دردشة بنات فلسطين, دردشة حوامل فلسطين, تجمع بنات فلسطين

[عيـ‘ـون المهـ‘ـا]

المشاركة الأصلية كتبت بواسطة عسولة فلسطين

ام عمرو
مابعرف أنا كل فترة والتانية بحس جرحي بيفتح تاني
قد ما بحاول أكابر وأقول نسيت بلاقي حالي لسه ما نسيت
وكتير خايفة من ايش مابعرف

يالله يا عسوله ئديه شاعره فيكي كتير صعبه
اسيل و لانا بحكولي ماما جيبي كمان بيبي عشان ياسمينا
خصوصا اسيل هي اللي سميت ياسمينا
و ئديه بتملكني الحزن و بئول نعمه من الله
خايفه يسير لا قدر الله متل ياسمين
انا و زوجي بكينا بحرقه على ياسمينا ~ باليوم اللي قبل ما تندفن فيه ياسمينا حكالي زوجي خلص ما راح اجيب ياسمينا على البيت بدي اروح انا و الشيخ و صحابي من المسجد الى مكان الدفن خاف علي زوجي من كتر ما كانت نفسيتي تعبانه
حكيتلو لآ بدي احملها و اضمها و يومها شوبكيت و مسكتها و ما بدي اتركها بحكي لزوجي خليها عندي
بتعرفي إني لهلآ ما بئدر افتح ظرف الصور تبع ياسمينا
او شكل بصمة اليد اللي عملها المستشفى الها من زجاج
جد ئد ما يئول الواحد إلا يضل يتزكر خصوصا انا لآنو ادم احد التوأم و بضل كل يوم اتزكر لانو ادم ربي يحفظه يوم عن يوم بكبر ئدامنا و بضل اقول لو ياسمين كان هي هلا هيك
و كل ما اشتري شي لادم بضل بئول لو ياسمين كان نفس الشي ........
و ان شاء الله ربي يجعلهم شفعاء النا
و اسفه كتير اني كتبت عن ياسمين بس لاني حسيت بشي بقلبي زكرني فيها

[عيـ‘ـون المهـ‘ـا]

المشاركة الأصلية كتبت بواسطة احساس أنثى

ام عمر

انا جوزي عبد الرحمن
واسلافي ( احمد ومحمد وعبد الله ويوسف وعمر ) عمي مسمي ع اسماء الرسول
وان شالله تجيبي قدهم واكتر يارب

الله يخليهم يااارب و يفرح فيهم عمّك
انا اخواني كمان ابوي سماهم على اسماء الرسول
احمد ,محمد, محمود,
و امي سمت التنين الصغار
نور الدين ’ ايمن

[عيـ‘ـون المهـ‘ـا]

~ أُمْ جُوْدِيْ ~
يسعـــد مســــاكٍ
اكيــد هلآ مشغوله بتحضيراتك للامتحانات
موفقــــه بالنجاح
و ان شاء الله تحملي الشهاده العليااا
طمنينااا عنك و عن حمودي [:

[~{{ DoDo }}~]

مش عارفة انام رجلي بيوجعوني :((((
والله ميتة نعس

لولو
اه مش موجود هون بالامارات الجزر هاد
هو معروف بغزة كتير بيعملوه محشي وبيعملوا شوربه من اللب تبعه بتكون حامضة وكتييير طيبة

بنات انا ان شاء الله لو ولد رح نسمي عمر كمان قررنا

ربنا يتمم للجميع على خير

عيون المها
يا الله والله وجعتيلي قلبي
انشالله ياااارب بتشفعلكم ياسمينا يوم القيامة
وربنا يعوضك بكل خير يااارب انتي وعسولة
ما بتعرفي ربنا اله حكمته يمكن لو ضلت عايشة كان هلا مريضة او فيها شي
ربنا يخليلك ادم واسيل ولانا وتفرحي فيهم يااارب ويعوضك كل خير

[~{{ DoDo }}~]

ما حدا سهران يسليني :((

[~{{ DoDo }}~]

بما انه ما في حدا هون
بدي اقوم واجرب انام يارب اناااااام :(

[مسك السنين]

بنات بتعرفووو اليوم وانا بغير لوليد البامبرز الله يعزكم
لقيت عنده بالخصيتين بروز داخلي متل حبة الفول الصغيرة

المهم برج من عقلي وطار

دغري حملته ورحت ع دكتورته هيا روسية
عملتلي تجويلة ع الشفا ع العيادة الخارجية

رحت كشف عليه الدكتور
قالي طبيعي جدا هدا من الحمل والولادة كل الاطفال ممكن يحصل معهم

بس اللي لفت نظري انو هدا الاشي مابوجعو خالص
قالي هدا كيس ميا صغير بيروح مع المدة ولو ماراح بعد سنة بنشيلو

وكتبلي ع مراجعة كل شهرين وقالي الامر بسيط جدا

بس انا زعلت وتنكدت وخفت بس لما شفت الامر ممكن يهون وكلتها لربنا

ابن عمي هلا قدي عامل هاي العملية مالها اي اضرار وكمان في طفل هلا متل وليد عمره 4 شهور نفس الحالة بنتظره يروح
ويااااااااارب يروح بدون عملية

[عيـ‘ـون المهـ‘ـا]

دوْدوْ
حبيبتي تسلمي ربي يتمم الك حملك على خير
و تفرحي و تقري عيونك بعمر سليم معافى
على ئد ما انا حزينه على ياسمينا على ئد ما فرحانه لانو ربي ادخّر لي
للاخره شفيعه بإذنه و اعطاني للدنيا احلى ادم يجعله من عباده الصالحين و لانا و اسيل
اسفه حبيبتي ما حبيت ادايئكم بقصتي بس حبيت اواسي عسوله
و انو بالفعل اللي بفئد قطعه منو مش ممكن ينساه بس ربنا بكرمه
بعوضه و ما حرمنا إلا ليتفضل علينا [:

يالله احـــــــــــلام ورديــــه و ان شاء الله تعرفي تنامي بهدوء

[احساس أنثى]

صباح الخييييير
عيون المها وجعتيلي قلبي لاتقولي لو ياسمينا عايشه ربنا رايد هيك والله والله ربنا بكون دايما مقدر شي افضل واحسن واحنا مابنعرف - سبحان الله شوفي حكمتو خلالك ادومي ربي يحفظو ولد يعني مع لانا واسيل يعني اخف الوجع / قولي الحمد لله وربنا يعطيهم لكل مشتهي يارب

دودو سلامتك تعالي انا هون ابو الزوز مش منيمني

مسك لاتخافي سار مع زوزو نفس الشي وشرت اعيط تفاجأت كتير وخفت اكتر حكالي برضو كيس ميه وبيروح وحتلو حاسه القل يلي جوا الخصيتين مش باين حكالي بعد سنه ببين اذا موجودات او لا اما هلا مابنحكم عليه عشان صغير وان شاللع مافي شي

[maisa odeh]

هلا دودو منوره بينا والله انا ما تعرفت عليكي سامحيني بس كل ما بدخل وبدي اتعرف ع الكل الي جديد هون بنشغل ولا انا بجد بتشرف بمعرفتك ومعرفه الجداد هوووون