تجمع حوامل ليبيا

[ميراس]

اما بنحكيلكم عن سعاد الورشفاني طبعا زعميتها بحدانا عيادتها بدون عنوان منعرفش كان تداوم في مكان اخر لكن اللي بحدانا اماجرة حوش وهي السكرتيرة تاخد في الارقام وتسجل وتنادي والدكتور ة والممرضة واخصائية المختبر ادير في التحليل بروحها والمحاسبة تخلصيها بروحها ومع دور الاساسي اللي هو الدكتورة طبعا شفط الفلوس حالة تخشي بعشرين والجهاز بعشرين وغيره كان طلبت عليك تحليل تخدمه بروحها طبعا انا مشييت مشيت بلا فايدة سلبتي سلب والعيادة فيها بروحها سياحة نياحة واخر خدمة فيها تسكر العيادة وتروح والله يابناويت مانزيد عليكم حاجة

[المتفاااائلــــه]

المشاركة الأصلية كتبت بواسطة هناء خالد

كيف حالكم يابنات كلكم

متفائله قريت قصتك وربي يفررررررررج عليك وخيتي وتعبكم بأذن الله ربي يعطيكم علي قده كل خيرر وكل ماتتمنو
حبيت نعطيك رأي في الدكاتره
دكتوره أعتماد راهو ممتااااااازه ومشكوره بشكل كبير ونعرف أكثر من وحده تمشيلها وكلهم يشكرو فيهااااااا
وعندك دكتور مصطفى ريحان ممتااااااااااااااز بدرجه ماتتصوريهاش دكتور كبيررر في السن وعارف شغله ومتمكن وهو أستشاري ويشتغل في مصحة السرور الي بحدا عويطي وتلقيه أحد وثلاثاء وخميس
وعندك دكتور فيصل الشريف في مصحة البشرى في بن عاشور في شارع المنشيه ممتااااااااااااز بدرجه ماتتصوريهاش حتى هو
تلقيه يوم الثلاثاء من ساعه 2 ونص وتقريبا يوم الأحد من ساعه 10 صبح
تحياتي ليك ودعايا ليك ربي يرزقك يااااااااااااااارب

ويابنات أدعولي خلاص أنا خشيت شهري ليا أسبوع وخااااااااااايفه

إن شاااء الله ربي يسخرلك يااارب ... وتجيبي بالسلامة وربي يسهلها عليك .. وبالنسبة لراجلي مايبينيش نمشي لدكاترة ... وحتى آني مانرتاحش معاهم .. ان شااء الله ربي يسهلي نمشيها اعتماد كان فيها الخيرة ..

[ميراس]

متفائلة انت شن تخصصك قلتي هل مختبر من عندها حد تخصصه مختبر النبي اتقولي الموضوع ضروري

[ميراس]

يقونة لما تخشي ضروري تكتبيلي شن الموضوع الضروري اللي بتقوليهولي

[المتفاااائلــــه]

المشاركة الأصلية كتبت بواسطة ميراس

متفائلة انت شن تخصصك قلتي هل مختبر من عندها حد تخصصه مختبر النبي اتقولي الموضوع ضروري

لالا آني مش مختبرات .. علم أمراض .... حبيبتي في منتدى اسمه مختبرات العرب ... خشي عليه وشوفي فيه القسم المناسب وحطي فيه استفسارك أغلبه متخصصين فيه ... اسمه " مختبرات العرب "

[ميراس]

متفائلة خشيت وماستفدش بشي

[saly.me.91]

منورات من بدايتكم ل نهايتكم مافيش وحدة تسأل عليا ولا ردت عليا لما قلت بنعزمكم ولا حتى لما قتلكم ع نمبز ولا رديتو عليا لما قلت راقدة ف المستشفى ولا هاديكا متاع الكورس عبرتني صحيتو صحيتو معاش بنخش بكل......مشكورات

[ميراس]

سالي ابعتيلي رقمك وانا بادن الله انكلمك كل شي ولا زعلك

[عيون زوجي]

سالي حرام اعليك انا كتبتلك انه اول ما نفضى نكلمك وتمنيت لو عندي سيارة راني جيتك اليوم
ماتزعليش وبأدن الله لو جبتي انجيك للحوش اوكي

[المتفاااائلــــه]

سالي والله ما هي صايرة .... وان شااء الله ربي يكون معاك يااارب .... وندعيلك ديما .....