تجمع حوامل ليبيا

[راية]

بناااااااااااات النت بدي يدير في الجو عندي وابصر يوصل هالرد ولا ؟؟ المهم تصبحو على خيــــــــــــــــــــــر

[هناء خالد]

تعرفي ياسالي أنا نوعيه من دكاتره هكي مانحبهاش نهااااااائي هادو لايعرفو شرف المهنه ولاشئ أنتي دكتوره مفروض تعطي وقتك لي حاااااله مشكلتهم ياخدو هديكا حق الكشف ويادوب تكشف ماطقش 5 دقائق وتقولك يلا باي

[عيون زوجي]

الحمدلله على سلامتك يا هناء عقبال ما نباركوا في خلاصك
انتي شنو تشتغلي
سالي يا احبيبه قعده نايضة ردي بالك اتجيك الممرضة تغصبك عالنوم واطفي الضي
ميمونه اني نضت وطاسة الشاهي ناقصة سكر سميها بيلسان 2012

[ميمونة]

اوكي خلاص غدوه نسجلها ابعتيلي ايميلها عالخاص الياهو

[هناء خالد]

سلمها وسلم دعواتها ياربي

[عيون زوجي]

متفقين ميمونه

[ميمونة]

عيون ضروري من الايميل باش تسجلي قوليلها عالياهو

وتوا تصبح علي خير

[عيون زوجي]

انا الليله اعدروني ناخد ونعطي من الوجع متغطيه ببطانيه وصغاري مع بوهم في المربوعه جايه صاحبه وانا توا بنوض انصلي عشاي هو هداكا
تو نرجعلكم بعد الصلاة

[المتفاااائلــــه]

المشاركة الأصلية كتبت بواسطة راية

قريت قصتك متفائلة ويارب يفرحك انت وراجلك عاجلا غير اجل و الحمدلله في تحسن ومشكلة راجلك مهيش مشكلة كبيرة في هلبة يديرو في عملية الدوالي بعدين يتحسنو وتمشي امورهم تمام بإذن الله ...اني راجلي مداير تحاليل بعد شهرين من الزواج وطلعت سليمة والحمدلله يعني المشكلة في التبويض عندي ضعيف ومش عارفة علاش نحس فيه هالشهرين ازداد سوء لان الافرازات عندي تغيرت عن قبل وحتى اني صارتلي الشهر اللي فات زيك اول مرة في حياتي كلها تتأخر عليا الدورة قريب 8 ايام ودرت تحليل البول مرتين ويطلع خط واحد وكنت متأملة هلبة ومكنتش نبي نأمل راجلي لكن حتى هو حس بتأخيرها وقتله خلاص وبنمشي ندير تحليل ومتتأملش هلبة لانها مرات تكون في مشكلة مسببة تأخرها مش قصة حمل وبعدين نزلت و تضايقت منها وشديت دموووووووعي مشناااااااهااااااااا لما تتأخر لكن الدورة اللي بعدها جت قبل موعدها بيوم هكي كويس خير من التعشيم... الحمدلله على كل حال ربي يكتبلنا الحمل ان شاءالله ... بالنسبة لمصحة الرحمة خسارة الدكتورة اللي قلتي عليها مسافرة فكرت اني نمشيلها لان المصحة قريبة عليا حتى راجلي ميضايقش

ههههه حتى آني زيك درت التحليل المنزلي مرتين ... ويطلع سالب ... لكن كانت ايام حلوة بالنسبة ليا هاديكا الخمسة ايام عشت فيها الدور شوية ... ههه .. الحمد لله ياااربي ... ربي يرزقني ويرزقك ياارب ..

[المتفاااائلــــه]

المشاركة الأصلية كتبت بواسطة saly.me.91

ردي بالك تمشيلها اعتمااااد ردددي باااالك.
ماعندهاش اهتمام بالحالة كانك مش حامل واتخشش بالاربعة نساوين في مرة وحدة وتسألك قدامهم مافيش خصوصية:..انا كنت نمشيلها ع الحمل باش نحمل وع الالتهابات تخششك ع الجهاز وتقولي مافيش حمل<<ماني عارفة روحي مش حامل ..وتقولك تعالي الشهر الجاي ......بصرااحة انا حاقدة عليها على خاطر بيدت شلايكي عليها ع الفاضي

والله حيرتوني وماعادش عرفت ... لمنو والا منو نمشي ..... على كلام منو ناخد توا ... وانتي في اي مصحة كنتي تمشيلها ياسالي ... ؟