دردشة بنات المدينه المنوره - تجمع حوامل بنات المدينه

[غرااام]

لا ان شاء الله خير امنيتي اشوف اياد ...ولاتفسرين على كيفك يا حلوه
ياربي بس نولد بالسلامه يابنت البيبي اليوم وربي بس يلاكم وبقوه لدرجة اتالم ياربي ايش فيه يصارع من دحين خخخخخخخخخخخخخخخ
انتي كيفك وكيف البيبي .....وعن جد في تخفيضات لاني بكره نازله المدينه وفيين التخفيض

[امنيتي اشوفك اياد]

هلا حبيبتي
يب يب فيي تخفيضات في سمينا بنفسك وستي ماكس وسنتربوينت هدي المحلات اللي زورتها

[امنيتي اشوفك اياد]

ههههههههههههه ملاكمة ملاكمة وبقووووووووووووة بعد هههههههههههههههههههههههههههههههههههههههه....

[¤♥ أنثى حآلمه ♥¤]

السلام عليكم احلىى كروشاات..
كيف الحمل معاكم ... وكيف رفس النوناات خخخخ
ايلاف ألف مبرووك النونو .. والله يبارك لك فيه
والله يابنات تعبت .. تخيلو جاني تعب وعملت تخطيط طلق قبل أسبوع
وطلع معاي طلق خفيف .. ومنعتني الدكتورة من الحركة لان رأس البيبي في الحوض
ضاغط على العنق ياقلبي عليه والله صرت اخاف عليه يارب تمم علي هذا الثامن على خير
بنات لا تحلفوا بشيء ماتدروا الخيره فيه لكم وين ... وغرام انتي حكمتي عليه من 8 سنين
كانوا في المبنى القديم <<< وكان اسوأ مستشفى في المدينة اتفق معاك ...
وغير كذا كانوا الممرضات فلبينيات ... وماعند أغلبيتهم احساس ,,, لا ما ندر جداً ..
والان الوع تغير .. الدكاترة سعوديات وربي عسل << انا تعبت في الطورائ وكشفت علي وكانت
قمة في الاخلاق معااي .. والممرضه كمان كانت سعوديه ومعاها وحده فلبينيه ... صراحه الفلبينيه كانت مرا
جاافه ... وقهرتني ... والله ما أكذب عليكم جاتني السعوديه وقالت لي ماعليك منها ,,, وهي اللي كشفت على النبض
وتسمعني النبض .. وتضحك معاي .. وشوي وجاتني الدكتورة السعوديه .. اتعب وانا أقول قمة في الاخلاق .. كشفت علي
وقالت كل شيء تمام ... وماعندك مشاكل ... وخرجت ,,, حتى بمراجعاتي ,, الحمد لله الممرضات سعوديات عسسسسسل
تتعامل معاك بأخلاق الإسلام اللي تربينا عليها ,,,, اختي لما ولدت كانوا الممرات السعوديات يجوا يمسحوا عليها ويخففوا عنها
واللي ولدتها في بنتها البكر دكتورة سعوديه لما تعبت أختي بعد الولادة ورفضت الخياطة بنجتها كامل وخيطتها من غير ماتحس
صح ان الفلبينيات كانوا ينهروها .. لكن السعوديات كانوا مايفارقوها وقمة معاها ... والان نسبة الفلبينيات قليلة في المستشفى
وخالتي زيييك كذا الا رأسها تولد في خاص والمدينة الوطني .. حاول زوجها معاها .. قال يمكن تحتاجي عمليه الولاده أفضل لك
ورفضت .. المهم جات ساعة الولادة ... راحت المطبقاني ,,, دخلوها كشف ... على طوول قرروا عليها عمليه من غير مايشاوروها وخرجو زوجها يخلص الاجراءات وهو مو داري انها عمليه ,,, ولما قالوا لها عمليه قالت ابخرج الولادة قالوا لا نولدك طبيعي وجات دكتورة أنوار وقاست العنق وقالت ولادة ... وفكت كيس الجنين طلعت الله يكرمك المويه سوووده طلع الجنين متبرز على نفسه من يومين ... واستدعوا الدكتورة عزة ... وجات تجري وتخبط خالتي وتضربها وتصرخ عليها .. وتقول ادفعي
خالتي هنا ماتمالكت نفسها ,, قالت لا تنفخي انا ماتركت الولادة وجييت بفلوسي الا ابغى الراااحه .... المهم خافت عزة حاولت تولدها طبيعي واصلا في حالتها لو راجت الحكومي دخلوها عمليه على طووول .. لان اول شيء وزن البيبي كبير .. وفوق هذا متبرز من يومين ونبضه يضعف ... لما خلاص شافوا النبض ضعف << مايمديها تخرج للولادة واهلكوها .. قالوا لازم عمليه
ودخلوها على طوول غرفة العمليات ,,, وولدت وأخذ ولدها اسبوع في الحضانة ... لانه استنشق الموويه ووصلت الرئة ...
وبعد العمليه بأسبوع راجعت عند الدكتور في لمطبقاني ,, قال أنتي مكتوب عندي في التقرير إنك رفضتي العمليه ,, شوفي كذبوا عليها ,, قالت انا مارفضت ,,, انا قلت للدكتورة إذا عمليه خلوني اروح الولادة ... تقول انا قلت ابخرج .. على طوول يسحبووني
من يدي مشي على الكشك وحالتي ماتسمح ... ولما تعبوا النونو قالوا مايمديك ترووحي الولادة لازم عمليه << همهم الفلووس وبس ,, ماراعوا حالتها ... يعني هذا وهو مستشفى معرووف ... ودكاترته معرووفه ...
زوجة أخوي جاتها ولادة مبكرة راحت الولادة .. قالوا حضانة الخدج مافي سرير للطفل لكن في سرير لك أنتي ,,, لكن نعمل لك تحويل على مستشفى المطبقاني والموؤساة والالماني ,,, واللي يرد أول نحولك عليه وعملوا لها كل الفحوصات .. وردت الألماني
قالوا على الألماني تبغي نوديك بالاسعاف تحسبا لأي طاري .. بس هي رفضت راحت بسيارتها .. والحمد لله اعطوها ابرة الرئة ومهدئات للطلق ومثبتات وأسبوع وخرجت ..
اللي ابي أقوله من الضغط اللي يجيهم يمكن يتعبوا لكن من ناحية النظافة المستشفى نظيفة .. ومن ناحية الأكل نظييف وحلو
ومن ناحية تعامل السعوديات عسل وربي حتى في كشك الولادة ... يحنوا عليك ... مو الفلبينيات .. اللي كانوا بس يصرخوااا
الواحد منا مايدري وين الخيره له ... كلها اسباب والتسهيل من الله .... الواحد يستخير الله ويتوكل مايقول والله ما اروح له لو على جثتي .. ماتدري يمكن الكلمة ترجعك ألف ميييييل ,,, القدر مكتوب لك في الخاص والحكومي .. والاخطاء الطبيه في كل مكان
واتوقع سمعتوا عن مستشفى الحبيب وهو أفضل مستشفى بالرياض ومعرووف اللي مات الطفل فيها وماتت الام دماغيا بسبب خطأ
من الدكتور ... والله مستشفى الولادة بعد سعودة الممرضات تغير 360 درجة عن قبل ... ولا تنسوا ماخاب من استخار وماندم من استشار ... الاستخارة فوق كل شيء .. والدعاء يارب سخرلي عبادك .. والثقة بالله والإيمان به وانه أرحم على العبد من الام
ادري قرقت كثييير بس قلت اللي بجعبتي ,,, والله يسهل لنا الخير في كل مكان .. وفي الاخير الموضوع للنقاش ماله داعي العصبيه
ورفض النقاش وغلق الموضوع ,,, خلووونا نتسلى لحد مايجي الفرج ونولد كلنا بخير وصحة خخخخخخخخخخخخ
والله يقدم اللي فيه الخير ... << بنات نقاش بروح مرحه وصافيه ... مانختلف بالاراء .. مانبي نفاخ الفلبينيات هههههه ملينا منهم

[غرااام]

قاااااااال نفاااااااخ فلبينياااااات قاااااال
لمن ينطرح موضوع لنقاش حلو النقاش ماقلنا شي لكن لمن وحده تجي تقنع البنات انهم يروحوا للمشفى هادا شي تاني وهي الله عالم بتجربتها
وعلى فكره اكتر من وحده اعرفها ماتقدر تروح للخاص وتضطر تروح للولاده لكن المسكينه تعالي واسمعي كلامها وهم مالهم زمن عن الولاده بمستشفى الولاده
وغير كيدا شكلك ماتقرائي جرايد ابدا
يمكن ربي سخر لك الدكتوره السعوديه ماتدرين ...لكن اناا متاكده لو جربتي الخاص بيتغير كلامك
يعني بمعنى اصح الي عااااايش مو زي الي مااااا عاش خخخخخخخخخخخخخخخخخخخ
والمطبقاني من يوم دخلتها ماارتحت ابدا وخرجت فورا
وزي ماقلنا الاخطاء الطبيه موجوده بكل مكان
واذا على النظافه افتحي جريده المدينه واقرائي عن سوى النظافه الي بالمستشفى وراح تعرفي إلا إذا أخدتي جوله بالمشفى ههههههههههههه وشيكتي على النظافه
لى ومدعوم بالصور
ياااااااااااااازين الروح الرياضيه بالنقااااااااااااااااااااش ااااااااااااااااااااموت اناااااااااااااا

[ام ريتل]

صباح الخير
انا بكريه ما اعرف شي عن المستشفيات كنت ابولد بالعسكري بس اخلاقهم بعضهم زفت وابولد باخاص
حبيت اعرف افضل مستشفي حامد سليمان او المواساه ومين دكتوره الكويسه وانا حولد علي شهر 8
متى اخذ الملف من المستشفى

[¤♥ أنثى حآلمه ♥¤]

غرام انا اتناقش ما اتريق ..اذا انتي حكمتي على المؤاساة .. زوجة خالي ولدت فيه مرتين
المرة الثالثة رفضت تروح له .. وراحت المطبقاني وبالعكس تقول احسن من المؤاساة .. وارتاحت فيه
شفتي كيف .. مايحتاج انتي تخوفي البكريات .. عن تجربة من 8 سنوات .. واذا انتي تأخذي كلام الجرايد
فهم ياخذو شيء واحد صح .. والباقي كله دخااان ... والخاص ياعمري انا بمقدوري اروح الخاص ..
لكن في بكريتي ماراح أغامر .. زوجة خالي في بكريتها .. طلبت من الدكتورة اللي تراجع عندها .. تولدها
في المؤاساة .. واللدكتورة معروفة اسمها تيسير كانت في البكاري .. قمة في كل شيء الله يرحمها ماتت بسرطان
والله اعلم عين والا ايش .. ماتدخلي عليها من الزحمة ... ما شاء الله تبارك الله..
قالت انتي معاك فقر دم .. نصيحة من أخت تحبك في الله . روحي الولادة .. وبالفعل رحت الولادة وجاها نزيف بعد الولادة
مثل ماتوقعت الدكتورة .. واعطوها دم ... ودخلت العناية ... شوفي عناية الله فيها ... الآن زوجها يقول روحي خاص وهي ترفض
لانها لقت العناية .. عكس شوفي مستشفى الحبييب بالرياض ... جاها نزيف وماقدروا يسعفوها وسبب لها وفاة دماغيا ... وطفلها مات .. وشوفي زوجها حالته النفسية كيييف .... مانفعته الفلوووس ولا رجعت له زوجته ...
للعبرة ياحلوة مو بالفلوووس والا كان اغلب الناس تتدين اهم شيء تضمن السلامة لو كانت الفلوس تجيب السلامة ... ياما نااس تتفاخر بالخاص وهو كله بلااااوي .... والشيء اللي يجييك من برى الله الله اعرفي انه من جوه يعلم الله ...
و ممكن انا ربي سخر لي الناس الطيبة عشان نيتي الطيبة .. وان شاء الله على طوول الناس الطيبة بوجهي واحمد الله على هذي النعمة العظيمة اسأل الله ان لا تزول ...
لكن نقول الوحده تستخير ربها في كل أمر ماأعتقد ان تجربتك تتعمم على الكل ... واذا نجحت تجربتك ونمشي على كلام الجرايد والفضايح اقرأي هذي الفضيحة بمستشفى المؤاساة بالمدينة...
كانت ولادتي على حساب الشركه المهم رحت للمستشفى وأنا مامعايه طلق بس مويات,,,,
دخلت على الطبيبه المناوبه قالتلي لسا انت اطلعي غرفتك ...قلتلها انا ايش عرفني وين غرفتي أرسلي معاي ممرضه على الاقل ,,,, الحمدلله ان الوالده كانت معايه قالت للممرضه يالله جيبيلها كرسي ودفيها
طبعا ماعجبها الكلام بس مشيت .....
دخلتنا غرفه تقول سجن مو غرفه سرير على البلاط وكرسي زي كراسي المدارس القديمه وتلفزيون لاصق بالسقف
طبعا دخلت امي تشوف الغرفه .....ماعجبتها قالتلها انت من جيبك تدفعي قالت لا مدام........
قالتلها امي انا ابغا احسن غرفه بالمستشفى لو حقت المدير
الست هانم خافت قالت مين هذول اللي يتشرطون
المهم مشيت وتدخلنا غرف واحنا نتنقا الين وصلت سويت على قولها 7نجوم الله لايوريكم الحمام يجيب الهم المغسله تطفح بوجهك والبانيو حالته حاله ........
المهم راحت امي الله يعطيعا العافيه وجمعت عاملات النظافه ولا كأنه الا مستشفى ابويه وخلتهم يدعكو الحمام خلوه يلمع ........

السلام عليكم ورحمة الله وبركاته

نصيحة للأخوات

الدكتور أيمن عفيفي بمستشفى المواساة بالمدينة المنورة اكتسب شهرة كبيرة وذلك لأسلوبه الخاص في جذب النساء وإفهامهم بأنه حريص على مصلحتهم

وأود أن اذكركم بأن هذا الدكتور لا هم له سوى جمع المال ، وقد كانت له اليد الطولى مع الأسف بمأساة كثير من النساء وضياع مستقبلهن .

حضرت له مريضة لمتابعة الحمل ، فكشف عليها وقام بعمل تصوير تلفزيوني وقال لها الجنين فاسد

ولا بد أن أعمل لك عملية تنظيف
وأعطاها حبوب خاصة وقال لها راجعيني بعد أسبوع

فأخذت المرأة الحبوب وأسقط الجنين وقام الرحم بتنظيف نفسه تلقائيا

فراجعت المريضة الطبيب أيمن عفيفي بعد اسبوع وأصر على عمل عملية التنظيف ، فقامت بعمل تصوير تلفزيوني وأثبت التصوير بأن الرحم نظيف

وأقنع المريضة بأن عملية التنظيف لا بد منها وإلا سوف لن يكن هذا الطبيب مسئولا عن أي مضاعفات أو سلبيات تحدث لهذه المريضة ، وبهذا الأسلوب الملتوي خشيت المريضة وزوجها من التبعات الغير مرضية ووافقا على عملية التنظيف .

بعد العملية أصبحت المريضة تعاني من نزيف مهبلي مستمر .

وعندما راجعت هذا الدكتور ابتسم وقال لها أنني لم أتسبب بالنزيف ، لابد أن هناك سبب آخر . ولا بد أن نعمل عملية كشف أخر وتنظيف آخر للرحم .

فراجعت المريضة مستشفى النساء والولادة بالمدينة وأثبتوا بأن عملية التنظيف تسببت في جروح وتقرحات لغشاء الرحم وكانت عملية غير ناجحة .

فأدمنت المريضة على حبوب الدافلون والتي كانت توقف النزيف ، وتسببت القروحات الداخلية بأورام كان أكبرها قطره 8 سم ، وتسببت هذه الأورام بحرمان هذه السيدة من الحمل .

ومن جراء النزيف المستمر والذي أهبط مستوى الهيموجلوبين بالدم إلى 4 ذهبت المريضة إلى مستشفى المواساة وأحضرت متبرعين للدم وتبرعوا لها بالدم ، والمصيبة أن مستشفى المواساة سرق الدم ، وصرف لها عبوات دم من المستشفى وطالب المريضة بقيمتها لولا أن قام ولي أمرها برفع شكوى ضد إدارة المستشفى وقاموا برد المبلغ .

وأصبحت هذه السيدة تراجع قسم امراض الدم بمستشفى الملك فهد بالمدينة المنورة لأخذ اكياس دم لتعوض الفقر الرهيب الذي يحدثه النزيف شهريا تمهيدا لإجراء عملية إزالة كاملة للرحم .

هذا هو الدكتور أيمن عفيفي .

مريضة أخرى تعاني من عدم الحمل وعدم انتظام الدورة الشهرية ( لديها طفلين )

راجعت الدكتور أيمن عفيفي بمستشفى المواساة وأخبرها بضرورة عمل أشعة ملونة كي يعرف ما أسباب عدم الحمل وعدم انتظام الدورة الشهرية

وبعد العملية وبعد اطلاعه على الأشعة الملونة ، صدم المريضة بقوله لا يمكن أن تحملي أبدا

وذلك بسبب انسداد انابيب التبويض ولا يمكن بأي حال من الأحوال فتحها

وابتسم كعادته وقال انا مش مسئول اذا انتي مش مقتنعة بكلامي

ما الحل يا دكتور ؟؟

طبعا الحل يا مريضتي لازم تعملي عندي عملية طفل أنابيب ، وبتكلفك 8000 ريال

وعلى فكرة نسبة النجاح 25%
بس لازم تعمليها عشان بينك وبين نفسك تكوني عارفة انك عملتي كل حاجة وما قصرتي مع نفسك .

اسلوب عجيب ، كي يخلي مسئوليته مستقبلا

ذهبت هذه المريضة إلى مستشفى النساء والولادة بالمدينة المنورة وعرضت الأشعة الملونة على ثلاثة من كبار الاستشاريين الذين أكدوا جميعا أنه لا يوجد أي انسداد أو التصاق بالانابيب ، وكل المشكلة تكمن في نقص أحد الهرمونات لدى السيدة .

وهناك مآسي كثيرة لا يتسع الوقت لذكرها مع هذا الدكتور بالذات
وما يؤرقني رؤية عشرات من النساء ينتظرن دورهن عند هذا الطبيب ، ولا حول ولا قوة إلا بالله</B></I>

حتى تعرفي انه مافي مستشفى خالي من العيوب والنواقص .. بس مانحكم من تجربة من اكثر من سنة ... او نسمع كلام ناس او جرايد لان الفضايح في كل المستشفيات .. بس احنا نغمض عيننا عن عيوب اللي نحب وهذي المشكله ...
الوحده ماتعرف الخيره لها فين .. تستخير ربها بأكثر من مستشفى خاص وحكومي وربنا كريم معاها ... وارحم فيها منا احنا ومن امها

[احسآآآس2011]

يالله ليه ذا كله ع ايمن معقوله هو كدا سي انا عنلت قيصريه عنده من ثلاث شهور بسبب ضعف تبضا بنتي بعد طلق صناعي مهبلي

كل امرء المسلم خير

[ليآل]

المشاركة الأصلية كتبت بواسطة إيلاف2012

الله يبارك فيك حبيبتي ليان...

وبخصوص ولادتي في المواساة طبعاً زي ماقلت في البدايه ولادتي قيصري ولدت عند أيمن عفيفي وولادتي ولله الحمد اتسهلت والرعايه الطبيه في المواساه من أروع مايكون اهتمام ونظافه وطبعاً أول شي اخترت الغرفه اللي ابغاها اخترت غرفتين وكل شي بسعره والممرضات على طول عندك والدكتورات اللي تابعو حالتي بعد الولاده الدكتوره هاله والدكتوره ايمان قمه في الذوق والاحترام وبخصوص وجبات الطعام رائعه للمريض والمرافق والمرافق له سرير خاص والحضانه اهتمام ورعايه بالطفل واعطوه التطعيمات الاولى ولأني والده قيصري ما اقدر أقوم بالطفل يجيبوه ليا على فترات علشان الرضاعه ويرجعوه ومتابعه حالته دكتورة الأطفال ناهد وأي استفسار أنا حاضره ..وعقبالكم ياكروشات لما تقومو بالسلامه

إيلاف ألف ألف ألف مبروووك حبيبتي

بس حبيت أسألك اذا سمحتي

انتي قولتي اخدتي غرفتين مع بعض ؟ طيب كم سعرها مع الولادة وكل شي ؟ يعني السعر كامل مع العملية والغرفة والحضانة وكللللو ؟؟؟؟

[ليآل]

المشاركة الأصلية كتبت بواسطة احسآآآس2011

يالله ليه ذا كله ع ايمن معقوله هو كدا سي انا عنلت قيصريه عنده من ثلاث شهور بسبب ضعف تبضا بنتي بعد طلق صناعي مهبلي

كل امرء المسلم خير

كيفك احساس ؟

وخبرينا كيف كانت تجربتك وعمليتك عند أيمن نظيفة ان شاء الله ؟؟

:)