دردشة حوامل القطيف- تجمع بنات القطيف

[حنين للماضي]

السلام عليكم
وحشتوووووووووووووووني
بالغلط جيكت وطلع المنتدى مفتوح استانست عدددل

يلا حبايبي نراكم غداً
تصبحون على خير

[أغلى جود]

صباح الخير بنات
جاية الي حومه من اكلت فطيرة جبن البارحة ولا اني قادره انام احس صدري كل في الم ويجي على الظهر من الجبن ما ادري ويش اسوي

[أحلام أم]

صبحكم الله بالخير وطولت العمر
شحوالكم عفر على قولت حزينه ربي يفرحها هههههه
أم السادة
هلا بالقريبه البعيدة ويارب أقدر أوصلش
عيادة الكوثر بعد يطهروووون !! ألحين صدق معظم العيادات بس مادري ،أني مجربه مع ولدي حموود عيادة ويش سمها بعد هذي إيه د(جمال الزيرة) يعطي بطاقة حليوة فيها إسم المولود ويبارك فيها بيوم الختان ،ويش أخبار سيدنا ألحيين
حنين للماضي (أم علي )
الله يفرح قلبش دنيا وآخره

[أحلام أم]

أغلى جود
ماعليش شر الله يساعدش ،يمكن معدتش على العموم شربي حليب بارد وبالعافية
أشوفكم على خير

[ام السادة]

السلااااااااااااااااام شحوالكم ويش اخبااااركم


هلا بالغاليه احلااام ام ويش اخبارش خلف جبديي

الحمد للله السيد بخير الله يسلمش

باقي البنات ويش اخباركم ويش علومكم

[طفلي حياتي]

السلام عليكم
شخباركم جميعا
الله يالدنيا مسرع مانسيتون بوابة الديوانيه لكن معذورين كل لاهي بحاله
ام الساده عاش من شافش ماتطبين بتاتا
احلام ام شخبارش وشخبار هناوي؟ اينن ربي يحفظه بس نتفه لكن شوي شوي بيكبر ان شاء الله
حنون ياخلف جبداتي شخبارش وشخبار ولدنا؟
اغلى جود هذي حموضه اشربي حليب بارد وان شاء الله تخفين من تحسين بهالشي تاكديه انها حموضه
فلونه مختفيه وروز سول روز بنت بلادي كله رازه الفيس صوب ولد اختها تتدرب
شمس الصباح طولتين الغيبه يالغاليه وينش مالنا غنى عن نورش
ام حسين الدار بعد ماتبين عسى ماشر؟
الحزينه متى ناويه تفرحين وتفرحينا عفر على قولتش روحي حللي
ام لاحلى قمر وباقي البنات كلكم شخباركم عساكم طيبات
ام خلللي شخبار خلي ويى الدادو ماله ههههههههه نبغي نسمع القصص
اني يابنات زنوب معذبتني من قلة النوم بطنها يألمها بقووووووووووووووه حتى شكيت ان هذا غازات مادري ويش فيها تصرخ من قمة راسها وتسكت ثانيه وترد تصرخ ذكرتني بالطلق ماخليت شي ماسويته قطرات سالينال اخذت مرقدوش سويت ودايما اتذكر فلونه تقول ماي الحلوه غربل بنتها فعلا عطيت زنوب وغربلني غربال انصحكم لاحد يستخدم ماي الحلوه الجاهز مثل المرقدوش يخليها ترجع بطريقه مخيفه وتتالم ولا ينفع ولا شي
بالنسبه لي احس كان شي بينزل مني والظاهر الرحم نازل عندي لو ويش مادري سالت ناس يقولون عادي لان الروح مارتفعت للحين وناس يستغربون لين سالتهم... يفرج الله ان شاء الله عن الجميع
(هذرت وايد فرصه زنوب توها غافيه عيونها وتوني مصليه الظهر وتوني شاربه جاي كله بسبب صياح زنوب )
الله يساعد اللي عندهم ولاد صدق معاناة بس حلوه الحمدلله رب العالمين طالما انتظرتها بس الظروف مو مخلتنه نحس بحلاوتها

[ام احلى قمر]

سلام
شخباركم وحدة وحدة ؟؟؟

ويش مسوين ويا جهالكم ..... طبعا اني بقول ليكم ويش مسويا ويا ولدي حسون مسكين مسلني في هالظروف مع انة تعبان في اسهال
تعبت وياه كلشي سويت ليه ما فاد

[أحلام أم]

أم السادة
هلاااااا بأم السادة إيه جدية خلنه نشوفش دووم
الله يخلي السيد والسيدة ويش أخر أخبار الغيرة والسهر
طفلي حياتي
أفه ياريحة هلي الدراز ،أني من زمان أنتظر ترجعين تمسكين بوابة الديوانية كفاية أني ماخذة شغل البوابه ولا أتحجى خخخخخخخ
أشوى شفتين كتكوتي النتفه قبل لا أمسحه وأتوهق ترى ماعرفت شلوون أنزله مرة ثانية ،الله يخليش
الله يعينه خيوو على السهر ،تعالي تالي الليل وشوفيني أني وكشتي أهزفي هالولد كأني بيت هزاز يصرخ ماتدرين هو بطنه هو ويش ،ينامون البيت ويقعدون وأني من حرتي أهاوش
المرقدوش خيوو مايفيد ولا ماي الحلوة بعد ،أقول باخذ ماي غريب ومتردده
من كم يوم بعد مزكم ووديته لساهرة ولا عطوني عن البطن شي
جربي في الليل سوي ليها مساج ،فصخيها وذهني جسمها بزيت زيتون كله ،وعوذيها
مرة قريت تقولين كأنه شي بيطلع مادري ويش قالت لش المراخه عن الرحم رجع لو لا
أني يألمني على صوب مثل الريح صايدتني ماأقدر أقعد ولاأمشي أصرخ ،وخايفة الوسواس ذابحني أقول يمكن الرحم مايل على صوب لو هابط واعدت مراختين ولا رحت من الضروف
ماعليش شر ،ردي روحي إمترخي وقولي للمراخه عن الرحم ووضعه أو إنتظري موعد الفحص في المستشفى وشوفي ويش يقولون ،؟أني موعدي إسبوع الياي وعلى الله
بنات البحررررررررررين وينكووووووم

[أحلام أم]

أم أحلى قمر
ماعليه شر حسون ،ودية المستشفى موزين الإسهال يسبب جفاف يمكن يعطونه أملاح تعويضية حطيهم له في 4 قواطي سفن أب بمقدار ضرف مسحوق الأملاح
شوفيه مو متعور بطنه ،أو يمكن تسنين الأسنان الخلفية ،إعطيه رهش يقولون زين للإسهال ،الله يخليه وماعليه شر وربي يعدل الأحوال
أشوفكم .....

[ام حسين الدار]

هلا بنات اخباركم؟؟؟؟
استغربت يوم شفت المنتدى فتاح بقيت اعيوني بق*_____________*
ليش بنات مااحد قال الي ان رجعوه
اني ابخير وتوي راجعه من المستشفى والحمدالله اطمنت على البيبي وكل شي ابخير
وعرفت شنو جنس البيبي
بس انتو وش تتوقعون؟؟؟؟\
انسوي احصات هع هع هع
اتمنى الجميع ابخير