تجمع حوامل ليبيا

[عيون زوجي]

انا تابعت عندها في الليبي السويسري وكان اسلوبها مادي كل شي تحاليل ولما تعطيها النتيجه انحسها ما تركزش وما تعطيكش كل النصايح مع اني بكره من الاخير ما حبيتهاش وصار موقف معاها
مرة مدام كانت اتابع عندها وشكلها نزفت في حوشها جابها راجلها جري عالعياده واستادن مننا وخش وكنا زحمة تخيلي ما بتش ادخلها قالت لين يمشي راجلك يدفع حق الكشف والله العظيم قدامي وقدام الرجاله الدم انزل منها لين لبز عبى الارضيه تحتها وبعدها جابوها نقاله وطول عالعمليات واجهضت
وانا صار معاي نزيف 3شهور الاولى من الحمل لين ينزل من بين رجليا لما نمشيلها واديرلي في جهاز مهبلي اتقولي الجنين كويس ونقولها شنو السبب اتقولي مجهول ما تخافيش وريحي روحك
ولما مشيت للدكتورة امنه قرينات من اول ما دارتلي الجهاز قتلي شوفي بروحك فيه زوز اكياس حمل واحد ثابت بنبضه والتاني انزل واني كنت حامل بتوامه
ننصحك بالدكتورة امنه في مصحة الرحمة في بدايه تاجوراء عالطريق عاليمين قبل سيمافرو البيفي
وبالعكس معدات واجهزة المستشفيات احسن من العيادات

[عيون زوجي]

ايه صيدله
ام ناريز كيف حالك وحال ناريز وربي يدوم افراحكم يارب
عندك خوات متزوجات غيرك
وشنو عندك من مناسبه باش ايجوك
وربي يدوم المحبه مع سلقتك يارب

[المتفاااائلــــه]

المشاركة الأصلية كتبت بواسطة عيون زوجي

انا تابعت عندها في الليبي السويسري وكان اسلوبها مادي كل شي تحاليل ولما تعطيها النتيجه انحسها ما تركزش وما تعطيكش كل النصايح مع اني بكره من الاخير ما حبيتهاش وصار موقف معاها
مرة مدام كانت اتابع عندها وشكلها نزفت في حوشها جابها راجلها جري عالعياده واستادن مننا وخش وكنا زحمة تخيلي ما بتش ادخلها قالت لين يمشي راجلك يدفع حق الكشف والله العظيم قدامي وقدام الرجاله الدم انزل منها لين لبز عبى الارضيه تحتها وبعدها جابوها نقاله وطول عالعمليات واجهضت
وانا صار معاي نزيف 3شهور الاولى من الحمل لين ينزل من بين رجليا لما نمشيلها واديرلي في جهاز مهبلي اتقولي الجنين كويس ونقولها شنو السبب اتقولي مجهول ما تخافيش وريحي روحك
ولما مشيت للدكتورة امنه قرينات من اول ما دارتلي الجهاز قتلي شوفي بروحك فيه زوز اكياس حمل واحد ثابت بنبضه والتاني انزل واني كنت حامل بتوامه
ننصحك بالدكتورة امنه في مصحة الرحمة في بدايه تاجوراء عالطريق عاليمين قبل سيمافرو البيفي
وبالعكس معدات واجهزة المستشفيات احسن من العيادات

باهي بالله كان عندك رقم العيادو والا رقم الدكتورة عطيهولي ... وراجلي مايحبش العيادات مش على اجهزة والا حاجة حتى آني عندي عادي .. لكن راجلي حزار هللبة ...ويقولي المستشفيات زحمتهم هلللبة وكللهم رجالة على الأقل العيادات اقل زحمة ومكان محصور .. هذا السبب ونستنا في رقم تلفون منك ... وزعما اما ايام تخدم الدكتورة آمنة ... زعمة غدوة تشتغل .... ؟

ويابنات كان اي وحدة تعرف دكتورة كويسة تقولي عليها ..

[عيون زوجي]

عندي رقم العياده بس اتصلي ويعطوك مواعيد الدكتورة سارة توا راقده في حجري رح نبعتهولك غدوة

[عيون زوجي]

كيف بتخدمي مع حزارة راجلك؟؟؟؟؟

[المتفاااائلــــه]

المشاركة الأصلية كتبت بواسطة عيون زوجي

كيف بتخدمي مع حزارة راجلك؟؟؟؟؟

هههه قاعدين نقنعوا .... تعرفي حتى لقيت بنية كانت تقرا معاي في معمل في تخدم وعطتني رقم مدير المعمل وقالتلي كلمية كنهادا تعالى ادربي معاي اني خديت على الخدمة وبالك يعينك قالي لالا .. ماعجبنيش المكان ... لكن بصفة عامة متشجع للفكرة .. وهوا عنده احسن كان نحصل معيدة والا نشتغل في الجامعة يقولي انحس فيه افضل من المستشفيات ... لكن كاني حصلت فرصة نحس في نفسي نقدر نقنعه غير تجي الخدمة بس ...

[عيون زوجي]

فيه ناس محظوظات يخدموا في مستوصف يومين في الاسبوع فقط

[عيون زوجي]

احكيلي كيف انخطبتي معرفه عيلة والا هو شافك وطلب منك يخطبك

[ميمونة]

زيدي قصقصه يافالحه وهيا عارفه روحها

ام ناريز شن حالك هياجه هالشهر ماشاءالله ربي يكثر الافراح

[المتفاااائلــــه]

بالله كان قدرتي تعطيهولي توا لأني بنكلمهم غدوة الصبح بكري ... بش كانها تشتغل نمشي غدوة الصبح لأن فات فيا ونسقت مع راجلي غدوة بيطلع من شغله بش نمشوا للعيادة وبعدين انديروا مشاويرنا ... كنا في برنامجشي بنمشي لرائدة لكن توا تغير البرنامج