تجمع سيدات ليبيا الغاليات..

[جوهرة ليبيا]

شموسه فقدناها هلللبه

زعما توا في اي شهر وربي يتمملها علي خير يارب

ويحفظ شمس العسوله وعبسي الحلو

[ام معاد]

اه عياطات السنافر ونقانهم كلنا نعانو منا بس الواح ديما يدعي ربي يهديهم والحمد ﻷه .

[جوهرة ليبيا]

نفس كلامي قبل ايام الثورة كان حوشي جنب مكان امني ضربه النيتو

بس لما طلعت منها قريب هبلت انقول نبي انولي لين رجعت في نص رمضان في عز الضرب هههه اني انق علي راجلي نبي انروح

[ام وسونة]

السلام عليكم

[جوهرة ليبيا]

وعليكم السلام ام وسونه

سوسو اليوم مش امبينه ياااااااررب اتكون بخير شكلها طلعت من حوشها ربي يحميهم

[sosolibya]

صببباااااااااح الخير

كيف حالكم..

لا بأس عليك أوشي..
نتكلم من حوشي بعد ما بتنا اولامس في حوش حماتي في الزاية هي في مصر مهناش

وأمس مشت أنا وماما وحماتي الصبية((مش متزوجة)) للسوريين لأن كنتهم جابت..

عقبالكم..

[sosolibya]

صحتين جو اللمة الحلوة يا أثري وربي يعم الفائدة ديما ويسعدكم..

فروسة شن هو جهاز البطن تقصدي الحزام يللي يربطوه ويبدأ يحرك في البطن ..

جيجي صحة العصبان ,, شوية ولا زي عصباني المرة الفاتت تعبني... الحمد الله ..

الله يسلمك أم معاد كيف حالك والصغار ..

هلا أم وسونة ربي يعينك على بنيتك الحلوة.. والله ذكرتوني بأيام ريم اااااه الحمد لله وخلاص

كنت متعبة جدا ومرهقة منها وحتى هي كان نومها صعب جداااااااااااااااااااااااااااااااا
وخصصا أيام رمضان بهدلتني..

وحتى توا غير أنا مانحكيش ..

تعرفوا بالليل ترقد موووووووووووووخر بعدنا احنا هههههه

بوها مستغرب فيها يقولي الصبح نوضيها بكرييييييي

وبالرغم من أنها ماترقدش قايلة لكن تعشق السهر وتقعد تلعب لأخر لحظة ربي يحفظها ههههه بس لما تعيا خلاص أول مانحضنها ترقد..

[sosolibya]

خاطري حد يعزمني...


أم وسونة وجيجي


حيرتوني ,,,, ماهو الفرق ين البورسلين والموكيت وأيهما أفضل..

[dr.loly]

المشاركة الأصلية كتبت بواسطة sosolibya

خاطري حد يعزمني...


أم وسونة وجيجي


حيرتوني ,,,, ماهو الفرق ين البورسلين والموكيت وأيهما أفضل..

اهلا سوسو الحمدلله ع سلامتكم ..
وصحة عصيدتكم ههه ع نفس الوزن جت القافيه..


عمومآ بلغتنا العاميه نحن نقولوا ع البورسـلين لي هو السيراميك او البعض يقول رخام


هكي يعني





اما الموكيت هو التفريش الكامل للارضيه اللي هي الفرشه السااده لي تغطي المكان كله..







نفس نظام حوشي الانجليزي توا كله موكيت ومبطن من تحت وبعد اجرنا الحوش غيرناه كله الحق وتجيك شركه خاصه بتركيبه حتى .. مش كيفنا خود مقاسات وحط بروحك




وعادة هكي نحكوا بهن نحن سيراميكـ .. وفرش ارضيات


يعني بدون مصلطحات نتوتيه خخخخخخ


خصيصآ اني قاريه البورسلين من طق طق لسلام عليكم ايامات الاسنان


وكارهة هالاسم لان من اصعب المواد المستخدمه في مادة التركيبات الثابته




ونفس ماحكيت قبل شقتي الاولى كان مفرشها بالكامل زوجي وخساره الفرش كله خامه كويسه .. وجديد

بس حوشنا لي فوق سلفي توااا كله سيراميكـ اسباني,,

بس بنخلي قطع في صالة الاستقبااال و الممر الكبير ودار نومنا فقط الباقي بنغطيه..

[sosolibya]

حمود نايض يبي عصيدة ...