تجمع الكروشات اللي موعد ولادتهم شهر * رمضآآن * 1432

[أُمنية حامل]

المشاركة الأصلية كتبت بواسطة وفقني يارب

شسوي زوجي فاهم البر غلط لا امه ولو وش ماقالت مايقدر يقولها يمه انتي غلط
وانا مقدر اصبر ولا اتحمل

تدرين معه حق ويخاف من السوالف الي يسمعها واو يشوفها في المسلسلات
<<< مثل زوجي بالضبط

والحين صار مايفكر اني اكرهه بامه ليش؟؟

لاني ما اجيب طاريها بالمره
ثانيا انصحه واقوله روح سلم عليها وترا لها عليك حق
وبعد اذكره اني لي حق

[وفقني يارب]

امنيه لو اي موضوع ثاني اقول يمكن عادي والمفروض مازعل
بس هالموضوع والله مافي وحده تقدر تتحمله
انا ماضريتها بشي
موافقه اسمي بنتي عليها ودايم اسال واتطمن عليها وكنت اقول بسوي توزيعات فخمه لزوجي ولها ليه تسوي كذا؟؟
علشان مو هي الي اخترتني لولدها وعلشان تثبت لنفسها ان كلمتها تمشي على عيالها حتى بعد ماتزوجو وجابو عيال
والله يامنيه لو اني نجسه وقليله اصل معها كان مانقهرت وحسيت بظلم

[وفقني يارب]

ايووه جبتيها المسلسلات هو بعد يقولي هالكلام
مافكر ان فيه مسلسلات فيها امهات ازواج قويات ويظلمون حريم عيالهم
والله يامنيه ان الدنيا سوده حيييييييييييييييييييييل بعيني ولو ماتاثرت بنتي الحمدالله
وريحتيني لما قلتي استغلي انها اتهمتك بالسحر وادعي ان الله يكفيك شرها

[أُمنية حامل]

وفقني والله ادري انه موضوع يرفع ضغط كل الحريم

انتي هدي الموضوع الحين
حتى لو ضريتيها ولا سويتي بها شي كذا بعض الحريم مسوين فيها قويات ومشكلجيات هذي خلقتهم ماتدرين وش بلاهم

طنششششي طنششششي طنششششي
انتي قولي له كل ما في الامر انها ماتحبني وما تبيني عشانها ما اختارتني

وبسسسسس
وقفلي الموضوع
تراك حااااامل

[ام رتيل]

والله يا وفقني كلام امنيه صح لاتسمعي كلام الناس اللي تحب تخرب
حاولي انك تذكريه دايم بأمه حتى لوانت موطايقتيها واشتري لها اغراض واعطيها زوجك يهديها لها وكمان حسني علاااااااااااقتك مع زوجك الحين قبل مايرجع

[أُمنية حامل]

وفقني وانتي حطي نفسك مكانه ولا تعتبرين انك المسكينه المظلومه وبس

حتى هو الحين امه حشرته وحالته النفسيه زفت

وما يبي امه تزعل ولا يبيك تزعلين

ولا يدري وش يسوي

[وفقني يارب]

والله يابنات مو على كيفي ولا هو بيدي
طيب وش رايكم
اليوم الصبح اتصل وكنت مقفله جوالي ولما فتحته لقيت منه مكالمه قلت برجع اسكره يمكن يحس اني متضايقه ويقلق من غير ماتكلم بس خفت يتصل على امي ويجيب العيد يقولها كل شي لانه مايعرف يسكت وامي لو درت تقوم الدنيا ويمكن تغلط عليه بالكلام وانا مابي الموضوع يكبر
فاتصلت عليه الضحى قال ليه مقفله جوالك وش فيك قلت له ولا شي قال لا فيك والله تقولين قلت له ذاك الموضوع ماغيره وبكيييت قال مو خلاص حليناه ليه تفكرين فيه قلت له انا ماعاد اقدر انام ولا اجلس ولا اسولف ولا اتكلم مسيطر على تفكيري قال ريما خلاص انسي وسكري الموضوع الله يرحم والديك انا خفت عليك اقسم بالله اني تعبان اكثر منك وميت خووف عليك
قلت له ليه انت تسالني ولاتكلمت تسكتني ليه انت كذا قال ريما انتي تحسسيني اني خوان بكلامك خلاص بكلمك العصر انا تعبان الحين وقعد يتكلم عن مشاكل صايره عندهم
وش اسوي يابنات

[أُمنية حامل]

ترى هو صادق خلاص قفلي الموضوع

تكلمتوا ودرى انك متضايقه

وهو بعد متضايق

يابنت افتحي جوالك

وقولي له ودي انسى الموضوع وما ابي اسولف فيه

انتي اكيد مستحيل انك تنسين الكلام الي قالته وكل ماشفتيها بتذكرينه

بس الحين اذا اتصل عليك العصر لاتفتحين الموضوع بالمررررره

[وفقني يارب]

وشلون مافتح الموضوع بالمره وانا هالموضوع هو سبب تعبي وهو قال بيكلمني العصر
طيب لو ماتكلم انا كيف اكون معه طبيعيه؟
وفي ايش اتكلم معه؟

[أُمنية حامل]

لحظه وش تبين تقولين اذا فتحتي الموضوع
يعني في النهايه بتوصلين لحل
يعني انتي حاطه براسك نقاط بتقولينها؟؟؟؟ وش بتقولين

مو شكوى وانا تعبانه ومدري ايش

لا انا ابي اشوف ليه بتفتحينه تحسين انك بتستفيدين ؟؟؟؟؟؟؟؟