تجمع حوامل ليبيا

[المتفاااائلــــه]

المشاركة الأصلية كتبت بواسطة عيون زوجي

للامانه هالكلام منقول بس عجبني ونقلتهولكم لانه يوافق احساسي
اميرة التجمع من وين تخرجتي وتخدمي ولا لا؟؟؟؟؟؟

متخرجة من التقنية الطبية " علم امراض " وبعد ماتخرجت انخطبت وتزوجت علي طول مالحقتش نخدم لكن توا ندور نبي نخدم لأن الفترة اللي فاتت جت الأحداث وماجتش فرصة اني اندور وقبلها كنت كيف متزوجة ..

[المتفاااائلــــه]

المشاركة الأصلية كتبت بواسطة عيون زوجي

ايه...........تعالي وين هاربه صحه العشي استاحشتك توا كيف بعتث رساله لميمو نسئل فيها اعليك
وهالصورة حرام اعليك يقونه بنوته اصغيرونه دلوعه توا توريهولك عارفاتها عندها البوم صور ليك
اميرة التجمع......مبروك ما شريتي ومبروك شنو بتشري وتلبسي جديد وتعيشي حميده وتموتي شهيده وتبيدي بالهني
وسلمهولك رويجلك اصغير والحياة مازال قدامكم وربي يكتبلكم طول العمر ودسته اولاد

الله يبارك فيك لكن مارديتيش على استفساري على دكتورة نساء وولادة كويسة .... انتي في طرابلس والا لا ؟؟

[عيون زوجي]

فيه دكتورة في الطبي ماشاءالله صديقه حماتي لان حماتي حتى هيا دكتورة نساء اسمها سالمه المسلاتي واخصائيه
انا في حملي في سارة تابعت عند الدكتورة رائدة في الليبي السويسري زمان
وبعدها تابعت عند الدكتورة امنه قرينات ماشاءالله اعليها في عياده الرحمة وفي محمد حملت بيه برا وما تابعتش هنا
وانتي تخصصك قريب مني كنا كل يوم نفطروا في كفتيرية التقنيه ايام القرايه ايام حلوة انا وصاحباتي

[عيون زوجي]

حتى اني نبي نخدم السنه الجايه وحاليا طالبين في مجال الصحه في مستوصف في منطقة الجديدة بس نتمنى نلقى مكان اقرب
لان الطبي اقريب اعليا 5دقايق على حوشي نتمنى نحصل فيه او مستوصف قريب مني
للعلم قدمت ملف في المستوصف يلي في الجديده قلت بالك تصدف

[عيون زوجي]

رقدتي؟؟؟؟؟؟؟؟؟؟؟؟؟؟

[المتفاااائلــــه]

المشاركة الأصلية كتبت بواسطة عيون زوجي

فيه دكتورة في الطبي ماشاءالله صديقه حماتي لان حماتي حتى هيا دكتورة نساء اسمها سالمه المسلاتي واخصائيه
انا في حملي في سارة تابعت عند الدكتورة رائدة في الليبي السويسري زمان
وبعدها تابعت عند الدكتورة امنه قرينات ماشاءالله اعليها في عياده الرحمة وفي محمد حملت بيه برا وما تابعتش هنا
وانتي تخصصك قريب مني كنا كل يوم نفطروا في كفتيرية التقنيه ايام القرايه ايام حلوة انا وصاحباتي

آني عندي صاحبتي في الطبي وقالتلي على المسلاتي وقالتلي تعالي وندخلك ليها ... لكن راجلي مايبيش المستشفيات قالي عيادة أحسن ... باهي رائدة هيا نفسها اللي نمشيلها آني ... انتي أي احسن عجباتك رائدة والا آمنة اللي في الرحمة وكان آمنة اللي في الرحمة أحسن قوليلي وين تجي هادي العيادة واعطيني رقمها ونبي نعرف شني رايك في رائدة علي حسب ماتمشي غادي وأكيد في الإنتظار تتلاقي مع ناس يجوها آني اللي نلقى فيهم كلهم يشكروا فيها .... على شني تشجعيني اكثر ..

[عيون زوجي]

اوكي.................................

[المتفاااائلــــه]

المشاركة الأصلية كتبت بواسطة عيون زوجي

حتى اني نبي نخدم السنه الجايه وحاليا طالبين في مجال الصحه في مستوصف في منطقة الجديدة بس نتمنى نلقى مكان اقرب
لان الطبي اقريب اعليا 5دقايق على حوشي نتمنى نحصل فيه او مستوصف قريب مني
للعلم قدمت ملف في المستوصف يلي في الجديده قلت بالك تصدف

انتي شني تخصصك .. صيدلة ؟

[ليبياقلبي]

سسسسسسسسسلامي ليكم اول شي استحشتكم والله معاد نفضى امس كانت عندي لمة صاحبتي في الصالة جايبة ومشيت لمزين وتاخرت بعدها روحت بناخد نوزة لقيت اختي الصبية حاصلة في تفريش الحوش باتت معاهم ورةحت اليوم واقفة من الصبح غدوة جايني عويلة عمي حاصلة ضميت وتوا بادية بنطيب تجهيز مسبق ههههههههه

[ليبياقلبي]

عيون قوليلي انت حامل ولالالا
ومتفائلة شن صار فيك انا مقريتش الصفحات كلهم لانا متاخرة في القراية وانا مستعجلة
يقونة ياكبدي موعرك شكلك هههههههه واعيرة وبالنسبة للسلفة انا سلفتي الحمد لله الي يشوفنا يقول انتم خوات الحمد لله طبعا استحشتك خاطري في هدرزة معاك عالياهو