تجمع حبيباتي الكروشات اللي راح يولدون بشعبان

[ام الحلوين 5]

ؤآنا جربت المشد بوحده من بناتي بصراحه أحس ماله داعي الشماغ أفضل. منه سامحوني بنات ع الاغلاط لأن أكتب من ألجوال

[نكهة القهوة]

هلا وغلا بالكروشات
أم لبنى ألف سلامة عليك وماترين بأس والله يتمم لنا ولك على خير ويفرحك بشوفة نونتك بحضنك وأنتي وأياها بخير وسلامة .

يابناااااات بصراحة أكبر غلط ان الوحده تطلع وهي لسه ماكملت الأربعين وإلا تجهد نفسها بهالفترة على قول أهل الخبرة عندنا لاكبرت الحرمة تتعب كل اللي كانت تسويه بشبابها يطلع لها بعدين وكلها شهر وعشرة أيام وان شاء الله تعدي على خير ولاحقين على الشقاء والطلعة والنزلة وهذا رأيي وأنتم حريين .

وبالنسبة للمشد زي ماقالت أم الحلوين مايسوي شىء بالكرشه ومحد يذكره بالخير ههههههه .

الشماغ و المشد الأندونيسي أفضل شىء بس الشماغ أسهل وروووعة نتايجه أما المشد عيبه انه لازم أحد يساعدك أنتي لحالك ماتقدرين يبغاله شد مضبوط وطريقة معينة للربط .

[آوم جومآنا ~]

وآلله ي آوم لبنى بالننسسبه للدرآسسه آنا آعتذرت هآلتررم ... م فيني !!

وبآلنسسبه للتجهيزآت والله آنا حدي متحممسسه بس زوجي كسسلآن وعمتي تقول جهزي بالتاسسع تخيلي بس اشيل نفسي وقتها وآلا آتمششى بالسسوق هوع

بس آميمتي واخوآتي حدهم متحمسسين بس اروح المستشفى اتاكد من جنس النونو وبعدهاآ بنطلق بحوول ربي ..

[عشقي الاطفال]

نعوومة تسلمي ربي يخليكي عالرد انا مشكلتي قضيت كتير مررره اشتريتلها يمكن 8 بيجامات و10 افرولات وللان 4 كوفلات واشتريت 6 اقمصة للاسابيع الاولى ماما تقولي مع السره حتتعبيها بالافرولات وكمان اشتريت بنطلونات وشورتات وجاكيتات وتيشرتات من مذر كير من 0-3 بس احس للان ماعندي حاجات غريبة ومييزه زي اللي بشوفها بالنت حنزلكم الصور والافكار اللي نااوية اعملها ومتكاسله كل مرره بااجلها واقول لسه بدري معايا وقت ..

_____________________

بالنسبة لموضوع الشماغ انا قريت كتير كتير عن تجارب البنات بباقي المنتديات عن الكرشة وايش يخليها ممسوحة بس احس من كتر ماقريت مخي تشتت ..
المشد الكل بيسبو ويقولو يضعف عضلات البطن يعني بعد ماتتركيه بكم شهر ترجع كرشة اكبر << هدا من خلال قراتي لعشرات المواضيع وبدون مبالغه ..
المشد الاندونوسي (( الاصلــي )) وهدا تحصلوه بالبقالات الاندونوسيا يجي من اندونوسيا .. كمان لقيت مدح فيه بس مو عارفة طريقتو لاحظت انو اغلب الردود تقولك ابدئي لفي من تحت عشان الرحم بااضعف حالاتو ونازل على تحت فلازم ترفعيه ..

اما 90% من الردود يقولو ع الشماغ فحوست بالمنتديات ادور لفة الشماغ الصحيحة لاني مااعرفلها ولقيت هدا الموضوع موصوف بالصور انا اقرا بس مو قادره افهمهم مافهمت الا من الصور ..
وفي ناس تحط شبشب بدل الكرتونه ههههههه بس انتبهو لاتعملوها بس المقصود انو لازم تحطي حاجة قاسيه عشان ماايتجمع الشماغ فوق ويطفشك ومااكانك عامله حاجة وماكانك يابو زيد غزيت ..

الاعشاب هدي اللي جننتني كل وحدة حااطة لسته وانا دوخت من جد ابغا كم حاجة مضمونه وخلاص
وفي مواضيع كاتبين اعشاب اول مرره اسمع فيها ومو حاطين طريقتها طيب ايش اعمل فيها اشتريها واتفرج فيها ..
عشان كدا سئلتكم اي وحدة تعرف شيء مضمون تكتبو وتقول الطريقة ..

______________

كمان اهم اهم اهم شيء لشد البطن انك على قد ماتقدري اشفطي بطنك على جوا تعتبر هدي اهم تمارين تشد البطن وكمان شوفت موضوع دكتور يقول لا شماغ ولا مشدات تفيد مافي شيء يفيد الا المشروبات الساخنه وشد البطن على جوا ..


واي شي حستفيد منو سواء منكم او المنتديات حكتبو هنا وحنزل موضوع عالشهر عالجاي بجدول ومرتب عشان مانحوس بين الصفحات ..

لانو من جد اهم شيء بالنسبالي وزني الحمدالله كرشتي صغيره ومبسوطة انو جسمي للان باقي ماتغير شي فيه يادوب الكرشة بس ,,لكن القى تحطيمات للاتفرحي بعد الولادة الجسم ينفرط ويتبهدل عشان كدا حااعمل اقصى جهدي عشان احاافظ على جسمي وارجع لزوجي بعد النفاس عروسه ههههههههه ..

يلا نشد حيلنا ..

[عشقي الاطفال]

بوريكم الحاجات اللي ناويه اعملها باذن الله وابغا ارائكم وافكاركم يلالا نتساعد بالافكار ونميز نونوهاتنا خاصة انو ولادتنا قريبه من العيد ..

اكيد عارفين الكورشيه اللي طالعين فيه التاجرات احسها تشبه بعض من جد طفشت من كتر مااشوفها بالنت ..
بس قلت بسوي حاجة تكون ملونه وحلووة مو سادة ..

ولقيت هادي عجبتني قلت بكلم وحدة تعملي هيا واسعارهم حلوة 180 الى 250 وهدا شغل وتعب يدهم ..
ولانو حنولد بالصيف قلت بس بعمل طقيه والشال بس بخليها تحطلي على الطقية ورود بالصوف ملونه متلا وردة اورانج وورده اصفر من نفس الالوان اللي حتعملها وكمان على طرف الشال من جهة وحدة..


6-



كمان بقولها تعملي اسوره وردتين صغار ليدها ..

ولرجلها زي هدي طبعا بالصوف عشان يكون بنفس الديزاين


اما اللبس حاخدلها حاجة سادة من نفس الالوان اللي بالشال لانو حر مرررره عندنا وماابغالها شي تقيل يتعبها..

يللا ارائكم عشان اوريكم باقي الافكار ..

ولاتنسو كل وحدة ببالها شيء تنزلو نستفيد من بعضنا..

[في طلتي ضيّ]

السلام عليكم
انا كمان يا بنات باذن الله الواحد الاحد ولادتي في شعبان
الله يجعلها ولاده طبيعيه وسهله ويقومني انا وجنيني بالسلامه يااااااااااارب واختي
وكل حامل يارب ويرزق كل محرووومه عاجلا غير اجل ...

[نسمة بحر]

طيب يعني ايش الافضل أنا والله
احس المشد في نوع الكل ومدحوا في النهدي اللي يكون من فوق البطن الين الركبه

[سفن بارد]

صباح الخير ياحلوات

ام لبنى حمدالله على سلامتك ربي تمم لك على خير
ابشرك باقي لك اسبوع ويوم باذن الله وتدخلين الثامن

[سفن بارد]

صباح الخير مس يويو كيفك وكيف النونو؟

الله يعينك يارب عشانك لحالك وحلو كثرتي الملابس لانه خاصه الايام الاولى تصيرين تعبانه
ماشاء الله معروف البكر دايم اسمه مختارينه من تدري الوحده انها حامل لكن من الثاني والطالع تبدا الحوووسه انا عادي عندي يسمي اللي يبي بس يعلمني من الان افرح واتعود على الاسم شوفوا ماشاء الله عليكم كلكم تسولفون باسماء عيالكم هههههههه الا انا ضايع اسمه ههههههههه ابي اعرف عشان اقولكم واسولف معكم فهمتي علي وربي من سجلت بالمنتدى ومن علمتيني الله يسعدك عن التجمع وانا كل يوم له طعم في التجمع ولازم كل يوم اشيك من كثر مااحس بالاخوه معكم ربي لايحرمني منكم

طلبتكم ياحلوات مو اذا ولدتنا بالسلامه تفرقنا والله صار لكل وحده معزه خاصه ودي نجتمع دايم وش رايكم؟

[Miss YoYo]

المشاركة الأصلية كتبت بواسطة سفن بارد

صباح الخير مس يويو كيفك وكيف النونو؟

الله يعينك يارب عشانك لحالك وحلو كثرتي الملابس لانه خاصه الايام الاولى تصيرين تعبانه
ماشاء الله معروف البكر دايم اسمه مختارينه من تدري الوحده انها حامل لكن من الثاني والطالع تبدا الحوووسه انا عادي عندي يسمي اللي يبي بس يعلمني من الان افرح واتعود على الاسم شوفوا ماشاء الله عليكم كلكم تسولفون باسماء عيالكم هههههههه الا انا ضايع اسمه ههههههههه ابي اعرف عشان اقولكم واسولف معكم فهمتي علي وربي من سجلت بالمنتدى ومن علمتيني الله يسعدك عن التجمع وانا كل يوم له طعم في التجمع ولازم كل يوم اشيك من كثر مااحس بالاخوه معكم ربي لايحرمني منكم

طلبتكم ياحلوات مو اذا ولدتنا بالسلامه تفرقنا والله صار لكل وحده معزه خاصه ودي نجتمع دايم وش رايكم؟

ايه والله حسبت حسابي
داريه حتى لو ان زوجي بيهتم وبيغسل
بس مهما كان ماراح يكون صبره مثل صبر الأم
بيهتم في عبود معي ولا بيغسل ملابس ولا بيطبخ ولا بيكنس
لازم بيطنش ساعات .. عشان كذا خذتها من قاصرها وكثرت
هذا غير اللي جابتهم امي لي من مذركير عندي زياده
بس احسن يزيد ولا ينقصني واتوهق وشلون اغسل وحالتي حاله

الله يلوم اللي يلومك حبيبتي
فعلا حلو تختارين الإسم بدري عشان تكلمينه
انا بعد ماقالو لي ولدوبنت وولد وضيعوني
حسيت اني ما اقدر اكلمه بدون اسم كأني ضايعه ههههه
ربي يسهلها وينطق زوجكـ بهالإسم ويخلصكـ