ديوانية البحرين - دردشة حوامل البحرين - البحرينيات

[طفلي حياتي]

روز اني كانت وياي في الغرفه وحده استنكرت تقول جيبي برضعها لان ماتسكت ههههههههه قلت ليها لا شكرا ضكرتيني بهداك اليوم
تصبحون على خير

[om khalil]

ويش فيها فلونه؟؟؟؟؟؟؟؟؟؟
ياعليييييييييييييي يارب الطف بحالها وطمنا عليها يارب
عورني قلبي عليها يارب يارب يارب اشملها بلطفك ورحمتك يارب

[شمس الصباح]

صباح الخير عليكم بنات وعلى الكتاكيت لصغار

شخباركم ان شاء الله بخير اليوم ان شاء الله يكون يوم خيررر على الجميع

ولا بد ان تشرق الشمس وتغرد العصافير معلنه بداية حياة جديدة يملئها الحب والأمل والتفاؤل في حياة كريمة ويوم جميل لتنشري اشعة نورك يا شمس في حياة احبتي لتعلني لهم ان لا بد وان يأتي فجر جديد بحياة افضل

الله يفرج عن الجميع

[أحلام أم]

صبااااح الخير
ربي يأأأأجرنه ويأأأاجركم على تربية اليهال وسهرهم
أني هالأيام ضارب عرق الدراز فيي كل الضغوط متلايمه عليي ،صااايرة حريقة من العصبية ،حتى ريلي يقول لي صااايرة لاااااااااشة أقول له منك ومن ولادك خخخخ
عاد البارحة زاد ألم راسي دمااار ووصلت لحد أني أرجع من الألم وهنوووي محد له شربت 2 حبتين بندول وبعد مدة قصيرة شربت 2 بندول ويني مثل الهبوط وخفت حدي والريل نايم وأني في غفصتي وتالي تصورو حالي ربطت راسي بأي شي تحتي شفت خيط قماطة مفلوته ولوته على راسي وأربطة بقوة مأساة يادافع البلى ومافكني الألم إلا قريب الصبح

دخلت وتأملت خير وأشوف ردوود تبرد القلب ،لاكن تأتي الرياح بمالا تشتهي السفن ،ربي يردها الغالية أم نور وتبرد قلوبنه برد يطمنه على سلامتها
في أمان الله

[طفلي حياتي]

لا يابوي الحال مايبشر بخير اني توقعت ادخل القى رد ياعلي ارجوك ياربي ارجوك
اللهم اردد ام نوووووووووووووووووور ارجوك يارب العالمين

[الفتاة الذهبية]

فلونه
شفيها شنو قايله لكم ?

[أحلام أم]

هلاااا،بنات رجعت اليوم لكلام فلونة الغامض وإللي كتبته ،في وقت كانت موجودة كتبته وماكتبت غيرة وهي قاادرة توضح لينه بعض النقاط إللي تقدر عليها برد ثاني ،كلامها خلانه كلنه نضن بالضن إللي إنتشر بينه وخلانه نعيش على هاجس الخوووووف ،أعدت إقتباس كلماته وأحاول إني أحللها وحللوها ويايي

المشاركة الأصلية كتبت بواسطة فلونة

السلام عليكم .. شخباركم؟؟
متباركين بمولد سيدتي وسيدة نساء العالمين فاطمة الزهراء عليها السلام.. بنات ما ادري شنو اكتب وما عندي الكلمات الي تسعفني علشان اعبر لكم عن الي فيني بس ما اقدر اقول لكم الا اني امر في مشكلة كبيرررة جدن ما احد يعلم وين بتوديني الا الله سبحانه... هالمصيبة معشيتني في هم وقلق و نفسيتي تعباانة حتى بنتي ما لي مزاج لها .. ويمكن اليوم انا معاكم موجودة وباجر مادري شنو بيكون مصيري اتمنى من كل قلبي اكون متواصلة معاكم وتنحل هالأزمة الي اعيش فيها .. وانا كل خوفي على بنتي من عقبي مادري شبيصير لها :(.. ما كنت اتمنى ادش في هاليوم واقول لكم هالخبر بس الي شجعني انكم خواتي الي ماجفتهم و اكييد ما راح تنسوني من الدعاء في هذي الليلة ..:)
مصيري مجهوول و قلبي يحترق على ما تطلع الشمس باجر و يطلع القرار الي ما ادري وين بيوديني .. لكن ايماني برب العالمين ما بيخيبني و االلي الله كاتبه لي صلااح و خيرر و عسى ان تكرهوا شيئا و هو خيرا لكم ... امنياتي لكم بالتوفييق في حياااتكم و اتمنى ارجع لكم باجر بخبر يريحني و يفرحكم في وسط هالمزاحمات و الازمة و اذا ما رجعت لكم اذكروني بكل خير يا احلى خوات عشت وياهم لحظات حلووة و مررة و ذكريات ما اقدر انساها ...

سلامي للحاظرين والغايبين منكم و سامحوووني اذا غلطت في حق اي وحدة منكم يمكن الظروف تمنعني من التواصل معكم لكن بيظل حواسي وقلبي وياكم،، ويارب ارجع لكم و حق بنتي و بيتي و ما تحدني هالظروف القاسية و تبعدني ...:)

نسألكم الدعاااااااااااااااااااء

1-ليش قالت أتمنى أكون متواصله وياكم ،يعني هي تتمنى تكون ويانه على تواصل علشان نحل وياها الأزمة إللي تعيش فيها ،ليش ماقالت أتمنى تنحل هالأزمة ونرجع نتواصل
2-ويش هالقرار إللي تنتظره مع طلوع الشمس يعني مجرد طلوع الشمس ،يعني هي تنتظر قرار حسمي يصدر الصبح ،يعني الركن الأول لقصتها مفروغ منه ومانعرفه وتنتظر القرار النهائي
3-ويش هالخبر إللي بترجع به يريحها ويفرحنه يعني تنتظر خبر مفرح ونفس الوقت محزن ومصيري
4-ويش هالضروف إللي تمنعها من التواصل ويانه هل هي نفس ماضنينه فعلا أو شي أخر تكون فيه غير قادرة على التواصل

ياراد يوسف من مغيبة على يعقوب ومسكن نحيبة
كتبت بلون خطك يافلونة أخر سطر وأتمنى ترجعي بخبر يعيد هاللون

[الفتاة الذهبية]

هي كاتبه
مادري شبيصير في بنتي من عقبي وبعد كاتبه ان شاء ارجع لبيتي ولبنتي
معناته انا ما اقول اكيد بس يمكن تقصد هالناس الي ما عندهم ضمير ولا رحمه يا رب تفرج عن المؤمنين والله قهر حررام ليش يسون جذي
قهر قهر قهر ومن قلب
يا ربي وينك ظلمونا عذبونه و
ما قصروا

[حنين للماضي]

طول اليوم فكري وبالي عند فلونة
ياريت عندنا رقمها
المفروض عقب ما تهدأ الاوضاع ان شاءالله نجوف لنا يوم ونتجمع وكل وحدة تاخذ رقم الثانية
بصراحة اني عن نفسي تعودت عليكم واذا يمر يوم ما ادش اكلمكم احس شيء ناقصني
يااااااااااارب بحق محمد وآل محمد فرج عن كل مهموم وطمن قلوبنا على ام نور

[حنين للماضي]

توني انتبهت لتيكر
حبيب قلب الماما اليوم اكمل الرابع
ببدي ان شاءالله أأكله خلال هاليومين
قريت في اغلب المواقع ان الافضل نبدي معاهم برز الاطفال
احد يدري وين احصله يعني في الصيدلية لو البرادات؟؟
وشنو نصايحكم في اول الايام
الله يساعدني وان شاءالله يتقبل الاكل
هو الحليب الصناعي بزور يشربه وكلحين يطلع المرضعة ان شاءالله يكون خوش ولد ويعجبه الاكل