تجمع حبيباتي الكروشات اللي راح يولدون بشعبان

[نونييييي]

السلام عليكم يا حلوات وحشتونى كتيير اخباركم واخبار نوناتكم
ابغى اسالكم سؤال انا الحين تنزل عليه الافرازات لونها اصفر وخايفة تكون رجعت الالتهابات تانى كتير تعبت منها اول مرة يحصل لى فى حملى كده ماسبق انى اشتكيت من اى التهابات وموعدى الاثنين القادم عند الدكتورة عشان اطمن فياريت اللى تعرف الحين هل اللون الاصفر طبيعي ولادليل على الالتهابات

[سفن بارد]

اهلا ياحلوات
نكهه قهوه ياحبيبتي الله يسمع منك تسلمين على هالدعوه ربي يحقق لك كل ماتتمنين

عبق الانوثه سلامته انت وبنتك يمكن نزله معويه ضروري تروحين للمستشفى عشان مايحصل جفاف للجنين لاقدر الله لازم تروحيييين

نونييي تنقعي بمويه وملح احتياط اذا التهابات بتنقطع واذا طبيعي يصير سويتي اللي عليك

[الرحيق المختوم]

بنات ابغى رايكم عندي موعد الاسبوع الجاي بدايه الثامن ونص الثامن أنا أبروح لواحد وش رايكم اروح اول الثامن ولا اروح النص او اروح نص الثامن ولا اروح اوله ..... وش رايكم عطوني رايكم

[الرحيق المختوم]

سفن بارد انا وش اقول مااعرف بنت ولا ولد وشلون اتخاطب معه مرة ولد ومره بنت "'""" فيس زعلان

[Miss YoYo]

المشاركة الأصلية كتبت بواسطة king_ro7e

حلو مس يويو ـآلمشد سهل وخفيف

وـآنـآ ـآهلي نفس الشي يوم جلست سولف مع اختي قالت لي ماشرب شي غير الحلبه مع الاكل وقليل قلت لها بس انا ماحبها يعني بس بجلس على القرفه والمشد كانت تستخدم واحد نسيت اسمه وينزل البطن بسرعه ماشاءالله وبسرعه يصير واسع هو مقاسات ولسمول يصير مرا ضيق فشكلس باخذ نفس الثاني الي انتي حاطته

والمشي انا قلت لهم اسبوع ان طولت اسبوعين لاني انا وحده ماحب الجلسه حتى ببداية حملي كانت عندي مشاكل والمفروض اجلس مرتاحه بس احس مو متعوده قلت بيحفظه الي خلقه وهذا هو يازينه زيناه يلعب ومافيه اللا العافيه ^^

ـآخبـآركم بس <تو خير تسئلي =$

هههههههه
ياحلوك يا كينق
فيه احد يحب الحلبه
ناخذها غصب
شوفي انا اهلي متعودين على حركه عشان مايبين معهم طعم الحلبه
خذي تمره وطلعي النواه اللي داخلها
وقطعيها كم قطعه صغيره .. حطي الحلبه داخلها وسكرب عليها
وابلعيها كأنها حبة دوا واشربي عليبها لبن او حليب
كذا ماتحسين بطعمها ابد ابد
او سمعت بعض الناس تغلي الحليب وتحط معه ملعقه او ملعقتين صغار حلبه
حركيه بس مر او مرتين بالملعقه لا تخلينها تطول في الحليب عشان لايخرب طعمها ويصير مر
او تطلع ريحتها وبعدين ماتطيقين تشربينها
وبعدين صفي الحليب منها واشربيه .. يقولون مايطلع طعمها بس للأمانه ماجربت
بس ناويه اجرب ان شاء الله ولو مانفع عندك طريقة التمر

[Miss YoYo]

المشاركة الأصلية كتبت بواسطة queen pink

هلآآآآآ .. اخبآركم

الدكتورة حاسبة لي بولد برمضــآن بس الحين قالت شعبآن ..

ابيكم ابي اسسسولف فرحآنة حدددي هع ...

اقبلوني عآد بيييينكم

يا هلا وغلا كوين
اذا حابه نحسب لك تاريخ ولادتك بالضبط
حطي تاريخ اول يوم من اخر دوره
وان شاء الله نعطيك تاريخ ولادتك

[Miss YoYo]

المشاركة الأصلية كتبت بواسطة آوم جومآنا ~

الله يحيك كوين نتششرف فييك ...

والله انا زيك وحده تقولي بنهايه شعبان واللي تقولي بدآيه رمضان واللي تقولي نص رمضان والله يعيين ..

متى آخخرر دووره لك !

أوم جومانا حبيبتي
انا من اول مشاركه لك هنا بالتجمع لما حسبت لك قلت لك ولادتك انتي راح تكون برمضان
مستحيل تكونين بشعبان .. إلا اذا ربي كاتب لك
يعني شوفي انا الحين تاريخ ولادتي بـ 17 شعبان
يعني باقي على ما يخلص شعبان تقريبا اسبوعين بعد ولادتي
فـ اللي راح يولدون بشعبان بيكونون بعدي بـ اسبوعين اكثر شي
اذا اكثر من اسبوعين راح تكون ولادتهم برمضان
انتي بينك وبيني تقريبا 3 اسابيع و 5 ايام او 6 ايام
تقريبا قريب شهر كامل بيني وبينك
يعني ولادتك راح تكون بعد 10 رمضان الى نص رمضان
عطيني تاريخ اول يوم من اخر دوره واحسب لك بالضبط
لأنهماشاء الله البنات هنا خلاص اغلبنا داخلين ع الثامن
وانتي بسم الله عليك توكـ بتدخلين السابع
بس مافرقت تجمع هنا او تجمع رمضان
كلنا اخرتنا بنولد مافرقت

[Miss YoYo]

المشاركة الأصلية كتبت بواسطة ~* عبق الأنوووثةَ *~

هآي بنآت .. كيفكم ؟

بنآت ادعولي تعبآنة ..
من البارح و أنا عندي ألم في بطني كأنه ألم الدورة و غثيان و ترجيع و اسهال الله يعزكم
و كمان بنتي نفس الحكاية جاها أمس

سلامتكـ عبق
يمكن عندكم نزله معويه
روحي المستشفى حبيبتي عشان يعطونك اشياء تخفف
ربي يرفع عنك ويشفيك انتي والحلوه الصغيره يارب

[Miss YoYo]

نكهة حبيبتي .... مشكوره ع الفيديو الحلو

نونننني ... افضل روحي راجعي المستشفى
عشان تتأكدين .. بالنسبه للإفرازات لازم تحليل عشان تعرفين اذا هي طبيعيه او عندك التهاب
لو ماعندك التهاب وباقي تنزل منك فهذا شي طبيعي مع الحمل
ولاتقارنين بحملك الأولي .. كل حمله غير عن الثانيه
ربي يتمم لك على خير

الرحيق المختوم ... بالنسبه لي اشوف الموعد اللي بنص الثامن أهم من اللي بأوله
مدري يعني كل ماقربتي لموعدالولاده حلو تتطمنين أول بأول
اما بتروحين اول الشهر وبتقعدين شهر كامل لين التاسع صعبه
انتي شوفي اوضاعك وقرري
ربي يهونها عليك

[Miss YoYo]

الحين فضيت لكم بعد ماخلصت سوالف

أخباركم يا حلوات واخبار النتف ؟

اليوم رحت موعدي بعد ماطلعو نتايج التحليل اللي خذو عشان صغر حجم الجنين
الحمدلله التحاليل طبيعيه ومافيها شي وأخيرا المستشفى اقتنع ان النونو طبيعي حجمه كذا
وسوينا سونار بعد
ولأول مره قدرنا نشوف خشته البهيه
والشي اللي جنني ان كان معه فواق وحنا نسوي السونار
قالت تبين تسمعين صوته .. قلت انا وشلون اسمع
شغلت لي الدوبلر اللي يطلع صوت دقات القلب
طلع صوت دقات القلب ويطلع معه صوت الفواق ... وربي ذاب قلبي وانا اسمعه
يجنن صوته صغيرووون يشهق بسم الله عليه

بس باقي للحين تقول لي المويه مستواها قليل شوي ؛(
عجزت يا بنات مدري وش اسوي
وربي اشرب شرب موب صاحي
ماباقي ماي ولا عصير .. 24 ساعه بالحمام والسبب للي اشربه
وباقي تقول الماي ناقص .. فيه احد عنده حل لها المشكله
عجزت دورت هنا عن موية زمزم مالقيت
ضايق صدري على ولدي خايفه يصير له شي من نقص المويه