دردشة حوامل أهل الامارات - دردشة بنات الامارات - تجمع حوامل الامارات

[عذب الجوارح]

اييييييييييييه معقولة ولا وحدة دشت التجمع من أمس وينكم وينج أقصوصة ؟؟؟؟؟؟؟؟؟؟

[اقصوصه]

هلا والله
انا امس ما دشيت

كنت وايد مشغوله

اشتغلت دريول للعيال

يلا الليله ريلي بيرد وبفتك

اخبارج انتي؟

[عذب الجوارح]

الحمدلله ماعندي سيارة مرتاحة بس بصراحة الحاجة صعبة صعب انج تحصلين أحد يوفرلج طلباتج بغياب ريلج

[اقصوصه]

هيه عشان جيه أنا محتايه السياره
اقضي اشغتلي وأشغال عيالي
ولا المذله لحد ولا حاجة التكاسي
يلا اليوم ريلي راد وبفتك الحمدلله
والله تعب اوصل العيال الصبح
واردهم من المدارس
بعدين أودي ولدي عن مدرسه تذاكرله
عقب ارد أشله
يعني شعلانه

[اقصوصه]

صبااااااااحو

[عذب الجوارح]

مسا الخيييييييير هيه الله يعينج
اليوم رحت روضة بنتي ومدارس خواتي نشووف فعاليات يوم الاتحاد ونسلم على مدرساتنا الله يحفظهن يضحكون علينا البارحة كنتو يهال عندنا واليوم عيلتوا كل وحدة يايبه عيالها وراها استانسنا صراحة

[اقصوصه]

والله أنا أتمني لو اقدر اسير مدرستي الجديمه استعيد الذكريات
والله صدق ايام الدراسه غيييير
ايام لا تنسى ولها طعم ثاني
اجمل ايام العمر
أنا العام مريت ع مدارس العيال شفت الفعاليات
بس هالسنه ما رمت ريلي مشغول بدوامه وانا لاهيه مع بنتي
حتى كان خاطري نطلع المسيره اليوم بس للأسف ما اقدر
لان بنتي ما تتحمل يلسة السياره فتره طويله

[عذب الجوارح]

السلام عليكم أنا هالايام زايدة عندي الآلام والتقلصات بس كلها كاذبة والله من الويع ماأقدر أيلس الله يعين يارب الله يسهل ويرزقني بولادة طبيعية وسهلة بإذن الله الأيام تمر والثقل يزيد ادعي لي أقصوصة الله يخليج وبطمنج عن حالي جريب :((

[اقصوصه]

الله يعينج يا رب ويسهلها عليج ويقومج بالسلامه

يلا كله اجر ان شا الله

وهانت ما باقي شي

ايام وترتاحين ان شا. الله

[عذب الجوارح]

صباح الخير أمس ياني طلق ولادة من الساعة 7 حتى 4 الفجر وانفتح الرحم 2سم والدكتورة قالتلي لازم ترقدين تخطيط الألم عندي ووايد وماراح يؤذن الفجر إلا وأنا مربية مارضيت ورديت البيت رقدت من التعب قمت آلامي كلها خفت معقوووووووووولة