دردشة حوامل أهل جدة - دردشة بنات جدة - تجمع حوامل مدينة جدة

دانتلا · 08-01-2010, 11:23 PM

ورده كيفك ؟؟الا اكيد لازم يعرفو عشان تقدر تحدد الولاده متى

وردة العمر · 08-01-2010, 11:27 PM

اهلين دانتلا انا بخير انتي كيفك

والله مرره مستغربه انها ماشافت مفتوح والا لا
تقول نخلص التاسع ونشووووف

ايش رايك

دانتلا · 08-01-2010, 11:35 PM

روحي لوحده تانيه عشان تشوف وتتطمني انتي..تصدقي اليوم رحت لدكتورتي لقيتها لسا ما رجعت من السفر الله يرجعها بالسلامه وانا ابغى اتطمن ع نفسي ورحت لمستوصف القدس وكشفت عند الدكتوره عبير مرررره ارتحت لها وطمنتني بس الاشعه التلفزيونيه عندهم ب 180 غااااليه بالمره وكمان طلبت انو زوجي يدخل ويشوف البيبي قالو لا ما يدخل استغربت منهم.

وردة العمر · 08-01-2010, 11:41 PM

والله ماني عارفه فين اروح بعد ماسافرت دكتورتي اتهجولت ورحت لهذي ثاني مراجعه عندها بس ماريحتني واتخيلي انا موعدي 6الاربع ودخلت اللي بعدنا واحنا جالسين مرره تقهر ومادخلت الا 8 ونص تقريبأ عشان تأخرنا ربه ساعه بس لطعتنا هذا كله والله ببكي من القهررر مرره مو وقته ماباقي شي وللحين ماني عارفه فين اروح
ودانتلا 180 اهون الاطباء 200 وشويه اغلى على ايه ماني عارفه

دانتلا · 08-01-2010, 11:45 PM

انا عند دكتورتي ادفع ميه بس ببدايه متابعه الحمل وبقيه الشهور ادفع بس الكشف

دانتلا · 08-01-2010, 11:45 PM

تصبحي ع خير زوجي جا

وردة العمر · 08-01-2010, 11:50 PM

وانتي من اهل الخير

Heba Habib · 08-02-2010, 12:27 AM

ورده كيفك و اخبارك :)
حبيبتي ليه مش تروحي لدكتورة تانيه و ثالثه علشان تطمني و تبدي ترتبي لولادتك لان خلاص تقريبا ما بقى شي على ولادتك
شوفي انا دكتورتي الصراحه جدا مريحه و تسمعك و تخليكي تحكي اللي في نفسك و تديكي وقتك (على الاقل ده رأيي انا) ليه مش تجربي تزوريها مره و تشوفي يمكن تظبط معاكي !!
يعني بحاول اساعدك باي شي :)
و تطمنيني على اخبارك

دلوعه سحس · 08-02-2010, 01:21 AM

والله يابنات خوفتوني من فقيه صح مرررره زحمه ورحت لموعدين وكلها كنسلتها من الزحمه مليت والحين حولت على الاطباء عندالدكتوره فاطمه النمر وموعدي لسه يوم الخميس الصباح انشالله رحت لها موعد بس وبعدها سافرت بس بصراحه ارتحت لها مع اني مارحت الا مره وناويه انشالله اكمل لان الولاده على ماسمعت انها كويسه ...ومين منكم ولدت هناك؟؟

نبضي دعاء · 08-02-2010, 01:35 AM

حبيبتي وردة لاتخافي والله انا جبت مرتين ولا كشفو من تحت الا يوم الولادة احسن لك عشان اذا كشفت ترى توجعك وتسوي تحريض مالة داعي اذا بداء الطلق الحقيقي تكشف صدقيني
مادري يابنات ليش تعقدت الحياة كذا كانت الواحدة تراجع في اقرب مستوصف واذا جات الولادة ياتولد عندها ياتروح معها اي مستشفى تتعاون معة الدكتورة الحين كانة تعقد الموضوع وزاد الخوف والقلق والله اني لحس الخوف زي الي ماجرب بسبب المستشفايات