دردشة بنات فلسطين, دردشة حوامل فلسطين, تجمع بنات فلسطين

[maisa odeh]

المشاركة الأصلية كتبت بواسطة عيـ‘ـون المهـ‘ـا

يالله يا عسوله ئديه شاعره فيكي كتير صعبه
اسيل و لانا بحكولي ماما جيبي كمان بيبي عشان ياسمينا
خصوصا اسيل هي اللي سميت ياسمينا
و ئديه بتملكني الحزن و بئول نعمه من الله
خايفه يسير لا قدر الله متل ياسمين
انا و زوجي بكينا بحرقه على ياسمينا ~ باليوم اللي قبل ما تندفن فيه ياسمينا حكالي زوجي خلص ما راح اجيب ياسمينا على البيت بدي اروح انا و الشيخ و صحابي من المسجد الى مكان الدفن خاف علي زوجي من كتر ما كانت نفسيتي تعبانه
حكيتلو لآ بدي احملها و اضمها و يومها شوبكيت و مسكتها و ما بدي اتركها بحكي لزوجي خليها عندي
بتعرفي إني لهلآ ما بئدر افتح ظرف الصور تبع ياسمينا
او شكل بصمة اليد اللي عملها المستشفى الها من زجاج
جد ئد ما يئول الواحد إلا يضل يتزكر خصوصا انا لآنو ادم احد التوأم و بضل كل يوم اتزكر لانو ادم ربي يحفظه يوم عن يوم بكبر ئدامنا و بضل اقول لو ياسمين كان هي هلا هيك
و كل ما اشتري شي لادم بضل بئول لو ياسمين كان نفس الشي ........
و ان شاء الله ربي يجعلهم شفعاء النا
و اسفه كتير اني كتبت عن ياسمين بس لاني حسيت بشي بقلبي زكرني فيها

حبيبتي يا عمري يا عيون المها والله انا حاسه فيكي قسما بالله
يا روحي طوي بالك واحتسبيها عند ربنا

انا نزلت وكانت البيبيه خمس شهور وما شفتها والله
وما عاشت ببطني متلك
ومع هيك والله العزيم لما ولددت ماريا والله اجت ببالي وصرت ازكر جوزي فيها
واحكيوله صح يمكن ماريا بتشبه مريم وحكالي اها متلها لانه هوه شافها
ربنا عطاني بدالها ومع هيك والله انه بحكي يا ريت كانت موجوده
ربنا يصبرك ويصبر عسووووووووووووووله ويجعلها طيور النا بالجنه

[عيـ‘ـون المهـ‘ـا]

~إحْسَاسْ~
تسلمي حبيبتي و الحمد لله دائما كل ما اطلع بوجه ادم
اكيد بحكي اللهم لك الحمد كما ينبغي لجلال وجهك و عظيم سلطانك
و لمى بشوف لانا و اسيل حولي الله يخليلك زياااد و تفرحي فيه
و يعطيكي معاه كمان و لكل مشتهي
؛×؛×؛×

[عيـ‘ـون المهـ‘ـا]

~مَيْسَاْ~
الحمد لله ربنا اعطاكِ احلى ماريااا الله يحفظها الكم
اكيد كل شي مقدر عند الله
ياسمينا عاشت 9 شهور بالرحم و كانت حركتها قويه
ما شاء الله و وجها متل القمر لهيك كل ما اتزكرها
كتير بحزن و الحمد لله
المهم حبيبتي كيف ماريااااا و ان شاء الله مو مغلبتك

[maisa odeh]

حبيبتي طولي بالك والله انا حاسه فيكي بجد وربنا يعوضك بدالها
وربنا يعطيكي بدالها يا رب
انا الحمدلله اموري كلها تمام
بس شوي عم اعصب وع كلشي وكتير مدايئه من الشي هاد
بحبش اكون متوتره وعصبيه ع كلشي
والله وغير موضوع بنتي ملك الغيرانه والله ما بعرف شو اعلمملها والله

[احساس أنثى]

خلص صبايا مالكم والله تدايقت ع هواكم

عيون المها كم الساعه عندك

ميسو ماريا نايمه ؟!

[maisa odeh]

اها نايمه يا عمري عائله مش كتير مغلبيتيني الله يرضى عليها
وما تزعلي حبيبتي احساس هيه مجرد شكوى والواحد والله ما بنسى الي اله ربنا ما بدوئك الشي هاد
انتي طمنيني كيف زيوده
واجتك الدوره ولا رايحه مع الحليب

[احساس أنثى]

نوم الهنا الها ربي يخليلك ياها

هيو صاحي زيدون شكلو بحب السهر / لا الدوره اجتني كل شهر بشهرو

[maisa odeh]

اها انتبهي معناتو ل يسير حمل ازا ما بدك تحملي دغري

[عيـ‘ـون المهـ‘ـا]

~مِيْسُوْ~
عاادي بعد الولاده كل ست إلا ما تمر عليها هاي الفتره
بتكون بهالفتره مش مستقره نفسيا و تغير هرمونات
و بيبي جديد و مسؤوليات و ما شاء الله هلآ العيله
بتكبر اكتر و اكيد الام بدها تشيل الاهم الاكبر
بالرعايه فأهم شي انك تطولي بالك و ما شاء الله اولادك
اسم الله عليهم كبار و بتعتمدي عليهم شوي و الاهم انهم
يسمعو الكلمه لحتى ما يضغطوكي اكتر
و المساعده مهمه بهالفتره متل امك او اختك و زوجك
هو الدعم الاساسي يعني بوسه لمارياااا و الك اكيد
بتروقي هههههه يعني الزوج لمى بشيل المسؤوليه
مع مرتو كل شي بهون
و ملك اكيد شوي شوي بتتئبل الوضع الجديد
خصوصا اذا كنتو كتير مدلعينها و هي حاسه انو خلص في بيبي جديد واخد مكانها و بتشوف انو كل وئتك مع البيبي و لهيك ضلك احكي معها
شو يا ماما بتحبي البيبي شو بدك تشتريلو بوسيها لماريا
ماريا كتير بتحبك و هيك كلام لحتى تحس انك
لسى مهتمه فيها
و ان شاء الله بسرعه تحبها لماريا و تتأقلم على وجودها
~إحْسَاسْ~
هلآ عندي الساعه 8:13

[maisa odeh]