دردشة حوامل أهل جدة - دردشة بنات جدة - تجمع حوامل مدينة جدة

[إبحار]

معليش يابنات أنا غلبني النوم
نور.. ونبظي .. أستنى ردودكم ليا .. اوكى ؟؟
يلا تصبحوا على خير ...

[نبضي دعاء]

الولادة في فقية بسبعة الاف بس الي فهمتة انك اذا جبتي دكتورة خمسة الاف غير اجرتها هية يعني حق الغرفة بس
مع اني شفت المتحدون فعلا غرفهم حلوووووووووة والممرضات زي العسل انا ماعرف الفرق في السعر بس المتحدون من ناحية النظافة والشياكة والاخلاق احسن الف مرة تتهني انشاء الله ياوردة شكلي باحول عليهم لان اسعار فقية نار يقولو اذا جيتي تحاسبي طلعوا لك مئة شي جديد على الحساب كنك شريتي المولود
المشكلة ماهي في كذا لان الواحد عامل حسابة بس تدري الولادة فيها مفاجات يعني احتجتي شي او البيبي احتاج يستغلوا الموقف وانتي مانتي مستعدة الشكوى لله

[نبضي دعاء]

تصبحوا على خير

[•.ღ˚نور˚ღ.*•]

يا حبيبتي ياابحار سوري والله بس زوجي الله يصلحه نوووومه ثقييييييييل

يوم كامل اصحي فيه,, عموما حبيبتي االمركز الطبي معاملتهم معاملة فندقية 5 نجوم من كل شي

وزوجة صاحب زوجي ولدت عندهم تمدحهم من ناحية نظافة واسلوب والغرف فندقية ,, وانا

ابغاه لان هلي مابيكون عندي فبيدخل معي زوجي,, وحجز المواعيد ع كيف كيفك متى مايناسبك

وبالنسبة لفاطمة النمر بالاطباء المتحدون كنت اتابع معها ماعليها كلام بس عليها زحمة ودوم

اروح انتظر وادخل اخر العالم وليش تركتها لانها سافرت فجاة وطولت شي شهرين ومن وقت

عطوني الموعد صرت شهرين وحاجة ماراجعت و3 مرات احجز ويقولوا لسى ماجت

بالاخير وزعوا مرضاها ع كذا دكتور ولا انا اللي دخلت ولاهم يحزنون ايش قال مايدرون وين

ملفي! تمشكل زوجي معهم وسحبت عليهم والاسبوع اللي بعده اخذت كبي من ملفي وع المركز

الطبي ومن اول مرة رحت اسال دخلت.. بالنسبة للكمام والبنج مااعرف ايش هما اصلا بس

بسال....

عارفة كتبت قصة حياتي ياابحار بس قلت ان شاء الله افيدك لاني ماااحب اتشتت بين المستشفيات

ع اخر شهر من ولادتي احسها صعبة خاصة لو ارتحت لاحد.

[•.ღ˚نور˚ღ.*•]

وااااااو والله الفت ملحمة ياابحار,,خخخخخخخخخخخخ

[•.ღ˚نور˚ღ.*•]

وانتي من اهلوا يا نبظي

للاسف ما لحقت عليك كنت مشغولة الف كتاااااااب,,,ههههههههه

[•.ღ˚نور˚ღ.*•]

كروشااااااات ظليت استنى ممكن يجي حدا اصبح عليه ونهرج سوا بس للاسف شخيركم واصل

سابع سماء :)

كان بخاطري اصبحكم بهاي

يلا نشوفكم بالليل ان شاء الله

[ام توته الكتكوته]

بنات مارديتو على سؤالي ايش رأيكم في الدكتوره حنان الشمراني اللي في الاطباء ؟؟؟؟وفي احد جرب الولاده عندها... و كمان الدكتوره نانسي في بقشان احد جربها؟؟؟؟؟؟

[أم العسل]

مسااء الجوووووري للجميع

انا عضوه جديده..وبدي تساعدوني بليييييييييييز
ابغى مستشفى يكون فيه التحليل الرقمي لهرمون الحمل وين ممكن اسويه؟؟؟؟؟
وبليييز ماتكون مستشفيات كبيره مثل سليمان فقيه وغيره
بدي مستوصفات خاااصه..

وربي يقومكم بالسلامه ياااااااااااااااااارب ويهون عليكم الولاده :)

[دانتلا]

ياهلا فيكي ام العسل نورتينا تحليل نسبه هرمون الحمل انا كنت اعمله عند دكتورتي بنفس العياده وهما ينزلوني ع مختبر بنفس البنايه اريح من تعب المستشفيات واعمله بعياده اماني الهدى المجمعه عند الدكتوره اماني قنديل ببنايه نورا الدور الخامس ..بتمنى انك تستفيدي من الكلام اللي قلتو وتاني مره ياهلا فيك ونورتي تجمعنا...