【ツ】أحلى تجمع لأحلى حوامل التوائم 【ツ】 ‏الجزء الثالث

[أم القمرين]

عشمانه حمد لله على سلامتك و ربنا يباركلك فيهم و يرجعهملك بالسلامة

[قطرة ندى*]

الفراشة الجميلة الحمدلله على سلامتك وسلامة البيبيات
عشمانة الحمدلله على سلامتك وربي يحفظ لك البنوتات ويسلمهم من كل شر
وان شاء الله يطلعون بالسلامة وتفرحين فيهم وتشوفينهم عرايس
غرومة انا بخير والحمد لله انت شخبارك مع العيال باقي كم يوم وتطلعين من الأربعين
يا ترى وش سويتي عشان طلعتك
اليااااااه منورة التجمع والله شخبارك وشخبار عيالك والله يعينك عالدوام

[الياه]

كروشات حبيباتي

بعطيكم تقرير زيارتي للمستشفى أمس

سرت موعدي الساعة 8:30 ويلست اتريه ساعه
دخلت اول شي عشان الالترا ساوند
وطحت على ممرضه في حياتي ما شفت مثلها في الوغادة والكره كانت وياها ممرضه ثانية وكلهن فلبينيات
وتمن يهذربن بصوت عالي ومزعج
ويوم عرفت أنهم توينز حسيتها
تضايقت لأنه الشغل بيكون عندها دبل
وفديتني بس سألتها الراس تحت
لأنه من اسبوعين كنت مسوية صورة وكانت روسهم
كلها تحت، قالت: لا واحد فوق واحد تحت
خلي أنا يشوف أول بعدين يخبر
طبعا ما كنت قادرة أشوف شي لأنه الجهاز صوبها
تعبت وأنا منسدحه يلستي ما كانت مريحه
قلت لها برفع ريولي
عصبت وقالت كيف أنا يقدر يسوي صورة
وكل ما اسألها شي ترد علي وشوي بتصفعني
وتمت تفعص فيني وتتأفف أنها مب قادرة تصور
حسبي الله ونعم الوكيل فيها
على كثر ما دعيت مافاد وياها
ويوم طلبت منها تساعدني عشان أقوم
هبت فيني واحتشرت وقالت سوري ظهر مال أنا يعورني
والله كان خاطري أقوووم واصفعها على اسلوبها الخايس
بس استغفرت ربي وطلعت عنها
ويوم دخلت على الدكتورة أونها متخصصه في التوأم
والله لا يراويكم أياها مالها خاطر على أي شي
ولو أنتي ما استفسرت عن شي ما باخذ منها
لا حق ولا باطل
فأحسن شي الواحد يكون طبيب نفسه
فاجأتني وقالت ولادتج بتكون قيصري، قلت لها ليش
ومن اسبوعين كانت روسهم تحت!!!
قالت تغير مكانهم الأول مقعدي والثاني راسه تحت
وماشي غير قيصريه، دمعت عيوني لأني كنت شايفة ولادة
قيصرية قبل، ومن اللي شفته ماكملت الفيديو
وماياني رقاد بعد
قالت لي ليش تزعلين عادي، المفروض تستانسين لأنه كل شي عندج أوكي، بس مازال الدم عندي نازل 9.6 ولازم ازيده
قلت لها أنا عندي أمل أنه يتغير وضعهم
قالت لي 90% مابتغير لأنه المكان ضاق عليهم وصعبه حركتهم
بس رديت وقلت لها أملي في الله كبير
ومن كثر ماهي مب عارفة شغلها
عطتني موعد عقب شهر قلت لها احساسي بكون ربيت قبل هالتاريخ
عقب انتبهت أني في نهاية الأسبوع 32
وتعبت عمرها وخلت موعدي عقب 3 اسابيع
وحددت لي موعد العملية 6/6/2011
رجعت وأنا ضاااايق صدري
كل ولاداتي طبيعي، ومااريد اخاطر بالقيصري
خاصه أنه المستشفى الحكومي له سمعه حلوه
في مقولة معروفة عنه
اللي داخل مفقود والخارج مولود
بتقولون سيري غيره بس صعبه
مب كل المستشفيات اللي اعرفها فيها حضانات
ودكتورتي في الخاص نصحتني فيه عشان إذا احتاجوا
التوينز حضانه
الصراحه خايفه واااايد ما تخيلون شكثر
باجر بشوف دكتورتي في الخاص ، وإن شاءالله أطمني

ما تعرفون طريقة ممكن تغير وضعية الأجنة غير السجووود
بداوم على اللأطالة في السجود
بس إذا في طريقة ثانية طمنوني

ولا تنسوني من دعوة طيبة في ظهر الغيب

[الوان الحياة]

عشووووووووووووومة الف الف الف مبروووووووك
الله يطلعهم لكي بالسلااامة ويحفظهم لكي ياااارب
ويتربووووو بعزك وعز ابووووهم يااارب

[الوان الحياة]

اليااااااااااااه ياااقلبي عليكي يااارب يكتب لكي ولادة طبيعية وسهلة وميسرررة
الى اعررفه الحبي مثل البيبي وكل شي بقدرت ربك يصيررر
ادعي وكثري دعااااااء
اناااا وضع البيبيااات بالعرض وضاااق صدري من الشهر السااابع وهم كذاااا عندي امل ينقلبوون وتصير روووسهم تحت ودكتوورتي تقول كل مااكبروو ضاق المكان عليهم وصعب يتعدلووون املي بالله يتغيرووون
الله يكتب لي ولكي ولكل اخواااتي ولادة طبيعية سهلة

[الياه]

قطرة ندى

هلا والله ،النور نورج حبيبتي
ويسرج حال العيال والتوينز الحمد لله
وإن شاءالله ،الله يغير وضعهم ويكتب لي ولادة طبيعية

طمنينا عليج وشخبار الحمل وياج؟؟

سمحولي بطلع ريلي علي وصول
أشوفكم على خير باجر
لا تنسونا من دعواتكم

[noon2006]

عشمانة في ربنا

الف مبروووووك ولادتك وان شااااااااء الله تفرحين بطلعتهم معاك قريب

[pinkypinky]

السلام عليكم إشحالكم حبيبياتي
انشغلت والله بالعيال والحريبم
يائين رائحين
وولدي الكبير صائر يغار بشكل
فضيع يضرب مش قادر يتقبلهم
الله يعين ما أعرف
كيف أتعامل ويااه
محتاره قولولي اللي عندهم
فكره وأهل الخبره شو سويتوا ويا غيالكم
كيف تعاملتوا وياهم

[قطرة ندى*]

الياه الله يسهل عليك وتولدين طبيعي جربي تشغلين قرآن وتحطينه أسفل بطنك
يقولون الجنين يتجه صوب صوت القرآن والله يسهل عليك وتولدين طبيعي يارب
وانا بخير بس الوحام والترجيع مطفشيني والألتهاب تاعبني الحمدلله على كل حال
بنكي الله يعينك على غيرة ولدك بس حاولي ما تبعدينه عنك وضميه دايما قولي له
أنت حبيبي ومن هالكلام اللي يجيب الراس

[ماء زير]

الياه
اهلين منوره
اكيد انتي مثل البدر تطلين علينا بنورك
ياعمري تسلمين على الكلام العسل الي يطيب الخاطر
ماعليك من الفلبينيات كلهم كذا نفسهم شينه وانا مره دفتني عشان كنت ابسئل الدكتور اضربتني مع بطني وكان مع نزيف بالرابع
اهم شيء انك تطمنتي على وضعهم
اسجدي صلاه الاستخاره عشان ربي يختار لك الي فيه خيره لك ولاجنتك سواء قيصري او طبيعي
وبالنسبه عشان الراس ينزل انا سمعت انك تشغلين القران سواء بالجوال او المسجل عشان يسمع القران وينزل راسه
انا مثلك الي تحت مقعدي والي فوق معترض
وسالت الدكتوره عن ولادتي يمكن تكون طبيعي وانا مسويه عمليه من قبل قالت ممكن اذا كانت الروس تحت وقلت لها ابغى ابره الظهر قالت احنا نحرص نعطيها اذا كانت حامل بتوام ومن هذاك اليوم وانا ادعي ربي واستخير انه يكتب لي ولاجنتي الولاده الي فيها الخيره لي ولهم سواء قيصري او طبيعي بنج كامل او ابره الظهر والشهر واليوم
لا تنسين تطلعيني يا الحلوه في حوامل الشهر السابع
والله يعينك ويقويك على الجدول