دردشة بنات فلسطين, دردشة حوامل فلسطين, تجمع بنات فلسطين

[إنبثاقة أمل]

صباح الخير

شو أخباركم

لولو كل عام وزوجك بخير

حيفا هذا السؤال زوجي تعقد منه اذا سالته بكرا شو أطبخ بزعل هههههههه

دودو يسعد صباحك وصباح النونو

[حيفا]

انبثاقه يسعد صباحك حبيبتي :)

انا لما بسألة بفيدني كثييييييييير بحيث يقلي شو ما بدك مرات بقلي مش جاي عبالي رز ، او لحمة وجاج ، فبحددلي خياراتي شوي بس دايما بخلي الخيار مفتوووح هههههههه

[إنبثاقة أمل]

وصباحك ياقلبي

هاي المشكله متل ما بدك اصعب جواب هههههههههه

يلا الله بعين

[حيفا]

ونعم بالله

انا ع كل حال صرت اقرر لحالي بدون ما اٍسال هههههه

بدي اعمل ، او بالاحرى جهزت السمكات البوري للشوي ، اول مرة بدي اطبخ هالنوع ، ما بعرف اذا زاكي اولا

[إنبثاقة أمل]

صحتين وعافيه مقدما ياقلبي

زوجي بعشق السمك بس انا مو كتير

بلكي طبخت اليوم فريكه

[حيفا]

صاحتين وعافيه عالفريكة

قال زوجي ما بعتبرها طبخه، هاي شوربة هههههههههه
السمك انا وزوجي بنحبه كتير
انا كنت ما احب السمك وما اقدر اكله يعني لعمر 18 ، بس مرة اكلته بيافا ، بمطعم العجوز والبحر وحبيته كتير من بعدها ، وعرفت انه ممكن السمك ينطبخ بطريقة زاكيه

[إنبثاقة أمل]

حاولت اني احبه السمك باي طريقه لانه مفيد كتير

بس سبحان الله مو كتير بتقبله

لا يختي يعتبروها شوربه والا بكيفهم الامهم انها طبخه وبتخلصنا شي يوم ههههههههههه

[~{{ DoDo }}~]

حيفا
البوري كتيييير طيب خصوصا مشوي
انشالله صحتين
انا اليوم كمان عاملة فيليه سمك مشوي

انبثاقة
يسعد صبااااااحك يا قمر
صحتين عالفريكة انا كتير بحبها
زوجي بيعتبرها برضو شوربة هههه
بس مرة اقنعته انه ماما كانت تحشيلنا الدجاج بالفريكة وكتير طيبة
قللي خلص جربيها ههههه

والله الطبخ حييييرة يا بنات

[إنبثاقة أمل]

اهلين دودو

ع قلبك حبيبتي

الفريكه فعلا مو بس شوربه كمان محاشي واحيانا بفلفلها متل الرز

وكتير طيبه

الطبخ عنا مو مشكله بس الاهم حدا يحكيلنا شو نطبخ كل يوم

[Heba T]

مسالخير

ع سيرة الطبخ ،، انا اليوم والله مش طابخة ، لما يجي زوجي بنقرر شو ناكل