تجمع حوامل ليبيا

[ღॐ آية ღॐ]

اعطيني الطريقة ليبيا قلبي؟؟

[ام وسونة]

اني جييييييييييييييييييت وتوا خلي نحكيلكم عالعيد ميلاد ههههههههه

درنا شكلاتة وبعدها كيكة في الحوش ومعاها الخبز اللي درتها والله

مش شكرانية جن حاجة روووعة الناس كلها تسال من وين ولما عرفوا

بدوا يسالوا فيا كيف واعطينا طريقتها الحمدلله ربي سترني

وبعدها العشي 3سلطات سلط حمص بالطحينة وسلطة مشوية

في الفرن وسلطة بدنجان وبطاطا وخيار وكسبر وزيتون

وفقاع ودرة جو حاجة مش عادية ورز وشاورما وخبيز بالتن

وبيتزا وطاجين جبن وبعدها طفينا الشمعة ووزعنا عالصغار

اللالعاب البنات لعبتهم والولاد لعبتهم والنساوين تحف الحمدلله

جي حلو والناس كلهم عجبهم الحمدلله هدا بالتفصيل الممل

هههههههههههههههههه

[ღॐ آية ღॐ]

مشاء الله مشاء الله ام وسونة
سفهتيني . يسلمو ايدياتك وربي يعطيك صحيحتك
وعقبال عيد ميلاد الغالية وسونة ...
اهم شي هيجتي ووسعتي خاطرك

[ام وسونة]

وخيه ام روفيدة تسلمي يارب ويحفضلك وليد ويرزقك بالحمل

وخيه ايوتة كيف حالك وحال صغيويرتك

وخيه ميمونة حلو الفستان بس مازال في احلى واني عندي

هلباااااااااااااا تفصيلات حتعجبك صدق

وخيه ام ناريز ضروري تنزليلنا الطريقة بليز

وخيه يقين ووخيه عيون وينكم غياب ميراااااس اين انتي

وخيه تمورة والله مشغولين عليك حاولت نتصل بيك بس

ماباش يشدلي الخط ربي يجعل المانع خير

وخيه متفائلة حتى انتي سجلناك غيااااااااااااااااب وين هربتي

بالقصة وخشي قوليلنا شن صار مع الدكتورة

وخيه هاتو كيف حالك وحال عويلتك والنونو

ونبي نسال على وخيتنا ام سعد من عنده عليها معلومة

وخيه سالي ربي يرجعك لبيتك وانتي في احسن حال

وتشوفي صغارك وتفرحي بيهم بين ايديك يااااارب

وخيه ام اجنادين كيف حالك وبصدق اني نحب الصور زي ماهما

بدات متع العرس مانضيفش عليهم شئ الا ادا كان زدتهم كويلتي

[ام وسونة]

والله مالحقت نهيج تعرفي طلعنا من الحوش الساعة 6

وصلت 8 م الشوارع اللي مسكرات بسبب مشاكل الزنتان

والجيش الوطني ماعرفناش منين نطلعوا والله اليوم من الصبح

صوت الانفجارات وضرب الرصاص والله الاهم تخايلي الاسلحة

الثقيلة في الشارع واللي على ضهورهم الصواريخ والله

منظر مرعب الحق ماوصلت لين قريب متت من العاش

اللي حصلته تعرفي لومش اختي راهو رجعت لحوشي

مش لازمني المناسبات

[ام وسونة]

اللمة الشاهي اللوز اللوز اللوز
كسرلي حارة وزوز ...
.
.
ديري رغاوى وكشكشى ياطاسه ... وانت دواء للمريض براسه
ديري رغاوى وكشكشى بالهلبــه ... وانت دواء للمريض بقلبه
ديري رغاوى وكشكشى يامــــره ... وخلى غشاش القلب يطلع براه
ديري رغاوى كشكشى بالراحـــه ... وانت دواء للى كاترات اجراحه
وين ماعلى اتغيب نطلع بـــــــــره ... يروق خاطرى نشرب طاسه مره.
.
.
هي تفضلو تويسطة الشاهي علي كيف كيفها
وتعالوا نسهروا مع بعض شوية ...
.....لاننا تغيرنا....

[ام وسونة]

تعريفــــــــــــــــات

المزيــــــــــــــــــــن

وهو مكان تتمني معظم النساوين ان يمشوله في كل عرس وفي كل مناسبة وفي كل طلعة..ويتميز باسعاره الخيالية المبالغ فيها واللي تعتبرفي الغالب ضحك على الذقون..وتتعرض فيه النساوين لشتي انواع التعذيب والتشحيط..ففيه يتم الحرق والتنتيف والجبد والترييش والتلوين ..واليه تدخل القريدة على اساس تبي تولي وريدة وفي اغلب الاحيان تطلع منه غويلة..وقد يؤثر المزين ايضا حتي في حياة الرجال..فمن اجله تقوم العديد من النساء بافتعال دعكة عند كل مناسبة للحصول على تفتوفة باهية من الزوج المسكين لصرفها في ذلك المكان اقتداءا بفلانة وعلانة اللي في كل عرس يطلعو من المزين..وقدام بابه يتشحط الراجل بالساعات وهو يراجي في الغزالة تطلع منه..وفي المزين تسمع اغرب القصص والمشاكل من افواه النساء..وفيه احيانا تتكون الصداقات وقد تكسب المرأة فيه حتي عداوات..
اسعار المزين
سشوار : من 10 واركب فوق حسب طول الشعر
تسريحة : اقل حاجة 35 وتوصل في بعض المزينات الي 120
المكياج : اقل حاجة 25 ( عيون بس) وتوصل 250
الميش والصبغة : اقل حاجة 60 ويوصل لمبالغ خيالية حسب طول الشعر
وفي حالة العرايس كل شي اضعاف ..

المصدر : حملة ( فوتوه لين يرخصوه ) لمحاربة النار الشايطة في اسعار المزينات

[ღॐ آية ღॐ]

الحمد لله على سلامتكم
بس وين الرصاص ؟؟انا غدوة طالعة لوسط البلاد
بنمشي لمحمد المقريف بندير نظرات طبية ؟؟
وبنمر على قرقارش زعما الطريق امان؟؟

[ام وسونة]

هادي الدوة في طريق المطار مسكرة وخلة الفرجان قدام

معسكر اليرموك زحممممممممممممممممممة هلبااااااااا

والزحمة واصلة لحي دمشق تصوري

[ღॐ آية ღॐ]

اوووووووف اوووووف ومعسكر اليرموك شن فية !!
توار في بعض ولا شنو عندنا عويلة غادي في خلة الفرجان ؟؟