تجمع حوامل ليبيا

[ميمونة]

لا الحمد لله تسال عليك الصحه

غير تعالي قولي شن قصه تست الحمل وقداش غايبه عليك الدوره

[ميمونة]

ام وسونه مؤثره الصوره والله في عبره حلوة وعجبتني

[عيون زوجي]

ذكريات

وبعد مافاتت السنة الاولي بايامها الحلوة ..جي البيبي اللي قعدت تسعة شهور نتخيل فيه ونوتيله وحتي الحوايج اللي نشريهم نبوس فيهم كل مانطلع نتفرج عليهم..وكنت مش مصدقة امتي تجي اللحظة اللي يجي فيها..و على حين غرة جبته..
وبدت المرحلة الصعبة في الحياة..ومع اني كنت مش صغيرة في السن يعني مش تحت العشريينات..ولاني دكتورة كنت متوقعة ان عندي خبرة كبيرة بالصغار اللي كنت نحبهم ونموت فيهم من قبل مانتزوج..و...اللي توا نكره حتي صنتهم..
كنت متخيلة البيبي حاجة حلوة ..كنت متخيلة اني بنستمتع واني نصور فيه في اول حمام واول مرة نغيرله..مانحسابش اني حننسي النوم ويجيني صداع مزمن من صوت العياط المتواصل..ومانحسابش ان الامومة صعبة ..وان البيبي مش لعبة ..وحسيت بقيمة ماما ..وحبيت ماما اكتر واكتر..واتغيرت حياتي..وضاعت الرومانسية وطلع اسماعيل العجيلي من جديد..واصبح البيبي هو مركز اهتمامنا اني وراجلي..حي عيط ..حي شكله عنده مغص..حي صقع عليه..ان شاء الله مايمرضش..زعما شبعان..خيره مايرقدش؟؟؟؟ واصبح حالي زي المراة اللي في الصورة..والحمدلله اللي رزقني باحلي حاجة في حياتي..ولدي..واللي مع انه غير معني الرومانسية الا انه خلق رابط جديد بيني وبين راجلي..وربي يرزق كل محروم

[عيون زوجي]

غايبه ليها 11 يوم لحد الان وانا صارلي في ولدي التاني عابيه عالمانع الطبيعي وحملت وتوا ما شعفتش قعده بالمانع الطبيعي

[ميمونة]

فضيعه هالصفحه في الفيس صح عندك حساب عيوني

[ميمونة]

ماله نقولو مبروك قداش عمرها بنيتك --وبعدين كذب عليك علي ربي شن يكتب شوفي يقين الحمدلله اللي كاتبه ربي بنشوفوه

[ميمونة]

جربتي التست او لا

اشبح ام قصي شن صار فيها حتي هيا غايبه

[ميمونة]

عيون تعرفي موقع سيدتي متاع الطبخ اللي حطيته رابطه مش عادي

كان ربي سخر بنجرب البوريك ومتاع القوالب شوفتيهم يسفهو

[عيون زوجي]

ميمووووووووووووووووووووووووووووووووونه...........

[عيون زوجي]

نتيجة التست طلعت بس رح نقولليكم النتيجة بعدين اسلوب تشويق بنتي عمرها 2 و7شهور وولدي سنه وشهرين