دردشة بنات العراق, دردشة حوامل العراق , تجمع بنات العراق

White angel · 07-03-2012, 11:29 PM

هههههههههههههههههههههه اي والله هسه اليوم افكر بعد مااجيب هذووله راح اصير حامل عاااااااااااااا

White angel · 07-03-2012, 11:31 PM

اي شنو ورااج دجيبيهم وحملي للمره المليووون انتي راح تسوين لج بلد كاااامل وحدج ههههههههههههههههههه

White angel · 07-03-2012, 11:31 PM

انجنييييييييييييييييت اني صااار عندي فيووووووووووز

فوفو العراقية · 07-03-2012, 11:37 PM

مساء الخيرات

جيتكم بعد التعب والبهذلة

شلونكم؟

ولكم عيني اليوم متت تعب
جان عندي وحده تريد كص شعر وصبغ وخصل شعر
وهسة اني صايرة فلم
ميته من التعب
لا تكولولي ليش هيج وليش تسوين
مو المشكلة هنا ماكو غير 2 عراقيات امهات صالون
وثنينهن ميعرفن يسوون والنسوان تشكي منهن
وصديقتي قبل فترة سويت الها شعرها
وبنت اخوها خابرتني تتوصل وتترجى
وعفية فادية ولخاطر مدري منو
المشكلة انها شعر ماعدهة من كدام الا كم شعره
يعني حالة يرثا لها
وصعبة كلش
بشكل ماحد يتوقعه خطية
بس صبغتلها وكصيت الهة وخصلت الها ومكياج برونزي طلعت نجمة من نجوم السينما
طبعا ماخليتها تشوف نفسها الا بعدما خلصت كلشي
وشافت نفسها جان راح تموع روحها شهكت وبجت من الفرح
وشبكتني وتبجي وتتشكر
اول مرة بحياتها تكون هيج ستايل
لو جنت اكدر جان راويتكم صورها تخبل طلعت
اخذت الها قبل وبعد
هنة يصيحن الي جويل هههههههههههه
بس تستاهل خطية صار سنة متزوجة ومتعرف تعتني بنفسها

بس تعبت حيل
وحس الطفل هسة بين رجلية
وكلش عندي الم وحركته قليلة.

ام نورهان حبي الله يعينج ياقلبي
حالج نفس حالي مايفرق شعره هههههههههههه
وعن التاريخ
يحسبو نفس الجدول هذا مالتي
بس اني دا احسب كل 19 ادخل بشهر جديد
يعني 14 سوم بالسابع هسة
وهمة منغيرشي راح يولدوني عالاغلب الاسبوع 37
الله كريم اتوقع ولادتي قبل هالوقت.

حبايب شلونكم كلكم
عسا الكل بخير..

White angel · 07-03-2012, 11:41 PM

هلوووووو فوفو شلونج حبي الحمد الله ع السلامه
همزين اجيتي جان انجنيت التجمع بيه اصوااات تخووف خخخخخخخخخخخخ عبالك اثنين دا يحجن مااعرف يتوهم لي هههههههههههههه شلونج كبد

White angel · 07-03-2012, 11:44 PM

فوفو دا اسألج شنو الشي الي تخلي الوحده تجيب اسرع هذا ابن اخويه لازك وباقي خلصت شهرها ومنطيها 14 يوم احتياط سمعت عندج خلطه الهل موضوع ههههههه

فوفو العراقية · 07-04-2012, 12:54 AM

هلو زينوووووووووووووووووب
ولج لا تخوفيني اريد اروح انام بعد شوية
اصوات شنو؟ ههههههههههههههههخروعه
اخاف سعلووة بالموقع فايته ههههههههههههه

ولج اي الخلطة هاي مو مني
اني قريتهة قبل فترة بالنت
وحده تحلف تكول ولادتها بجر ومتاخرة
وكلش تعبت وماكو حل
تكول جابت زيت زيتون وطحنت ويا حبة سود ودهنت بي بطنها وضهرها وفخاذها
ونكعت رجليها بمي دافي زيادة
وورة ساعه ونص اجاهة الطلق
وما لحكت تخبر اهلهة حتى
وجابت رأسأ ورة الساعه ونص
وتحلف لبنية تكول حتى فتح ماحتاجيت
حبي شوفي
اني شمشمت عن الموضوع وخمخمته ههههههههه وكتشفت انه ممكن فعلا هالشيئ يسهل
لان الدكتورة هنا منعتني من الكاندي الاسود (الاكرتس)
لان يسبب ولاده مبكرة
وهوة مسوي من الحبة السودة
وهية دهنت ويا زيت لزيتون
والزيت دخل المادة هاي للرحم بسرعه وجتها الطلوكة
والمي الحار للرجلين يرخي الرحم وبحالتهة راح تتقلص بدون ما تتشنج عظلة الرحم وماحتاج الها فتح لان توسعها يزيد.

هاي بتحليلاتي ههههههههههههه
يمكن صح ويمكن غلط يمكن ينفع ويمكن لا
بس على كل حال ميضر هالشيئ لانه طبيعي وخارجي.

واني ان شاء الله اجربه لو لكيت حبة سودة هنا لما ادخل التاسع هههههه.

**نورا** · 07-04-2012, 11:05 AM

صباح الخير بنات اني مدري شبيه بارحه اكلت واستفرغت واليوم الصبح هم تريكت وستفرغت
خوما شي يخوف ؟؟؟؟؟؟

White angel · 07-04-2012, 11:14 AM

صبااااح الفل والورد والياسمين لعيون احلى صبايا امهات كروووش خخخخخخخخخخ

نوراا حبي سلامتج والله ماعندي ابد ابد ابد خبره ب الاستفراغ لاني اصلا لاتوحمت ولااستفرغت انتظري تجيج الدكتوره فوفو وهي تجاوبج لان هي طبعا مجالها واسع ب الولاده
بس اتصور عاادي تصير هسه اروح ابحث لج وارجع

White angel · 07-04-2012, 11:18 AM

نورا كبد يكولون هاي من علامات الولاده حبي شوفي هذا الرابط بلكي يفيدج وماعندج الا العافيه قلب

http://forum.hwaml.com/t16544.html

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
كردستان العراق 2013 ‎ - مناظر طبيعية فى كردستان العراق ‎ 2012 - السياحة فى كردستان ا	خليجية وافتخر	المـنـتـدى الـعـام	6	12-24-2012 02:13 PM
دردشة بنات العراق, دردشة حوامل العراق , تجمع بنات العراق	سماسم	إستفسارات حوامل من الشهر السابع إلى الشهر التاسع	16513	06-07-2012 02:12 AM
دردشة بنات مصر , دردشة حوامل مصر , تجمع بنات مصر	سماسم	إستفسارات حوامل من الشهر السابع إلى الشهر التاسع	32704	01-02-2012 10:16 PM
تجمع حوامل العراق واتمنى اكو احد موجود	توتايه	إستفسارات حوامل من الشهر السابع إلى الشهر التاسع	18233	01-02-2012 10:09 PM