دردشة بنات فلسطين, دردشة حوامل فلسطين, تجمع بنات فلسطين

~{{ DoDo }}~ · 12-31-2012, 06:16 PM

مسا الخيييييير انبثاقة واحساس

والله شكلهم البنات اليوم عاملين سبات شتوي

اما قاعدة عالنت وبقرا عن المشدات بعد الولادة

استعملتيه لما ولدتي احساس ؟

عسولة فلسطين · 12-31-2012, 06:24 PM

مسا الخير لعيونكم
وكل عام وانتم بالف خير زايدين مش ناقصين يارب العالمين
وربنا يحقق لكم كل شي حلو بتتمنوه يارب

ميسا تتربى بعزكم ما شاء الله عنها زي العسل الله يحميها

عيون ..... ياااااااالله قديه وجعني قلبي يارب وبس الحمدلله انهم شفعاء لنا بالجنة

احساس والله انا ما بحتفل براس السنة بس مش عارفة ليش جاي عبالي اطلع يمكن لأني متضايقة
يللا بعرفك من ابو الزوز ههههه

غُمُوض أُنثَى · 12-31-2012, 06:48 PM

يا الله يا بنات مالكو عاملين جو مأسآوي هوووون

كنت احكي عن حالي اني اكتئبت بعد ما نزل البيبي بس انا اهوووون بكتير لانه كان باخر الشهر التاني

بس انتو بجد عانيتو كتير .. الحمدلله ع كل حال

هبة , لفائف الباذنجان عملتها قبل يومين كتييييير طيبة وعجبت الكل
وبعدين شكلها حِلو صحة وهنا يا حلوة

حيفا ودودو وانبثآقة واحساس منورين يا بنوتات ..

احنا يمكن نطلع نتفرج ع اجواء الاحتفالات هون يمكككككن ازا ما كنت تعبانة يعني لانه الي من مبارح بطني بوجعني

ع فكرة يا بنات بابا يوم الجمعة جاي ع تونس ^^ طلعت الفيزا

غُمُوض أُنثَى · 12-31-2012, 06:56 PM

عسولة انتي موجودة .. شو اخبارك ياحلوة

كل عام وانتم بخير وسنة سعيدة علينا وعليكو يارب

~{{ DoDo }}~ · 12-31-2012, 06:57 PM

غموض

انشالله بتنبسطي مع ابوكي حبيبتي
كتيييير حلو الاهل يزورونا بالغربة
انشالله بتقضى وقت حلو
وبتكون سنة خير وسعيدة عليكي وعالجميع يا رب

~{{ DoDo }}~ · 12-31-2012, 06:58 PM

عسولة

كل عام وانتي بخير يا قلبي
انشالله تكون سنة خير عليكي ياارب

إنبثاقة أمل · 12-31-2012, 07:18 PM

نورتو غموض وعسوله ودودو

ان شاء الله يوصلك بالسلامه والدك غموض

ويارب تقضو وقت كتير حلو

متل ما حكت دودو عن جد حلو الاهل يزورو بناتهم بالغربه

الله يعين ع هالغربه

احساس أنثى · 12-31-2012, 07:20 PM

مسا الخيييييييير
دودو استعملت المشد شي يونين وتعبت منو مااتخملتو ولحالو راح بطني

حيفا نسيت اقلك عيد زواج سعيد مقدما

غموووووض فرحتيني كتييير يالله ان شالله تقضو سوا ايام حلوه بهالسنه الجديد

واحلا مسا لكل الصبايا

احساس أنثى · 12-31-2012, 07:24 PM

عسوله مش غلط اطلعي وشوفي الدنيا انا متوقعه بكره حيكون يوم فير شكل عشان اجازه وراس السنه وانطلاقة فتح

جارة القمر · 12-31-2012, 07:52 PM

يسعد مسااااااااااكم

الله يعوضكم بنااااات عن اللي فقدتوا فعلا مشاعر صعبة ان شالله بيمزان حسناتكم

حيفااااا ::

انا وزوجي طالعين على بيت لحم مووووو لنحتفل بس لحتى اتفرج على الاجواء ومو الساعة 12 انا ما بتحمل السهر
رح نطلع بعد 8 ........

-----------

ههههههههههههه بنات بضحك على ضحك زيد عمالي بكتب على اللابتوب وهو بيحضني بيشوف اصابعي بتحركوووو
وصوت الكبسات .........وهو ..بيضحك باعلى صوته ..عليهم وبحاول يمسك اصبعي ............

-------------

اليومك كان عنا يوم دراسي عن حالات الطوارئ سواء كواااااارث طبيعية او حروب لا سمح الله لكيف ممكن نهيء السكان

و نطلع باقل عدد خساااائر ..... والمشكلة انه كانو يحكو عن ملاجئ وهالقصص اللي نحن بفتقر الها
ومدارس حديثة ........بس المظفين ما قصرووووو بالنقد على البنية التحتيه السيئة اللي بالقدس وحولها ....

------------

غموض:::

مبروك الفيزا للوالد فرحتلك والله ..........

------------
احساس:::

خلص عوضي طلعتك لليله ............

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة بنات مصر , دردشة حوامل مصر , تجمع بنات مصر	سماسم	إستفسارات حوامل من الشهر السابع إلى الشهر التاسع	15243	06-15-2013 02:43 AM
دردشة بنات مصر , دردشة حوامل مصر , تجمع بنات مصر	سماسم	إستفسارات حوامل من الشهر السابع إلى الشهر التاسع	32704	01-02-2012 10:16 PM
دردشة حوامل اهل فلسطين الغاليات ^_^	* ام لؤي *	إستفسارات حوامل من الشهر السابع إلى الشهر التاسع	2433	01-02-2012 09:14 PM
دردشة حوامل أهل جدة - دردشة بنات جدة - تجمع حوامل مدينة جدة	LOOLOO	إستفسارات حوامل من الشهر السابع إلى الشهر التاسع	6422	01-02-2012 07:40 PM
بنات فلسطين الغاليه..كيف تعيشون؟؟	دلع	منتدى الحياة الأسرية والزوجية	18	07-17-2010 05:18 AM