دردشة حوامل أهل مكة المكرمة - دردشة بنات مكة المكرمة - تجمع حوامل مكة المكرمة

اموورة وكتكوتة · 10-10-2010, 02:04 PM

الله يسلمكم حبيباتي ثلجة فوشية وقمر مكة ونانا والكل..

والف سلامة عليكي ثلجة فوشية هوه كدة الحمل يعني تحملي كل التعب والالم ريحي حالك واشربي حليب ساخن
انا بيتي هادا مافيه سيراميك غير المطبخ كلو موكيت .. البرد جاه من المكيف في غيرو الجو حار والمكيف طول الوقت عليا ههههههههه مالنا غنى عن المكيف هههههه

قمر ليالي مكة الحمدلله عسلامتك حبيبتي ودوبو نور التجمع بطل القمر.. كيف لمى بوسيلي هيه الله يحفظها..

ابغا اسالك فين الزمزمي هادا سمعت عنو بس ما ادري فين؟؟ ممكن تقوليلي عنوانو؟؟

نانا انا اللي سالتك فين حتولدي.. ان شاء الله بسلامة ياقلبي

انشودةمطر · 10-10-2010, 02:11 PM

اموره وكتكوته ماتشوفي شر سلامات هذا اكيد برد الله يعين انتبهي على نفسك

اموورة وكتكوتة · 10-10-2010, 02:13 PM

الله يسلمك انشودة المطر..

كيفك وايش اخر اخبارك ؟؟

Nana.1985 · 10-10-2010, 02:31 PM

معليش فقدان زاكرة مؤقت خخخخ
امورره انتي في اي شهر وفين ح تولدي بالسلامة؟

اموورة وكتكوتة · 10-10-2010, 02:39 PM

هههههههه معليش نانا هدا من علامات الحمل
انا بالتامن والحمدلله ان شاء الله اولد بمستشفى خاص التونسي .. الاهلي .. باشراحيل المهم مستشفى خاص .. زوجي مرررة مو موافق بس احاول اقنعو
انا اتابع في عيادة المجد بالشوقية ويبغاني اولد هناك

Nana.1985 · 10-10-2010, 02:51 PM

اهاا الله يعينك
بس بدري دوبك بتقنعيه؟ هههه
شوفي هما الرجال يخافو ينزنقو ماديا عشان كدا مايبغو خاص ونا زوجي نفس الشئ بس من اول شهر قلتلو ابغا بخش ونا بكرية واول مرة واخاف ومن الكلاام دا فرتب امورو دخل في جمعية الحمدلله واتسهلت حتى عامل حسابو على طبيعي 4400 لو قيصري 9000 بدون التحاليل يقولي ح اجلس اشحت هههه حرام .. ولييييين دحين يززن اولدي في حراء اعرف دكتور اولدي هنا اعرف دكتورة بس انا اقولو لا اخاف مافيا اتعزب ونا لسا مني فاهمه الولادة ووضعها كيف وكمان بخش يدخلو معاكي احد وقت الولادة زوجك وامك وابوكي واي احد هههه عشان كدا وافق لانو نفسو يحضر الولادة

بس لازم الترتيب من بدري كنا ناويين نسافر شهر عسل في الاجازة بس كنسلنا عشان الولادة والخاص

ثلجه فوشيه · 10-10-2010, 03:05 PM

تسلمي قمووره الله يجزاكي خير وسلامتك ياقلبي معليش على
قولك دي ضريبه الأمومه كلها ايام ويروح الوجع بس انتبهي على حالك وبوسيلي لمى واخواتها كتيييييير ..
بس صحيح ماتفتكري كم اسعار الزمزمي يعني بكم يجي يزين لك الغرفه ؟؟ قولي سعر عشان اعرف ارتب اموري هههههه

ثلجه فوشيه · 10-10-2010, 03:09 PM

نانا والله انتي نفس حكايه زوجي اولدي في حراء اولدي في حراء وانا أصريت عليه اني بكريه وخايفه ولا اعرف شي وابغى اولد في خاص المهم اقنعتو اخيرا على باشراحيل ..
الطبيعي عندهم على ماسمعت من البنات 2600 يعني احسن من بخش لانو بخش اغلى شويا
وتقريبا على ماسمعت باشراحيل افضل وفيها دكاتره كويسين اللي هما فطيمه وباسمه ..
ويقولو اكلهم كويس ونظيف وحتى اهتمامهم مرا كويس أنا ماجربت بس وحده ولدت هنا عنهدم قالت لي
فخلاص ان شاء الله حولد هناك .. ونفس الدكتوره فطيمه دي بنت اخت زوجي تراجع عندها تقووول مرا حنونه وطيبه وتقرا عليكي وتهديكي يعني مررا تمام .. قلت اتوكل على الله وخلاص

قمر ليالي مكة · 10-10-2010, 03:17 PM

تسلمي امورة وكتكوتة هاد نورك والله
الزمزمي بالرصيفة شفتي مسجد الامير احمد الشارع اللي قبالو
وانا وقتها اخد مني 200 ريال وعمل شي مميز كل اللي دخل عندي ابدى اعجابو

قمر ليالي مكة · 10-10-2010, 03:18 PM

تبوسك العافية ثلجة فوشية
عقبال قومتك بالسلامة