تجمع حوامل العراق واتمنى اكو احد موجود

[روضانيه]

ام تمار الله يحبب بيج كل البشر امين يارب العالمين ويسخر لج رجلج امين
تسلمي حبيبتي والله مقصرتي اتعرفين
لويش اني مطنكره ويه رجلي حتى مدا اكدر اباوع بووجهه
دا احس وهو السبب بالاجهاض لانو سووه مشكله هو وامه وجابها لبيتنا باليل
واتعارك وياها واني مشايفه بعمري هيج عركات بيت اهلي كولش هادئين
اتدخلت ع اساس اهديهم دفعني وصار عندي اغماء وبنفس الليله نزل عليه دم جووزي اشويه
بس صدووووك خفت كووولش من عركتهم بحيث كمت مدا احس بكلبي وبجسمي

[ام تمار]

ولج ليش عمري موكلتلج والله فتره وتعدي لج لاصيرين مثلي ضعيفه ادري موبيديج بس اذا ضلين هيج ماراح تشجعين وتحبلين بسرعه اسمعي اني كنت مثلك بعدين قررت ياخذني للاهلي بالاردن وهناك رحت للدكتور شاطر وكالي كبي كل ادويه العراق بالزبل وكالي ادخلي جيم معهد رياضه ضعفي روحك على الاقل 10 كيلوات وبالفعل اني رحت لاهلي ب3 بالشهر
ب4 ضعفت ونسيت الحمل ونفسيتي تغيرت لان شفت بنات صايرلهم اكثر من اسقاط الله كرمهم وشجعت وعشت فتره رومانسيه ويا زوجي وبعدين 5 ماجتني الدوره والله كان زوجي مريض وماسوينه غير مره وحده كنت انتظر الدوره مستحيل احمل لان مامارسنه فتره التبويض قبل لايتمرض مره وحده وبعدها ربج كريم ماجتي وحبلت وصارت سوالف
بس يرادلها صبر ياعمري ماكو شي بالسهوله




لج رضوانيه لج ربج كريم اني كنت مسميه البنيه الي سقطتها ب3 اشهر ليان والله
كالتلي عمتي اطيني الكيس مال الحمل ادفنه بعيد يم بيتنا خفت انجبس لو شي
اني ياحبيبتي بغربه ومحد يحبني اني غربيه عن اهل زوجي اخذت الكيس ودفنته بيديه محد يدري بالشجره بالحديقه يوميه ابجي واكول الله موجود الي ماعنده اب الله رب جبير اسمه الله اكبر من الكل وهو الي يعوض
يارب تحبلين بجاه كلمن عنده جاه والله صير سوالف كولي نوره كالت الله كريم

[رحمة الرحمان]

حبيتي روضانيه انا مثلج مات عندي طفل بالسابع سويت جميع التحاليل وطلع عندي مادة بدم ناقصه وهيه تقتل الطفل سوي التحاليل هسه على عمود يعرفون شنو السبب

[ام تمار]

الحمد لله على كلشي انتي هسه بعد عرفتي شنو اهل رجلج شنو عمتي شنو رجلج يمكن الله رايد هيجي حتى يحذرج انتي مره لخ من اتحبلين اخذي كل احتياطاتج وحافضي على نفسج

اقدملج نصيحه من ذهب لادخلين روحج ويا اهل رجلج اي واحد منهم طنشي لان بعدين تنكرهين اتفرجي من بعيد خليج اطرش بالزفه لان تنكرهين دوخين نفسج ومحد يفيدج

اهلج وين اذا تكدرين روحي يمهم فتره ريحي اعصابج وغيري جو

لاشدين عداوات ويا رجلج هو معليه هذا قضاء وقدر اوك

[روضانيه]

ام تمار الحمدلله ع كل حال الله يصبرنا يارب
شسووووي تدرين فوووكاها وفووك النزيف والمشكله الي سوووها يوووميه اتكوووله على شئ ويجيني
اول يووم كلي يمكن جرثووومة رحم
وبعدين يمكن سكر حمل
وبعدين....
كل اشووويه مرض بحيث لعبت نفسي
كوتله هايه شنوو طلعت مستشفى اني
هووو الحمل سليم مالتي لحد اربع اشهر وراء مشكلتهم بااسبووع رحت للسونار
كلي ماكوو نبض وهسه ديذب الصووج بيه هو ...
وكل اشوويه ايكوولي انتي متكعدين راحه تمشين وتفترين وموتي
عبالك هيه بيدي
هسه اتفقنا منا لست اشهر يلا انسووي بيبي مثل مكتلي

[ام تمار]

صباح الخير رحمه شلونج ويا الحمل ان شالله مرتاحه

صح حجيج لازم سوي رضوانيه تحاليل كامله للدم حتى تعرف سبب الاجهاض اذا كان مابيها اي شي هذا رحمه من الله وبعدها تحبل وداري نفسها اني ورحمه ضلينه نايمين 6 اشهر بالفراش تحملنه كل شي
ان شالله الله يعوضها وينصرها يارب

اي شلونج رحمه

[روضانيه]

ان شاء الله خلاص هو بعد منا وجاي كوووله رسميات وياهم
ابد مراح ادخل بخصوصياتهم
حماة ام زووجي عدها 3 اسقاطات
الظاهر عمتي عندها خبره بالاسقاطات ههههههه
اتفرج اتفرج اتفرج وبس
بس ام تمار والمشاكل الي يسووووها والله مالي خلك مرات اطنش ومرات توصلي للبيت
ومرات تحجي كدام زوجي عليه والله واني اعاملها مثل امي اكوول اشعندي وياها
باجر همين رح يصير عندي بيبي ويسووي بيه هيج
وهيه عدها سكر واني اصلا اخاف عليها لان مااحب زوجي ينقهر
بس هيه متحبني مااعرف اشووون ارضيها

[رحمة الرحمان]

هلو حبيتي ام تمار شلونج بشري اناشالله صرتي احسن انا تعبانه نفسيتي على اقل شي ابجي

[ام تمار]

كلهم نفس الشي يذبون الصوج بينه بس الشاطر الي بالاخير الي يتحمل
اتحملي على مود سعاده بيتج وهدوئه اسمعي هدئي نفسج وكولي الله رايد هيج صير
وراح تحبلين وين يروح الحمل وراه وراه ههههههههههههههه
بس اهم شي نفسيه ترتاح القلوب تطمان

[روضانيه]

ام تمار احجيلي شنوو التحاليل الي المفرووض اسوويها
ويمته اروووح اسوويهاا
احجي لي انتي اشسووويت لان مااعرف كل شئ