دردشة بنات فلسطين, دردشة حوامل فلسطين, تجمع بنات فلسطين

[maisa odeh]

المشاركة الأصلية كتبت بواسطة عيـ‘ـون المهـ‘ـا

~مِيْسُوْ~
عاادي بعد الولاده كل ست إلا ما تمر عليها هاي الفتره
بتكون بهالفتره مش مستقره نفسيا و تغير هرمونات
و بيبي جديد و مسؤوليات و ما شاء الله هلآ العيله
بتكبر اكتر و اكيد الام بدها تشيل الاهم الاكبر
بالرعايه فأهم شي انك تطولي بالك و ما شاء الله اولادك
اسم الله عليهم كبار و بتعتمدي عليهم شوي و الاهم انهم
يسمعو الكلمه لحتى ما يضغطوكي اكتر
و المساعده مهمه بهالفتره متل امك او اختك و زوجك
هو الدعم الاساسي يعني بوسه لمارياااا و الك اكيد
بتروقي هههههه يعني الزوج لمى بشيل المسؤوليه
مع مرتو كل شي بهون
و ملك اكيد شوي شوي بتتئبل الوضع الجديد
خصوصا اذا كنتو كتير مدلعينها و هي حاسه انو خلص في بيبي جديد واخد مكانها و بتشوف انو كل وئتك مع البيبي و لهيك ضلك احكي معها
شو يا ماما بتحبي البيبي شو بدك تشتريلو بوسيها لماريا
ماريا كتير بتحبك و هيك كلام لحتى تحس انك
لسى مهتمه فيها
و ان شاء الله بسرعه تحبها لماريا و تتأقلم على وجودها
~إحْسَاسْ~
هلآ عندي الساعه 8:13

اها والله انك صادئه هيك عم يسير معي
وعم احاول اتماسك بس بسرعه بعصب ولادي كتيررررررررررررر مبسوطين بسكنتنا الجديده والحاره كتيرررررررررررررر هاديه والاولاد بلعبو مع ولاد الجيران ائبالي
وموضوع ملك بالزبط متل ما بتحكي انا كنت كتير مدلعها وابوها نفس الشي وانا مش مخليها تحس بوجود ماريا كتير
يعني والله كلشي ل ماريا عم اخليها تشاركها فيه
وابوها اليوم جابلها لعبه وحكالها هادي من ماريا

[احساس أنثى]

لا تخافي ميسووووو مسيطره ع الوضع تمام :)

يالله تصبحو ع خير

[~{{ DoDo }}~]

صباااااح الفل

هاد انتوا رجعتوا بعد ما رحت انا هههههه
احساس وعيون المها وميسااا ومسك
الحمدلله رجعت نمتلي شوي بعد ما تركتكم
انا عارفة الله بيعين

ميسا

والله يا عمري وانا تشرفت اكتر ولا يهمك
الله يعينك على مسوؤلياتك انتم السابقون ونحن اللاحقون هههه
بوسة لماريا الله يحميها

عيون المها

ولا يهمك بالعكس انتي فضفضتي
والحمدلله انك متقبلة ومحتسبة عند رب العالمين
ككان بوساتي للانا واسيل وادوووم العسل

مسك

ما تقلقي حبيبتي انشالله بتتطمني يارب
وهاي احساس كمان طمنتك
الله يحميلكم ولادكم ياااارب ويبعد عنهم كل شر

احساس

يعجبني المسيطر عالوضع تمام
ههههههه بوساتي لزوزو ؛)

باقي الصبايا يسعد صباااحكم

Happy New Year عليكم جميعا وانشالله بتكون سنة
خير وحب وسعادة رضا عليكم وعلى عائلاتكم يااارب

[حيفا]

صباح الخير حبيباتي

كيفكم ، شو اخباركم ؟؟

حبيباتي عيون وعسولة ، ربي يعوض عليكم في اللي فقدوتهم ، وان شاء الله شفعاء الكم بالجنه :)
والله دمعت وانا اقرأ بقصصكم كمان مرة :( ، انا مش متخيلة هالشعور لانه ما حدا بحس فيه قد اللي جربه ، انا مجرد ما افكر اني احتمال ما احمل وما يصير عندي بيبي ، بحس قلبي وقف ، وبحس الحياة اسودت ، كيف انتو جملتو وحسيتو بحركتهم ، وشفتوهم ، وبعدين راحو :( ربي يصبركم وينعم عليكم بالنسيان في هالناحيه ، وماتتذكرو الا الاشياء الحلوة بهالتجربة :)

بدو الناس كل ما يشوفوني زعلانه ، يسألوني اذا بسبب الحمل ، والله بحس من نظرات الناس اني صارلي 10 سنين متزوجه وما عندي اولاد ، بيلاقوني بنات بعرفهم بالشارع بيسألوني عندك اولاد ، بقلهم لاء ، بيبدو يواسو فيي !! ، تعبت من شفقة الناس كأني شكيت لحدا !!

يلا ان شاء الله ربي بينعم علي بالحمل انا وكل منظره ، عسولة وغموض وانبثاقه
وبنخلص من الناس وحكيهم :)



المهم شو طابخين ؟

[Heba T]

حيفاااا ،، صباحوووو

شو اخبارك .. انا اليوم بدي اعمل بتنجان بس بغير بالطريقة انو اعملو لفائف و فيها لحمة مفرومة

[Heba T]

نسيت اسألك ،، انت شو ناوية تعملي غدا ؟

[حيفا]

اهلا هبووش صباحو فل
، انا بخير من الله الحمد لله :)

مممممم شكلو طيب بس كيف بتعمليه يعني بتقليه او شوي ؟؟

انا مش عارفه شو بدي اطبخ ههههههههه

[Heba T]

بقليه بالاول وبعرين بحط فيه اللحمة المفرومة بعد ما اقليها ، و بعدين بلفهم و بحطهم بالبايركس و فوقهم صلصة بندورة فيها ثوم و فلفل اسمر و ملح .. و بحطهم عالنار يستوو

[حيفا]

كل عام وانتم بخير :)

بتحتفلو براس السنة ؟؟

[حيفا]

ممممممممم اول مرة بسمع فيه ، بلكي جربته عندي باتنجانه وحده بتنفع اه صح وما عندي لحمة مفرومة ههههههههه
والله الطبيخ شي بغلب