دردشة بنات ليبيا , دردشة حوامل ليبيا , تجمع بنات ليبيا

[أم السنافر]

الحمد لله بخير بشوفتك ام معاد

وانتى كيف حالك وحال السنفوووور؟؟

[ام معاد]

اكويس لكن تعرفي ابدي معاه اسهال توا ماعرفتش خيره نمشي نعطيه اكياس اتماعات الاسهال وخلاص

[أم السنافر]

الف لاباس عليه
المهم ماعنداش حرارة وكتريله سوائل سلامته

تعرفى حتى انى حرارة كلنى ماعرفتش من الحمل ولا مريضه

مع انى دوشت ميه مصقعه لكن نحس ف روحى فاشله وسخونة

زعما عااادى؟؟

[ام معاد]

انت قيسي حرارتك فيه عادي من السادس تبدا اتحس في حرارة لكن مش حرارة مرض اني في ولدي من الخامس انحس في حرارة لدرجة اني نشرب في المية المسقعة وهو شتي لكن انت بري قيسيها وكان القيتيها فوق من 27 اكيد فيه حاجة وان تكون عادية

[ام معاد]

توا ابنمشي انحط العشي نصف ساعة وجاية غزالي قريب يروح

[أم السنافر]

شنو بطيبى عشى ؟؟؟

[أم السنافر]

اى تو ان شالله موعدى قريب عند الدكتوووره غدوا

[ام معاد]

بندير فتات مسقي ، انت وين اتابعي

[يقين]

السلام عليكم مسالخير

[يقين]

ميمو منوره كيف حالك وحال زوجك ان شالله تمام
ام معاد لاباس علي وليدك ربي يشفيهولك وصحه الفتات
ام نوزه بارك الله فيك حبيبه والله انك بنت اصول وما تقصريش والرقم تو نسيفه عندي