دردشة حوامل أهل الامارات - دردشة بنات الامارات - تجمع حوامل الامارات

[اقصوصه]

الودود هلا حبيبتي اخبارج
كيف كان العيد وياج
عساج استانستي فيه ؟
انا أبا اسير عالم فراري لأني ما سرت في العيد
انتي سرتيه؟

عذب الجوارح
هلا والله شوفي حاولي قد ما تقدرين تريحين عمرج وتجنبي الجماع نهائيا لين تربين عشان تتجنبين الولاده اول التاسع بس بنفس الوقت لازم تكونين مجهزه كل شي وماخذه كل احتياطاتج لان اي وقت ممكن تربين
والله يمكن الجو حلو انا ما اعرف لأني محكوره انا وبنتي في البيت ولين الحين بعدنا نشغل مكيفات
بس اليوم الصبح يوم العيال ساروا المدارس كان الجو مغيم
خساره الواحد يتم في البيت هالايام
بي شو نسوي مجبورين
انا انتظر بنتي تكمل 3 شهور عشان اقدر اطلعها وياي
وينفك اسري شوي هههههههه

[سمو الأميره]

هلا بالأميرات

ومتوجة الاميرات اقصوصة

ماشاء الله تابعة وبقوة

حمدللله ع سلامة ريلج وحج مبرور

انا ريلي رد اول البارحه

والعيد بس ويا هلي ماطلعت
لكن بعوضها ان شاء الله ف اجازة نص السنة

الله يتمم الحمل للجميع

لاتنسونا من الدعاء

[اقصوصه]

هلا والله اميره

الله يسلمج يا رب

والحمدلله ع سلامة ريلج بعد

والله حتى انا عيدت بروحي

بس الوناسه في العيد هي المسرحيه اللي حضرتها

والحين ان شا الله في الويكند ريلي بيطلع العيال

لاني ما طلعتهم وايد في العيد مساكين

وانتي ما بتسيرين عالم فراري؟؟

[الودود]

هلاااااااا اقصوصة كيفك وكيف حوريتك الله يحفظها لك ، لاا مارحتله ماحب الاصوات والضجيج يمكن حساسة زيادة من الحمل

انا رحت بالعيد للخالدية مول لعبنا الاولاد بس زحمة الله يعين وانا ان شاء الله بولد بالرحبة براجع عندهم حاليا الله يسهل على كل الحوامل

امييييييييييييين يارب

[اقصوصه]

الله يقومك بالسلامه يا رب ويسهلها عليج حبيبتي

[عذب الجوارح]

صباح الخيرات حبايبي أقصوصة الودود سمو الأميرة عساكم بخير
أقصوصة من جهة المكيفات بطلنا نشغلها يمكن الضحى شوي أما فالليل شغلت المركزي عالدافي يومين وطب ساكت من نفسه ما أدري شفيه خخخخ
أفكر بالياهل اللي بيي فديته برد الدنيا أول مرة أربي بالشتا وانتي الله يعينج أن شاالله ينفرج أسرج جرييييب
أقول من راح القرية العالمية هالسنة ولا بعدكم أفكر أروح خلال هاليومين قبل لا أولد و أنسجن ^^"

[اقصوصه]

صباح النور

أنا والله ما سرت ولا اروم اسير

وبيني وبينك أنا مش من النوع اللي يحب القريه وايد

احب أسيرها مع شله حريم

بس بروحي او مع ريلي ما أتشجع وايد هههههه

مع ان ريلي وايد يحب يسيرها

لانه يحب الأحجار الكريمه وايد

فيسير ياخذ من هناك

[عذب الجوارح]

وريلي نفس الشي سبحان الله والقرية اليمنية والخواتم والمسابيح والله حكاية
أنا لو تدرين أحب فعالياتهم اللي يسوونها بس العيال مايخلون الواحد يرتاح فروحته أاحسن لهم قعدة البيت هع هع

[اقصوصه]

هيه فعلا العيال ما ينفع يسيرون مشوار القريه هذا

أنا صراحه احب اسير مع سلة حريم نستانس ونقضي وقت حلو

ان ين انتي عيالج الاثنين مدارس والا؟

[عذب الجوارح]

بنتي الاكبر أربع سنوات ونص أول روضة والثانية راقدة حذالي فديتها سنتين وثمان شهور واثنيناتهم حنانات ما شاالله مابقدر آخذهم وياي