دردشة بنات ليبيا , دردشة حوامل ليبيا , تجمع بنات ليبيا

[تمر حنة]

ليا ساعة ندوي بروحي ما فيش حد خذي بخاطري ودخل



بالله نمشي نقرا كلمتين .. عليك هم جبته لعمري

[ميرنا]

المشاركة الأصلية كتبت بواسطة تمر حنة

ميرنا شنو عموري! ... عمّار وإلا عمر وإلا عامر وإلا معمر هههه

تمر حنة ...... عمورى .. عمر .. ربى يحفظه اما معمر اعوذ بالله ايش خطره ههههههههههه

[ميرنا]

المشاركة الأصلية كتبت بواسطة hatoo

اهلين تموره كيف حالك وين هالغيبه والله فرحت لما شفتك انا الحمدلله جبت يوم عيد الطفل جبت وليد سميته محمد , انتي شنو اخبارك ومبروك النجاح ,واهلين ميرنا كيف حالك وكيف حال عموري بدأ يزحف ولا لا وحامل ولا لا ؟؟شويه قصقصة وكيف حال ام قصي وينها مغطسه؟؟؟؟؟؟ وكيف حالك باام رغوده

يامرحبتين بام حمادى نورتى وانستى توة اتصلت بى ام اسيل اتسلم عليك واجد .. عمورى مازل عمره 6شهور وفطمتها علشن نحمل ... وام ام قصى علمى علمك غيرت تليفونى رقمها راح منى

[hatoo]

المشاركة الأصلية كتبت بواسطة ميرنا

يامرحبتين بام حمادى نورتى وانستى توة اتصلت بى ام اسيل اتسلم عليك واجد .. عمورى مازل عمره 6شهور وفطمتها علشن نحمل ... وام ام قصى علمى علمك غيرت تليفونى رقمها راح منى

سلمك وسلمها سلميلي عليها واجد ووينها معش تخش وان شاء الله ربي يكتبلك الحمل وتخاوي عمري بخيه او خي ولا تؤام احسن ان شاء الله , وان شاء الله يكون مانع ام قصي خير

[hatoo]

المشاركة الأصلية كتبت بواسطة تمر حنة

هاتــــــــو الف مبروك عليكم الوليد وربي يباركلكم فيه ويحفظه ويجعله من حفظة كتابه ويرزقكم بِرّه اللهم آمين

الله يبارك فيك تموره والعقبه لك ان شاء الله نفرحوا بيك عن قريب يارب

[hatoo]

المشاركة الأصلية كتبت بواسطة عيون زوجي

يا سيدي بن سيدي: زوزي امس خلي ندلعه ونقوووول شنبيري الغالي ماشاءاله لاقوة الابالله اعليه رفعني العشيه لكافي شوب في قرقارش اسمه فيراندا خذينا كابتشينو بالكراميل وكيكات وعصير طبيعي وادهورنا في نفس الشارع وشريت للصغار حوايج من محل بيبي شوب وبعدها قعمزنا قدام السرايا الحمرا تمشينا حرقنا ما كلينا وبنتي بدت تعيط تبي الحمام حاشاكم مشينا بيها لسوق الثلات للحمامات وبالمرة خذيت من محل العطريه وشق وبخووور خليجي وريحة جادور مش اصليه متاع يلي يعبوا فيهم وقتي وبعدها مشينا لمطعم البيت بيتك في النوفليين تعشينا عشاء تركيش وروحنا والمفاجاءة الكبرى انه جابلي خاتم ذهب خليجي ايهبل عقبال عندكم؟؟؟
وسبب :هالدلع انه نزلولهم 750 دينار في حسابهم بمناسبه عيد العمال لكل موظفين قطاع النفط واني الفالحه صرفتهم في يوم بالهني عليا وراتحت وروحت

ربي يخليلك زوجك ان شاء الله ويحفظه ويدومه لك ويجبيلك كمان وكمان

[hatoo]

توا نزلك الصورة ياعيون صورة حمادي لانك وهو صغير انا صورته يوم اللمه لكن مازال منزلتهش علي الاب توب

[hatoo]

الشيخ محمد قولوا ماشاء الله تبارك الرحمن وادعوله انه يطلع شيخ من حفظة

[بناتي حبيباتي]

مشاء الله تبارك الرحمن
ربي يبارك فيه ويرعاه
وعاد باركولي واخيرا جبت ... بعد عناء طويل
بنوته زي العسل سميتها .... ريم ....
الحق تعذبت في جيابها بس نقول الحمد لله فتكيت من الوجاع الصناعي لأن كان الدكتور مقرر السبت الصبح يعطيني وجاع صناعي وربك ستر جبتها الجمعه في الليل
اليوم عمرها تسعه ايام العسوله
وعاد مانحكيلكمش عالماشي والجاي تبهدلت.... ياشينك عادات عندنا...... بدل مانرتاح اول مانجيب ظهري نكسر من الحوسه والزحمه
اععععععععععععععععععععععععععععععععععععععععع بنبكي
بنهرب عند امي اليوم والا غدوا والله ما عاد فيها
بس الحمد لله عالسلامه والصحه والعافيه
وينك يا ام معاذ؟

[تمر حنة]

الســــــلام عليكـــــــم ورحمــــــــــة الله وبــــــــــركاته