دردشة بنات الجبيل , دردشة حوامل الجبيل , تجمع بنات الجبيل

[om zoz]

هلا بك خفايا
لا فيه ابره ظهر عندهم بس بالطلب قبل ماتدخلين للولاده بس انا مااطلبها بيني وبينك خفت منها عقب جارتي يوم خذتها روعتني لان مكانها صار يألمها ماتقوم الا لما تمسك على شي وخفتتتتتتتت
وتراها على حسب الاشخاص في حريم ماتعبوا منها كثير بس انا خلاص خذت موقف
والله يسهل علينا جميع

[خفايا الدنيا]

ام زوز مشششكورة حبيبتي ويارب يكتب لك الولادة السهلة الميسرة
وكل حامل ان شاء الله
بنات وينكم تختفون لا ينام التجمع تعالووو هوووون

[مـثـل الـقـمـر]

انا سالت الفناتير اكثر من دكتور قالوا مانوفرها للولاده الطبيعيه بس للقيصري لانها نفسها اللهم الطبيعي قسطره زي المغذي عشان تتخفف نسبتها وتتزود على حسب الالم وعشان الوحده تحس بالدفع

وسالت دكتور محمود نجم ودكتوره شميله قالوا مافيه مانعطي هالابره بس بدالها في ماسك الاوكسجين وفيه نسبة مخدر تريح وعندهم ابر مسكنات

وياليت لو موجوده اللي متاكده تفيدنا يابنات بالرغم من اني سالت اكثر من مره وتاكدت

بس ياليت اللي تقدر تفيدنا عشان نعرف كيف نطلبها منهم

[خفايا الدنيا]

مثل القمر يعني انتي سالتي عنها وقالو لك مافيه غريبة
والله خايفة وعلى اساس اخذها كلام ام زوز ريحني والحين بديت اتوتر
طيب انتي مراجعاتك بالفناتير كيف اقصد تاخذين موعد قبل المراجعه ولا بأي وقت تروحين
وش احسن دكتورة عندهم

[om zoz]

لا انا سألت الدكتوره ليلى قالت ممكن تطلبها بس تدفع قيمتها يعني موضمن الولاده ذا يوم ولادتي الاولى قبل اربع سنين بس ماادري عنهم الحين ماسألتها
بس صح كلامك اختي عن المخدر اللي يحطونه بالمغذي انا خذته ولاحسيت بالطلق بس قاموا يعلموني اني لازم ادفع والحمدالله ساعدوني لاني صرت مخدره ولااحس بشي وخاصه البكريه ماتعرف تدفع اول تجربه
يمكن من كذا منعوها الهيئه الملكيه لان البكريات ماعاد يعرفون يدفعون
وصدقوني انا المخدر جاااااب نتيجه وسكن الالم ولاعاد عرفت ادفع لين علموني وقتها الممرضات
والله يسهل عليكم يارب

[om zoz]

وبالنسبه للمواعيد لازم موعد تاخذينه لو بالتليفون او تزورين استقبال الحوامل بالدور الثاني على اليسار وتاخذين اقرب موعد وتحددين مع اي دكتوره طبعا في مبنى العيادات الخارجيه
وان شاءالله اكون افتدك اختي خفايا
ولا تفكرين بتعسر الولاده عشان ماتعسر الله لايقوله
فكري بطفلك اللي بتحضنينه بعد لحظات وانه بصحه وسلامه وبكذا بيخف التوتر والالم واعرفي ان تعبك ذا كله عند ربي حسنات بأذن الله
وربي معاك

[خفايا الدنيا]

ام زوز حبيبتي مشششششششكورة ع الكلام الي يريح الخاطر والتجربة
احسسسن شي استفدت من كلامك ويااااارب يسهل علينا جمييييع ومانتعب
ان شاء الله
بحكم خبرتك بالدكتورات مين تاخذ وتعطي وبالها وسيع بالاسئلة
الله يجزاك الجنة

[مـثـل الـقـمـر]

انا صراحه اللي تابعت معاه دكتو محمود نجم

بس اللي يمدحون دكتوره ابتسام كثيييييييييييييييييييييييييير ودكتوره ليلى الكل يقول عنها ممتازه بس كبرت في السن هذا كلامهم

انا والله ياخواتي تعبت وانا ابي منهم الابره حقت الظهر قالوا مانعطيها بس ياليت فعلا انها تكون كااااش ومو شامله الولاده بس عالاقل موجوده

انا علاجي عالهيئة الملكيه ومواعيدي اسويها بالتلفون اول مره وبعدها خلاص الاستقبال هناك يسويلي الموعد اللي بعده

وجزاك الله خي خيتو اللي قالت الماسك مايحسس بالطلق لان والله بكريه وبنت عمي ماخذه الابره في بروكير والله ماشاء الله ولا حست باي ي وحمستني ويوم تحمست لقيتها في المانع موجوده ب1700 بس للاسف بطاقة زوجي التامين فيها مشكله وماتغطي علاجي يعني بدفع اقل شي 7000 لو طبيعي مع الابره

فقررت اروح الفناتير وقالوا مافيه ابره بس شسوي امري لله

انا موعدي السبت ومو حاسه باي طلق ولا اعراض ولاده مع اني عديت التاريخ المتوقع من 3 ايام

الله يكون بعون ربي يرزقنا الولاده الطبيعيه السهله ولانحتاج لاتخدير ولا شي ياااااارب

[om zoz]

والله يابنات ريحووووووا بالكم ودعوا بكل صلاة ان ربي يرزقكم الولاده السهله وين ماكنتوا
والله يسهل عليك اختي مثل القمر ويرزقك الولاده السهله الميسره وتطلعين انتي والبيبي بخير بأذن الله
وخفايا قلبو لاتتوتري وروحي الفناتير اذا حابه وعندك كل الدكاتره حلوين وسيعين صدر محمود نجم وعندك ليلى وابتسام جربي اللي يريحك وتقدرين تغيرينهم اي وقت
وتوك باقي لك كم شهر ريحي بالك واعصابك وربي يهون عليك

[خفايا الدنيا]

الله يسهل عليك مثل القمر ويقومك بالسلامة حبيبتي
وماتحتاجين شي ان شاء الله كثير بكريات يطولون او ان حسابهم غلط

ام زوز الله يريح بالك ويتمم حملك على خير يارب
ويرزقنا جميييييع اسهل ولادة ان شاء الله

ام زوز شريتي للبيبي الجديد ولا باقي