دردشة حوامل أهل قطر - دردشة بنات قطر - تجمع حوامل قطر

[حرم المالكي]

بــــــــــــــــــاااك من بعد الاجازة..

مس حسن طمنيني عليج ..؟

[Mss Hassan]

ولكم باك فديتج

الحمدلله ابشرج ولدت فجر الاحد الحمدلله

بمستشفى الولاده و جبت احلى علي 


حياج تعالي لي نورينا انا بالمستشفى

[حرم المالكي]

ماشالله تبارك الرحمن.. الف مبروووووك حبيبتي و يتربى بعزكم..

بشريني اشلون الولادة و الاهتمام .؟

لقيتي غرفة؟

[Mss Hassan]

الله يبارك في عمرج فديتج

الولاده الحمدلله فلم رعب ههههه


الاهتمام للاسف ماحسيت فيه اهئ اهئ مايدلعون ههههه

بس لما جيت الغرفه الخاصه الحمدلله في اهتمام


زحمه الغرف لقيت غرفه ثاني يوم

و حياج اليوم موجوده انا

[جوري قطر]

يشرفني انضم وياكم في دردشة حوامل قطر وانا اختكم جوري قطر وهذا اول حمل لي وفي الشهر الثالث واتمنى تتقبلوني وياكم

اختكم جوري قطر

[حرم المالكي]

صباحووو .. مس حسن ما اوصيج حجزي لي الغرفه عقبج..
جوري قطر منووورة حبيبتي..

[Mss Hassan]

جوري قطر
حياج حبوبه نورتي 
والله يثبت حملج يَ رب و يسهل عليج ويتمم لج



حرم المالكي

ههههه اوك والله حوسة الغرف سالفه

والحجوزات كله واقف الرقم *

[حرم المالكي]

الواحد يحاتي الولادة و لا الستاف اللي بيكون موجود و لا الغرفه بيحصل و لا مب محصل..

الشعب يطالب بزيادة غرف الولادة الخاصة

[جوري قطر]

حرم المالكي - مس حسن

النور نوركم فديتكم وتسلمون على الترحيب ومشكورة مس حسن على الدعوة الحلوة ومبروك حبيبتي ويتربى بعزكم ان شاء الله

وانا ابي استشيركم في شيء تكفون اللي تعرف لا تبخل علي انا اول مادشيت الثالث كله ارجع يعني اول ماقعد من النوم ارجع وبعد ما اكل ارجع وقبل لا انام ارجع والله تعبت حتى نفسيتي صارت مب شيء وابي شيء يخفف علي والله يوفقها ويسهل عليها اللي راح تفيدني

اختكم جوري قطر

[حرم المالكي]

حبيبتي جوووري قطر ماعليج شر ,, بس هاي اعراض جدا عاديه و الشهر الثالث تقريبا بداية النساة .. ان شاء الله اول ما تخلصينه بيخف عليج كل شي..
انا في حملي الاول طول الشهر الثالث كنت ارجع اول ما اقوم من النوم و اذا شميت روائح.. بس سبحان الله اول ما دخلت الرابع .. كأني وحده ثانية .. لا تحاتين حبيبتي..
يقولون في حبوب تخفف بس للامانه ما جربتهم .. اصلا كنت بعد ما ارجع ارتاح..
فترة و تعدي و الله يسهل عليج يا رب..