ديوانية البحرين - دردشة حوامل البحرين - البحرينيات

[طفلي حياتي]

السلام عليكم
شخباركم وشخبار عوافيكم التعبانه من السهر والحوامل اما من نساة او ثقل
عسى ربي يسهل امر الجميع
احلام ام البارحه انتفخت واني اكل حلوى وخبز خمير وخليت شوي لشموس والحين تقول اكلته عنها لكن قهر ليها بعطيه ريلي يطالع وساكت... ومبروك تطهيره
شمسوه اني اكل وانساش؟ بالعكس اذا ماهو حب فيش عشان تمتنين شوي مايصير اني منفوخه وانتين رشيقه حسبالش... والطربال عن لهرار وخلي طربال الياهل انتين طربالش هاكو صوب السرير ... اني الحين اجازه عن الاستشارات عطيت الوكاله فرحانه (الحزينه) جان بتتحاربين وياها كيفكم
سوهان خلف جبدي وخبارش يالورده؟
ام احلى قمر ويش علومش انتين وحسون والنونو؟
حنون خلف جبداتي ام علاوي شخبارش وشخبار النساة وياش؟
هلا اختي نوره عبيد عليش بالماااااااي اشربي وايد
روح الفراشه هلا فيش خيو روحي المركز افتحي لش فايل متابعه وتابعي في المركز والخاص اذا تبغين عشان لوقت الولاده تودين كارتش مال المركز ولو مارحتين وعندش كارت الخاص عادي تودينه وقت الولاده اهم شي فيه معلومات عن حملش وبالتوفيق :)

[ام حسين الدار]

فديتكم والله اخباركم وش امسوين
احلام ام وام خليل وام زينب وام بشرى وصعب تنساني والباقي نفر نفر
ام ملاك تفداش ياعمري
ام علي وش هل حلوه الغاويه اكلت حتى فغيت
اتمنى الجميع ابخير وامانه دعواتكم الله اسهل حملي وشوف حسون نايم في حضني يارب ياكريم

[روح الفراشة]

مشكورين بنات على الرد
اليوم راجعت في المركز والاسبوع اللي راح
كنت اروح يوم وترك الشغلة متعبة روحي وتعالي
يطفشون الواحد يذلونه ذل.. اليوم تضايقت وطلعت
ما كملت طلباتهم لأني طفشت صدق.. ومتضايقة أرجع
ليهم مرة ثانية أحس روحي بختنق

[روح الفراشة]

لا وبعد ما أدري شلون حسبتهم اني
في الاسبوع 20 تقولي الدكتورة توش
دخلتين الخامس من يومين بس شلون
20 اسبوع بس 4 اشهر على كل الحسبات
اللي شفتها اكون دخلت الخامس من اسبوعين
ويوم جات تقيس يالمتر تقول القياس مبين
في الاسبوع 24 فرت مخي وطلعت عنها..

[ام احلى قمر]

طفطف
اني الحمدلله بخير بس حسون مجنني كل شوي وقال بروح البرادة بيشتري أكسيييييم ... الآيسكريم قصده ههههه
روح الفراشة
هلا فيش خيو نفس ما قالوا لش البنات روحي المركز افتحي لش فايل متابعه وتابعي في المركز والخاص أضمن لش ومنها تطمنين أكثر على الجنين
لكن بتحسين بفرق واااجد الله يساعدش يارب
ام ملاك شخبار ملاكنا ؟ِ
الباقي ِِِِِِمأجورين ِِِِِِِِ

[شمس الصباح]

روح الفراشة اغلبنا جدي نتابع في الخاص والمركز الصحي ربي يتمم عليش

ام حسين مشكورة ما تقصرين اكي ام كشه شافته طفلوووووه واخذته من عندها
اقول طف طوووف شوفي عاد اني مرة ثانية ما بجي اسهر معاش خلاص دبحتيني بكشتش كل في وجهى ويش هالعبل ولو وانتين نايمة ما تحسين بروحش قاعده تتصلين اقول حصلتين خط لو بعدش

خاطري نقعد نفس قبل نتجمع ونهدر لازم نحدد لينا وقت نقعد فيه
اخر مرة قعدت هدرت وياكم كانت ليلة ولادتي بملاك

[شمس الصباح]

ام احلى قمر الحمد لله بخير اني واكي ملاك عندي تسلم على البيبي المنخش في بطنش

ويش اخبارش مع الحمل

[ام احلى قمر]

شموووووسة
اني الحمدلله دايخة من التعب وزايد تعبي حسون ولدي ما يبي يقعد في البيت كلش ومن يشوفني منسدحة اريح شوي قفز فوقي

[شمس الصباح]

خخخخخخخخخخ جان قلتين اليه ان في بطنش بيبي يمكن يتغير بتشوفينه حاط اذونه على بطنش

ملاك قاعده تطالع التلفزيون ومن تشوف ناس تصيح خخخخخخخخ تبغيهم يحملونها اكو اخوها بند التلفزيون عصب يقول مللتني خخخخخخخخ

[شمس الصباح]

بروح محد اهني واكو جو مال المفروشات يالله ما احاجيكم زعلانة