تجمع الولاده القيصريه

[أميرة القلوب]

بنات كيفكم ..

لها الدرجه العملية تخوف ... يارب تسترها معي .. الله يسعدكم يابنات قولولي انا دكتورتي منتظرة قرار مني ومحتاره ومو عارفه اقرر ,, طبيعي ولا قيصري ...


انا لي تاريخ طويل مع الحمل لي اربع سنين وهذا رابع حمل لي طبعااا للحين ماعندي اطفال .. كل حمل يصير فيه شي ..

وهالمرة قالت بتولدني اول التاسع بعملية شرايكم يابنات ..

ارجوكم ردو علي ..

[عزيزة النفس]

المشاركة الأصلية كتبت بواسطة أميرة القلوب

بنات كيفكم ..

لها الدرجه العملية تخوف ... يارب تسترها معي .. الله يسعدكم يابنات قولولي انا دكتورتي منتظرة قرار مني ومحتاره ومو عارفه اقرر ,, طبيعي ولا قيصري ...


انا لي تاريخ طويل مع الحمل لي اربع سنين وهذا رابع حمل لي طبعااا للحين ماعندي اطفال .. كل حمل يصير فيه شي ..

وهالمرة قالت بتولدني اول التاسع بعملية شرايكم يابنات ..

ارجوكم ردو علي ..

والله ما فهمت ليش تنتظر قرار منك؟؟؟؟ايش المشكله؟؟؟؟

[أميرة القلوب]

هلا عزيزة النفس ...

والله ياقلبي .. انا اول مرة ولدت بنت على السادس وماتت ..

وبعدين حملت وسقطت .. وبعدين حملت لين اخر يوم بالتاسع وتوقف نبض ولدي اه بس الحمد للله وانتظروني لين ولدته طبيعي ...

وهالمرة الحمد لله انا وصلت للثامن .. ومسوية ربط .. وهي تقولي افضل لك تولدين قيصري علشان التعب والانتظار .. ولانه طفل عزيز وانا مدري شسوي خايفه من العملية والقرار لي ...

[مشــــــــاعر]

أمـــيرة القلـــوب
الله يتمم لك حملك..
ويرزقك الطفل السليم المعافى..
رأيي تستشيرين طبيبه ثانيه..
وبعدها أستخيري..
يارب تقومين بالسلامه..

[أم عبووودي]

السلام عليكم
كيفكم ان شاء الله تمام التمام
..اميرة القلوب ..
الله يتمملك على خير ويكتبلك الطيب يااارب
حبيبي العمليه ماتخوف وكلي امرك لله
انا حملي الاول ارتفع عندي الضغط وسولي عمليه بعد ماأهملوني وصار عند ولدي ضمور في المخ وعاش سنة ونص وتوفى الله يرحمة ويجعله شفيع لنا..بصراحة حملي الثاني من اول شهر لوقت الولادة وانا متوترة وقلقانه خايفة على اللي في بطني من الضغظ طلبت عمليه بسرعة والحمد لله ربي عوضني خير جبت ولد ..وارتفع الضغط بعد العمليه ..سويت عمليتين خلال 3 سنين والحمد لله مافيني الا العافيه ..المهم لا تقلقي نفسك وخلي امرك على الله ..:)

بنااااااااااااااااااااااات عندي سؤال مهم مهم..
انا كم يوم وراح اخلص الاربعين ..عادي يصير جماع بعد الاربعين ولا لازم فترة اطول ؟
حملي الاول جلست شهرين عند مامتي بعدين رجعت بيتي ..

[أميرة القلوب]

الله يسعدك ياأم عبودي ..

طمنتي قلبي شوي ...

واللي فيه الخير ربي يكتبه لي ...


بس جد الالم بعد العمليه كم يظل وانتي تحسين فيه ...


والقسطره صدق تعور يوم يركبونها ويفكونهااا

والبنج كان كامل ولا نصفي ..

معليش كثرت عليك بالاسئلة ...

[فاصلة وردية]

انا قصتي قصة بنتي البكر ولدتها طبيعي ولادة ولااروع كانت اسهل واحلى ولادة
بعدها ربي اكرمني بتوام وكنت يوم الولادة ما في انشط مني وفجاءة بعد ما نظفت البيت ورتبته وحزمت حقابئي بسافر لاهلي ثاني يوم اولد عندهم اذ بالموية تصب مني صبا وانا توني اول الثامن طبعا انا كنت بموت من الخوف ورحت عالطول للمستشفى وقررت الدكتورة عمليه مع ان الرحم كان مفتوح 10 سم ولكن الحلوات كانوا مشرفين بالمقعدة والحمد لله اوزانهم كانت طيبة وحدة 2 ك والثانية الدبة منهم2 ك و200جم وحدة جلست بالحضانة 7 ايام والثانية 10 ايام مشكلتي في عمليتي هذه اني ما كنت ادري اني راح اولد زين بعد ماولدت بالطيارة و الاكل الي كنت ماكلته اتعبني في العمليه جدا كنت ماكلة اندومي ييمممم وحليت بايسكريم وبعدها شفت النجوم والكواكب كلها بعز الظهر
والنكتة الكبرى موعد الولادة الاكثر من رائع كان يالله من فضللك ليلة رمضان يعني كنت محتارة اصوم ولا لا والحمد لله قضيت رمضان كاااااامل
بعدين حملت في الولد وعند الولادة جاني الطلق من اول الاسبوع من السبت وانا اعاني الى ان ذهبت الثلاثاء الى المستشفى وقررت الدكتورة عملية فورية قمت اتحايل عليها تكفين طلبتك شي ثاني غير العملية لاني اموووت من سيرة البنج رفضت وقالت الرحم مانفتح ولو انفتح ماني مخاطرة بك وبالجنين لانه اسم عليه كان وزنه قد وزن اخواته التوام مجتمعين لانه طفل سكري كان عندي سكر حمل بس كانت الدكتورة ممتازة والعمليه مرتبه ولله الحمد

[أميرة القلوب]

الحمد لله يارب .. والله يحفظلك ياهم ..

يعني العمليه هينه ان شاء الله ..

[عزيزة النفس]

اميرة القلوب
استخيري ياقلبي
والله سبحانه بيريحك وبيسر امرك لواحد منهم
يارب ياكريم تفرحين فيه وتقومين بالسلامه انتي واياه
ياااااااااااااااااااااااااااااااارب ياكريم تفرح اختي اميره وتعوضها خير مما فقدت

[ام فتو الحلوه]

معكم وحده من اصحاب السوابق يعني حملي الاول قيصري لان بنتي الله يحفظها كانت جالسه والمويات عندي قليله وماقدرت تقلب في الحوض والحين هذا حملي الثاني وشكلها بعد عمليه

بالنسبه لاختي اميرة القلوب لاتخافين الناس يهولون من العمليه وانها صعبه لكن يوم جربتها قلت ياليت كل ولاداتي قيصري نمت وقمت لقيت بنتي بجنبي لا الم طلق ولا شي

وبالنسبه للبنج الافضل كامل لان النصفي يعطونك ابره بالظهر وهي خطيره لو يغلطون غلط بسيط ياثر عليك

يارب يسهل علي وعليك وعلى كل خواتنا الحوامل الولاده ويفرح نظرتنا بشوفة اطفالنا سليمين معافين

يااااااااااااااااااارب