دردشة حوامل أهل جدة - دردشة بنات جدة - تجمع حوامل مدينة جدة

وردة العمر · 08-01-2010, 10:24 PM

مساااااااااااااء الخيررررررررررات
كيفكم طيبين

امس رحت للمراجعه بس ماريحتني اقولها فيني الم تقول عشان البيبي ينزل باالحوض
واقولها فيني زي المويه تنزل ولاكشفت عليا من تحت

ابغى اعرف مو الوحده لمن تكون باالتاسع يكشفون من تحت عشان يشووفون الرحم مفتوح كم سانتي

دانتلا · 08-01-2010, 11:22 PM

سلام عليكم ..كيفكم في احد موجود ولا اروح انام ؟؟؟

دانتلا · 08-01-2010, 11:23 PM

ورده كيفك ؟؟الا اكيد لازم يعرفو عشان تقدر تحدد الولاده متى

وردة العمر · 08-01-2010, 11:27 PM

اهلين دانتلا انا بخير انتي كيفك

والله مرره مستغربه انها ماشافت مفتوح والا لا
تقول نخلص التاسع ونشووووف

ايش رايك

دانتلا · 08-01-2010, 11:35 PM

روحي لوحده تانيه عشان تشوف وتتطمني انتي..تصدقي اليوم رحت لدكتورتي لقيتها لسا ما رجعت من السفر الله يرجعها بالسلامه وانا ابغى اتطمن ع نفسي ورحت لمستوصف القدس وكشفت عند الدكتوره عبير مرررره ارتحت لها وطمنتني بس الاشعه التلفزيونيه عندهم ب 180 غااااليه بالمره وكمان طلبت انو زوجي يدخل ويشوف البيبي قالو لا ما يدخل استغربت منهم.

وردة العمر · 08-01-2010, 11:41 PM

والله ماني عارفه فين اروح بعد ماسافرت دكتورتي اتهجولت ورحت لهذي ثاني مراجعه عندها بس ماريحتني واتخيلي انا موعدي 6الاربع ودخلت اللي بعدنا واحنا جالسين مرره تقهر ومادخلت الا 8 ونص تقريبأ عشان تأخرنا ربه ساعه بس لطعتنا هذا كله والله ببكي من القهررر مرره مو وقته ماباقي شي وللحين ماني عارفه فين اروح
ودانتلا 180 اهون الاطباء 200 وشويه اغلى على ايه ماني عارفه

دانتلا · 08-01-2010, 11:45 PM

انا عند دكتورتي ادفع ميه بس ببدايه متابعه الحمل وبقيه الشهور ادفع بس الكشف

دانتلا · 08-01-2010, 11:45 PM

تصبحي ع خير زوجي جا

وردة العمر · 08-01-2010, 11:50 PM

وانتي من اهل الخير

Heba Habib · 08-02-2010, 12:27 AM

ورده كيفك و اخبارك :)
حبيبتي ليه مش تروحي لدكتورة تانيه و ثالثه علشان تطمني و تبدي ترتبي لولادتك لان خلاص تقريبا ما بقى شي على ولادتك
شوفي انا دكتورتي الصراحه جدا مريحه و تسمعك و تخليكي تحكي اللي في نفسك و تديكي وقتك (على الاقل ده رأيي انا) ليه مش تجربي تزوريها مره و تشوفي يمكن تظبط معاكي !!
يعني بحاول اساعدك باي شي :)
و تطمنيني على اخبارك