مو بشر الي بيولد عندهم حشى

ما قصرت احداهن بالرد على ذلك

وماشاء الله جالسه تنصحين فيها تحسسيني كانك دكتوره عندهم

كلا يرى الناس بعين طبعه :)
ارجعي لردي وشوفي هل نصحت ولا تكلمت بواقع بتحويلهم لمنتدى آخر ولا اللي بالمنتدى الآخر كلهم كذابين ؟!!!!

اتمنى تسألين عن الموضوع الي صار عندهم بفصل راس الطفله وايش اسبابه لاني اليوم سألت وانصدمت اكتر واكتر لمن عرفت التفاصيل

اعتقد تقصدي حادثة شروره يعني لا تخلطي بين المستشفيات واعتبرهم كانوا قليلين ذمه مثل المستشفيات اللي تاخذ فلوس ولا جاء وقت الجد يرسلوا على الولاده!!!!
وعلى فكره ممكن هالأغلاط تصير بكل المستشفيات وما قصرت احداهن جابت تجربه لدكتور مشهور وفيه تجربه بمنتدى ثاني لدكتوره مشهوره وفيه تجربه ثالثه لغلط طبي وهلم جرا

اتقي الله في بنات بكريات مو عارفين شي عن المستشفيات واعتقد سمعتي اكتر من واحده بالمنتدى
اتمنى تقفلين النقاش بالموضوع والله يسهل للكل صح الولاده تساهيل لكن ماننسى الاخذ بالاسباب
{{{ولا ترموا انفسكم للتهلكه }}}

ولأني اتقي الله نصحت البنات يحكموا عقلهم ويبحثوا بهالموضوع تمام وما يلتفتوا لثلاث ردود فقط وهذا مو قصور فيهن لكن علشان يكونوا ملمين بالمواضيع ولأني قرأت تجربه راحت لدكتوره بناء على توجيه الأخوات وهي اللي اكلتها على راسها
وما زلت اقول الولاده تساهيل من رب العالمين
الله يتمم لي ولك وللجميع على خير
وللمعلوميه الموضوع ما فتحته للنقاش
مثل مالك حق تبدي رأيك ،لغيرك حق يبدي رأيه ويظل بيننا الاحترام

لمن ينطرح موضوع لنقاش حلو النقاش ماقلنا شي لكن لمن وحده تجي تقنع البنات انهم يروحوا للمشفى هادا شي تاني وهي الله عالم بتجربتها

احتراماً لنفسي وللمتصفح بأقول لا تعليق :)
وبالنسبة للماده ما قصرت اختنا ووضحت ان الماده ما لها شغل بهالموضوع ناس رواتبهم بالعشرين لكن مرتاحين للحكومي وناس رواتبهم قليله لكن مرتاحين للخاص
اللي عندي كلهـ قلتهـ وكل وحده تعمل اللي يريحها

انتهى

بالتوفيق للجميع

[امنيتي اشوفك اياد]

هــــلآ اخواتــــــــي الغاليات ...
اليوم جربت اكل ام رسيل اكلها ولا ارووووووووووووووووع يمي يمي لايفووووتكم نصيحة ...

..............................................<<<< <<<<<<<<<<<<<<<
اما عن الاخوات الغاليات اللي يتناقششون في موضووع المستشفيات والله اهم ششي انك ترتاحي مع الدكتورة اللي تراجعي معاها وتولدي عندها لانك لو راجعتي طوول شهورك التسعة وم ارتحتي لها مستحيل تولدي عندها ... واهم شي ي اخوات الدعاء والاستخارة <<< تقبلوووو رايي وشكرا ي عسسولات


بروووب اهلي جايين قلت ابشركم باكل ام رسسيل للي حاب يعررف ... اصلا انا وزوجي خلصنا نص الصينية قبل م يجوون الضيوف ههههههههخخخخخخخخخخخخخخخخخخخخخخخخخخخخخخخخخخخخخخخخخخ خخخخخخخخ
زوجي جنة دنيتي <<للاتفوتك وم شاء بالتووصيل وكلش

[أميرة بعزتي]

السلام عليكم
حبيباتي اسمعوني زين كل وحده لها تجاربها ولها ناسها ولها محيطها اللي يأثر فيها
عموما ً كل انسان حر بس المفروض تذكروا الشي اللي انتم شفتوه بعيونكم بس بدون
ذكر تجارب لغيركم لان الناس تختلف بطريقة تعاملها وتفكيرها وغير كذه اي موقف يحصل
مع اي مريضه مؤ عشان نيتها زينه وطيبه ولا عشان هيا شريره ونقص الخبر ـــــه له دور
المهم لاتهاجموا بعض وكل واحد حر بقراراته وقناعاته والمسأله مؤ مستشفى ولا فلوس اهم
شي الراحه النفسي ـــــه.
ياعزيزاتي الله يسهل للجميع وبالنسبة لمستشفى الولادة سواء القديمه او الجديدة جربت الاثنين
وكلهم أسوء من بعض ومين قالك انه المستشفئ صارت سعوده ياقلبي لا تحزن مالهم شخصيه
وزيدي عليها انهم مالهم شخصيه والسعر فون يسوون شيئ ابد كل اللي فلاحين فيه يطقطقون بجوالاتهم
والدكتور الخكري ابو شعر على كتوفه وجالس يلعب بجواله ويقولي الجنين وضعه غلط حتى قدام
عيني جابوله طفل ميت ومكفن يبغوا التقرير عشان أبوه يستلمه وهو ماسك جوالات ـــــه ويطقطق ويكتب حتى الممرض ـــــه واقفه وتقول لاحول ولا قوة الا بالله وغير أني بعد ولادتي القابله تعطيني إبرة طلق صناعي بعد ما ولدت وسألتها ليه تقولي المشيمة مانزلت وجع بشكلها هي ضربتني الابره في الوريد والمشيمة تنزل لوحدها بنفس الوقت واجلس اطلق لحد المغرب وانا والده الظهر كان ممكن يجيني نزيف او يخرج الرحم من محله
وجربت المواساة رائعه وأخلاقهم عسل ومعروف اصلا عن ايمن عفيفي انه استغلالي وما صاروا الناس زي قبل عليه
حتي المطبقاني اخواتي يولدوا فيها ويحبوها بس انا ما احبها سبحان الله على الرغم انهم يمدحوها بس مارتحت لها ابد
عشان كذه اقولكم نظره الناس تختلف والأخت الفاضل ـــــه اللي تقول انه الطفل اللي انفصل راسه بشروره فعلا صادقه بس هذا نزل بالجرايد وأهله ما اكتشفوا الا وقت الدفن اما الثانيه فهي بنت وفعلا فصلوا الرأس من الجسم لان الدكتور بالولادة مصر يولدها طبيعي والجنين كان متضخم ببطن امه ويسحب وانفصل الرأس عن الجسم وبالمدينه معروف ما يجيبوا سيره ويتقفل الموضوع على طول عموما حبيباتي إحنا اهل الخبر ـــــه ان شاء الله اهم شي تستودعي نفسك وجنينك قبل تولدي والله يسخر لكم الساعه السهل ـــــه والطيبه ونصيحتي لكم بدعاء مجرب وقت الولادة
يا بديع السموات والأرض ياذا الجلال والإكرام
راح تشكروني عليه الأحد يشيل على احد وفي حديث للرسول الكريم عليه افضل الصلاة وأتم التسليم يقول
من ترك المراء بني له بيت في ريض الجنة
والمراء هو الجدل فلا تجادلوا واتركوا كل واحد هو حر بتفكيره على قولتهم كل واحد بعقله مرتاح
الله يسهل على الجميع بعيداً عن التجريح

[غرااام]

دانة الدنيااااا مشكوره على ردك يمكن فهمتك بتسرع لكن حكمتكي برد الان تدل على حسن نيتك الله يعطيكي العافيه على الرد ويسهلك ويسهلي ويسهل للبنات اجمعين
الي كنت اقصده الاحترام في الردود مو اكتر يمكن هادا الي عصبني بالرد لان زي ماقلتي كل وحده ليه حق تبدي ردها لانوا مو منتدى ابوي المنتدى للجميع {{{ومو شرط الكلام يكون موجه لك انتي بالذات لانك مو لوحدك الي تكلمتي بالموضوع
وانا مااقنع احد برئيي لانوا مجرد رئ وغيري يمكن ماجرب
وعلى لمن يحولوكي للولاده لانوا المستشفى الخاص يقدروا يقفلوه لو حدث لقدر الله للمريض شي عندهم لكن الحكومي يداروا عليه يا قلبي وماكانوا صار شي
ولمن قلت الله عالم بتجربتك مااقصد قلت احترام لانوا يمكن ربي سخر لك بنات الحلال هداك الوقت
ولمن ينطرح موضوع عشان الكل يستفيد من تجارب غيروا مو اكتر لا انا جالسه اقنع احد ولى غيروا
وعلى قولك كل وحده تختار الي يريحها

[غرااام]

اتمنى يابنات ماتزعلون لاني اعرف اكتر منكم انوا مو كل شي بالفلوس لكن الخت جايه تقولي ....نفااااااااخ فلبينيات ....عننا وعن كلامنا يعني ايش كنتم تبغوني ارد عليها
والكلام كان موجه ليها فقط وتستحق ذلك ...اعذروني للجراءه
بصراحه بعد كلام اميره بعزتي مااعتقد في كلام يسلمواااااااااااا

[أميرة بعزتي]

😊😊😊😊.
غرووومه يسلموااا حبيبتي
ام أياد شكرًا ياعسل بس وين الصور تراكي وعدتينا ههههه

[ليآل]

غرااااام

وش اخبارك اليوم واخبار البيبي :)

وبالنسبة للنقاش عن المستشفيات ياليت كل وحدة تتكلم عن تجربتها وبالعكس عادي والله نفيد بعض بعيد عن التعصب

اما مستشفى الولادة بعد ماشفت بعيني مااااا اقدر ياناس اروح

انا بكرية لكن كنت موجودة مع قريبتي وعلى راسها من بداية دخولها المستشفى الى ماقبل الولادة بدقائق وقبل الولادة كانو رامينها بآخر غرفة في الممر ومو راضين يجو يشوفوها يعني لو مامعها احد كان ولدت ولا احد داري وانا مقدر اتكلم عن تجربتها كاملة وشفت العجب العجاب من السعوديات لاحول ولا قوة الا بالله

حتى بعد الولادة يابنات جلست تعاني أشهر لأن الخياطة مو مضبوطة وصار لها تلوث لأنو التعقيم مو كويس وعادت العملية والخياطة في مشفى خاص وهي بصراحة كانت تحكيلي تجربتها بس انا من خجلي ماتذكر الا هذا من كلامها

اما الي شفتو بعيني والله ياناس ارجع واقولكم ماينوصف اهمال اهمال اهمال وطبعا اتكلم عن مشفى الولادة الجدييييييييد


الله يسهل علينا جميعا ويرزقنا ساعة سهللللللة اميييين

[غرااام]

اهلين ليال الحمد لله اخباري زينه بس معاي شوية سخونه تروح وترجع وماودي اخد علاجات وبس على فيفادول الاطفال وطبعا الفيفادول مهجد البيبي هههههههههههههههه
ويوم الجمعه راح ادخل العد التنازلي التاااااااااااااااسع الله يسهل علي وعليكم يا قلبي
انتي بشريني ايش اخبارك وكيف وضعك مع البيبي
اعذريني بخرج شوي وراجعه عندي شغل

[ليآل]

غرام ههههههههههههه

هههههههههه والله ضحكتيني لما تقولي الفايفادول مهجد البيبي هههههههه ياناسو يحسب انو له هههههههه

حاولي تشربي عصير ليمون مع برتقال بس مايكون بارد حيييل

وماشاء الله ربي يسهل لك وترى بعد الولادة ان شاء الله انتظر تجربتك لاتنسينا عاد وبشرينا ربي يتمم لك على خير ويسعدك ياقلبي

اوكي وانا خارجة ارتاح اشوي معايا ألم اشوي بظهري والحمدلله

برضو انتظر البيبي يتحرك هههههههه عجووولة