دردشة بنات ليبيا , دردشة حوامل ليبيا , تجمع بنات ليبيا

[عيون زوجي]

احمدي ربي يا ام معاد انا صغاري الزوز ما رضعوش مني بكل نحسد في النساوين يلي يرضعوا نعمه وانتم مش حاسين بيها

[ام روفيدة]

المشاركة الأصلية كتبت بواسطة عيون زوجي

ام رغودة كيف حالك وحال القرايه مع رغد وحال اوخيتها والامور احمد
ام روفيدة يا غاليه جزاك الله عني وعن الكل الف خير كيف حالك وحال حزومي وشنو الصقع عندكم صب الثلج ولا مازال

[color="blue"]أهلين عيون يا غالية أني وحزومي الحمد لله بخير ونعمة كيف حالك إنتي وسرورة وشن الجو عندكم صقع وثلج ؟ إحني الثلج اليوم الصبح كيف صب والصقع يقتل وتوا درجة الحرارة 1 شن جوك إنتي في ألمانيا وشن حال صاحباتك والعيلة يلي دارولكم الدعوة ومشيتيلهم ولا مازال واحكيلي شن شريتي ؟ شريتي حاجات كهربائية للمطبخ ولا مازال أهم حاجة عندي هههههههههه وخصوصا كتب الطبخ تعرفي زي الهبلة كان مشيت للسوق نقعد نشري في كتابات التطيب ونطلع الناس تشري اللبس واني انلقط في الكتابات ههههههههههههه [/color]

[عيون زوجي]

ههههههههههههه والله عارفه بس حبيت نعترف بصوت عالي
ومبروك اعليك العيد يوم الاتنين يا ام رغد نبوا السفنز والفطيرة والحلويات دبري راسك
وحمودي ناسيني امس شفته عالسكايب على قد ما نكلم فيه مش لاهي بيا يلعب مع صغار خالاته وفايتني
بس قلت لزوجي لازم انقدم موعد الرحله استاحشته موعد رحلتنا يوم 30/1/2012 وغدوة نبيه يتصل بمكتب الخطوط ويقدمها ليوم 23/1/2012 خلاص استاحشت اوليدي

[رغوده2006]

ام اجنادين يامساء الخيرات ويعوضك ربي خير في شالك تعرفي بعد ماصليت الفجر وسقدت رغوده للمدرسه وليت رقدت والله العظيم الا حلمت بيه خذاته قاريبتي هههههههههه
ام معاد والله الا الحال من بعضه في الرضاعه من توه هاهو شادني لغدوه الصبح كان عشنا استحاله نفكر اندسهم لين يابسو من الصقع ههههههه

[عيون زوجي]

ربي يحفطك يا ام روفيده
الحاجه ام عماد موعد زيارتي الرسمي الاسبوع هذا وعجبني طاقم فطور سيرفيس حلو مدايرين فيه تخفيض من 80 دينار ليبي الى 40 دينار ليبي قلت ناخذه
وبخصوص اللبس والشري انتي عارفه الام الليبيه 3/4 الفلوس تمشي على لبس الصغار نكون سعيدة لما ندفع ال400 وال 500 دينار لبس صغاري وهدايا لصغار خوتي ولما نجي نشري لروحي نقيس وننقب هذا غالي هادي قونه عاديه حرام فيها ال 50 وهذا وهذا ما شريت لبستين الا بعد تردد 100 مرة واليوم طلعت صدفه لقيت زي شال ام اجنادين يلي منزله صورته قولي بقداش في هالتخفيض ب 5 دينار ليبي خذيت زوز منه قلت بالك نهدي واحد لام اجنادين بدل يلي راح هههههههه
والماعين ما نحكيلك خذيت طواجين السيلكون وعوالة الكب كيك حتى الحلوة والزينه ورووس كيس الحلواني وعجينة المرزبان عبيت منها وخديت حاشاك مهراس ايجنن ماركة هههههههه مصنوع من الرخام وخذيت سكاكين حاشاكم عندهم مرات موس واحد يسوى ال 300 دينار ليبي تخيلوا خذيت مجموعه متاع 15 دينار بس ايهبلوا
وخديت طاجين التشيز كيك عجبني صناعته الماني خير من الصيني يلي في الحوش
ومازال عاجبيني القلايات والطناجر يهبلوا الطنجرة منهم ارزينه اتهبل وغاليه راجلي عاركني قالي كيف بترفعيها في الطياره ههههههههههههه

[عيون زوجي]

احنا الحرارة اليوم 3 صقع والدنيا مسحبه بس مافيش اليوم مطر والثلج هالسنه لتوا مهناش ارتحنا منه لان الطرق تبدى اتزلق حاله وغدوة بنطلعوا زردة نتمنى الجو يطلع حلوووووو

[رغوده2006]

عيون مبارك ما شريتي انشاءالله تعولي فيهم الفرح والهناء يااااااااااااااااااااااااااارب

[رغوده2006]

عيون انت غدوه عندك زرده وانا عندي حرثه بااااااااااااااااااااهيه هههههههههههههههههههههه

[عيون زوجي]

رغوودة احنا لما جينا سنة 2010 لالمانيا كان على حساب شركة النفط يلي يخدم فيها راجلي دورة دراسه ل 6شهور بس احنا قعدنا 7 شهور معناها اكيد حتى انتي عندك فرصه تسافري على حساب جهة العمل متاعك صح

[عيون زوجي]

وين الحرثة خبرينا هههههههههههههه