تجمع حوامل ليبيا

[المتفاااائلــــه]

المشاركة الأصلية كتبت بواسطة ღॐ آية ღॐ

سلمها ياربي والله نحبك في الله ام رفيدة
وحتى لو مسألتيش معذورة الحبايب هلبا مشاء الله ربي يزيد ويبارك
اكيد سقطتو سهواً انا
وان شاء الله ربي يضللنا بي ظلها
يوم لا ظل الا ظله مع بعض.
لالاء احنى وكل بنات التجمع والله كلكم خير وبركة
ايوب واسولة حالهم باهي والحمد لله اسولة تكحكح عندها كحاحة ماسيبتهاش من اول ماخش الصقع
ويوصل سلامك يا غالية لاختي وسلمك نشدة .
متفائلة حبيبتي الصورة ما طلعتش حمليها تاني
وصغري حجمهآ بي برنامج الرسام خلي تكون واضحة.

إن شاااء الله لا باس عليها اسووولة يااارب وبعيد السو عليها ... وآهو قاعدة نتعافر آني واياهم الصور من امبكري ...

[المتفاااائلــــه]

ان شااء الله تطلع هادي

[ღॐ آية ღॐ]

الفـــــاتــــحــــة

يوم من احلي الايام في حياتي هو اليوم اللي قروا فيه فاتحتي..كان يوم النجمة..ومع ان الحوش كان معبي وحوسة واني متوترة ووراي قداش حاجة نفكر فيهم..لكن نتفكر لما اتصل بيا خطيبي وقالي ان قروا الفاتحة قريب طرت من الفرحة..لين عيوني دمعوا..وبدو نسواين العيلة يزغرطوا واني كمدت زغروطتي بالسيف خوفا من التلقيح ..وحتي خطيبي صوته كان متغير من الفرحة ..ونتفكر اول حاجة درتها بعد ماسكرت منه اني

غيرت اسمه في الموبايل من فلان خطيبي الي فلان راجلي..وخليت شوية واتصلت بيه ..قتله نبي نستأذن منك عندي عرس في الصالة اليوم ..^_^ ماهو ماصدقت قداش ليا خاطري يبدا عندي راجل وناخذمنه اذن لما بنطلع ..وهو يضحك سألني وقالي في اما صالة..واني طبعا نقصد نجمتي في نفس الليلة..وقالي باهي امشي ..^_^ اتخيلو لو قالي لا؟؟
واحلي لقطة كانت واني في النجمة كل شوية يتصل بيا..روحتي ولامزال..ويقولي غطي وجهك كويس وانتي طالعة في الشارع..( وكان يندري اني مدايرة الشيانة وقتها راهو قالي اطلعي حتي من غير حجاب ماشابحلك واحد) هاديكا الليلة قعد يكلم فيا للساعة خمسة الفجر..وسكرت واني مش مصدقة من الفرحة اني خلاص وليت متزووووووووووجة اخيرا..ونتفكر اني رقدت ساعتين بس من الفرحة..ونضت وكلي نشاط وحيوية ليوم الحفلة..
محلاها الايامات هاديكا مستحيل ننساها مهما فاتت سنين..ولحد يومنا هذا مدايرة تذكير في الموبايل بتاريخ قراية فاتحتي..وعقبالكم يارب..

[ام روفيدة]

المشاركة الأصلية كتبت بواسطة متفائلة بإذن الله

أم رفيدة ... جزاك الله كل خييير ...وأسأل الله العظيم أن يظلنا تحت ظل عرشه يوم لا ظل الا ظله .... يااارب العالمين ... فكما تعلمنا من رسولنا عليه افضل الصلاة وأتم التسليم في الحديث مامعناه .... أنه .. من السبعة الذين يظلهم الله تحت ظل عرشه يوم لا ظل الا ظله " رجلان تحابا في الله اجمعا عليه وتفارقا عليه " أشهد الله أني أحبك في الله ...

احبك الله الدي احببتني فيه ويااااااااااااااااارب نحمل اني وياك ويعوضنا ربي في الشهر هدا اللهم امين

[المتفاااائلــــه]

هادي صغرتها مفروض تطلع بسرعة

[عيون زوجي]

السلااااااااااااااام عليكم

[المتفاااائلــــه]

وعليكم السلام .. عيون كيف حااالك توا .....


سالي انتي موجودة توا بالله كان موجودة ردي عليا بنسألك على حاااجة ضروري

[عيون زوجي]

شنو الجوووووووووووووووو

[عيون زوجي]

لحظة مشغوله شوييييييييييي وجابه

[ام روفيدة]

المشاركة الأصلية كتبت بواسطة ღॐ آية ღॐ

سلمها ياربي والله نحبك في الله ام رفيدة
وحتى لو مسألتيش معذورة الحبايب هلبا مشاء الله ربي يزيد ويبارك
اكيد سقطتو سهواً انا
وان شاء الله ربي يضللنا بي ظلها
يوم لا ظل الا ظله مع بعض.
لالاء احنى وكل بنات التجمع والله كلكم خير وبركة
ايوب واسولة حالهم باهي والحمد لله اسولة تكحكح عندها كحاحة ماسيبتهاش من اول ماخش الصقع
ويوصل سلامك يا غالية لاختي وسلمك نشدة .
متفائلة حبيبتي الصورة ما طلعتش حمليها تاني
وصغري حجمهآ بي برنامج الرسام خلي تكون واضحة.

احبك الله الدي احببتني فيه ولا بأس على اسولة طهورا إن شاء الله